فاضل عباس الخزاعي
07821159064
التليكرام خاص
@f_f12f
الانستگرام
@fadil_alkhuzaey
القناة الرسمية والموثقة لـ أخبار وزارة التربية العراقية.
أخبار حصرية كل مايخص وزارة التربية العراقية.
تابع جديدنا لمشاهدة احدث الاخبار.
سيتم نقل احدث الاخبار العاجلة.
رابط مشاركة القناة :
https://t.me/DX_75
Last updated 1 year, 3 months ago
القناة الرسمية لشبكة ملازمنا كل مايحتاجه الطالب.
((ملاحظة : لايوجد لدينا اي حساب تواصل على تلكرام ولا نقوم بنشر اعلانات في القناة))
Last updated 1 day, 5 hours ago
يا رسول الحب .. مولانا
الباري لعيونك .. سوانا
ما تحد عطفك .. هالدينا
ربنه حط بيدك .. ميزانه
يا خالق الدمعة .. للحسين
جيت ابدمعتي اسعى .. والونين
طهرني واحركني .. للخيام
عندي البجي والون .. خيرُ دِين
من عطفك .. البجي من عطفك .. اخذني ابجفك .. يا رسول الله
بس نظره .. بحق الزهره.. دليلي اتطهره .. يا رسول الله
:
:
بؤبؤ الدينا .. والمحور
يا نبع صافي .. يا كوثر
يا ابو الزهره .. شيوصفك
الذِكَر لفظ اسمك .. يتطهر
لوحة جمال او حب .. بالوجود
يل ما تحد فضلك .. كل حدود
أطهر واعلى ما يُخلق .. كل زمان
يا دوحة الرحمة .. اعليه جود
لفظ اسمك .. يطهرنه اسمك .. عظيم ابرسمك .. يا رسول الله
من خيرك .. ترسنه خيرك .. الرزق تدبيرك .. يا رسول الله
:
:
بسملة الحيدر .. جان اسمك
كل نبي ياخذ .. من علمك
بس علي او ربه .. اللي ايعرفك
يا رسول الله .. شِيْفِهْمَك
فوق العقل وصفك.. يا عظيم
من ايدك او فضلك .. هالنعيم
من نورك انصاغت .. هالسماء
ذو القدرة والحكمة .. والرحيم
سلطانك .. اشعظم سلطانك … عظيم ابشانك .. يا رسول الله
ما تنحد .. ابد ما تنحد .. او الهك يشهد .. يا رسول الله
:
:
يل ترب جدمك .. نوراني
نبض دلالك .. رباني
نورك الباقي .. ما يطفه
ذكرك الاقدس .. احياني
حرز الامان اسمك .. والجمال
اكساك باريّك .. بالجلال
يا مصدر الحكمة .. والضياء
بگلوبنه ترنيمك .. لا يزال
ما مثلك .. بشر ما مثلك .. اليضدك يهلك .. يا رسول الله
خَدامك .. الوحي خدامك .. طوال ايامك .. يا رسو ل الله
:
:
يا نبي الرحمة .. والعالي
ماكو ابد مثلك .. كل غالي
سيّد العالم .. والقاضي
وحدك التسكن .. دلالي
نور السمه الاوحد .. والفريد
يل اسمك الباقي .. ما يبيد
سنيت دين الحك .. بالوجود
طول الدهر دينك .. ظل جديد
لا تدرك .. ابد ما تُدرك .. جبير بسرّك .. يا رسول الله
من فاطم .. ابوها الفاطم .. رؤوف او راحم .. يا رسول الله
:
:
فاضل عباس الخزاعي
إن زوار الحسينْ .. كانوا .. من آياته عجبا : : "السابقون السابقون" .. الى الحسين " أولئك المقربون "… مِن الحسين وفي جنانِ الزهرا مخلدون الزيارة "ذلك الفوز الكبير" الى" البُقعة المباركة" المسير جنان الله في هذا الوجود عليها ابن الزجية اصبح امير "عباد…
إن زوار الحسينْ .. كانوا .. من آياته عجبا
:
:
"السابقون السابقون" .. الى الحسين
" أولئك المقربون "… مِن الحسين
وفي جنانِ الزهرا مخلدون
الزيارة "ذلك الفوز الكبير"
الى" البُقعة المباركة" المسير
جنان الله في هذا الوجود
عليها ابن الزجية اصبح امير
"عباد الرحمن ".. اجت مشاية
يزورون احسين .. زلم وفاية
" رجالٌ صدقوا" .. الگلب والنية
على اسم العباس .. ترف الراية
:
:
"لا لَغْوَ" في هذا الطريق .. بحب الحسين
وفيه جبريلٌ رفيق .. بحب الحسين
المشايه درع اليبعد لظى الحريق
و "سيْقَ "اللي مَشِوا الجنة الحسين
ونودوا "إدخلوها خالدين "
"لكم فيها "رضه الزهره البتول
سلام الله عليكم "آمنين "
فـ"من كلِّ فَج ".. مشي للحضره
وهم" حزب الله" .. رجال العتره
"اولو الالبابِ ". اجوا بالمدمع
"جزاءَ الحسنى" .. نعيم الزهره
:
:
"إن الذين آمنُوا ".. بحب الحسين
"والذين أُخْرجُوا" .. بحب الحسين
"عَليهم صَلواتٌ "بما آمنوا
"فلا تحصوها نعمة هالدرب"
"يطهِّرْكم" تره او يجلي الگلب
"طريقٌ مستقيمٌ" للحسين
محال ايكون مثله والله حُب
فذا" نصر الله .. وَفتْحٌ أكبر"
تجي ابدربه افواج .. برعاية حيدر
و"موفونَ العهدِ" .. لروح الزهره
اليجيه مشايه.. ذنوبه تُغفر
:
:
"جناتُ عدنٍ يدخلون" .. بحب الحسين
"لا خوف لا هم يحزنون" .. بحب الحسين
بجف الكفالة للجنة يُحضرون
"همُ الاعلون "والنور الجميل
يمشون بحمه او راية كفيل
عليهم صلى رب العاديات
او تصيح احسين دكّات الدليل
مسير الانوار .. لارض الرحمة
منازل للخير .. او محط للنعمة
المشي ما تنحد .. فضل خطواته
محال اتوصفه .. او تحده الكلمة
:
:
"في غُرِفاتٍ آمنون ".. بحب الحسين
"ثياباً خُضرَ يَلبسون ".. بحب الحسين
يفدون ابو اليمه المال والبنون
منِّ البحْرِ للنحر الزيارة
"تجارة او لن تبورُ هالتجارة "
"يسارعون في الخيْرات "دوما
ربح هاي السچة ما بيها خسارة
مشي للعلياء .. يروح الزاير
مصب للخيرات .. هذاك الحائر
فـ"هذا يومكُمُ .. الذي توعدون "
"جزاء الاحسان ".. ورزقٌ وافر
:
:
فاضل عباس الخزاعي
واحد الحب .. حسن
منه نُطلب .. حسن
ذو العجايب ..والمنن
امروته اتصُب ..حسن
مولانا الحسن حسن برهان السمه
بجفوفه الكرم نزل سلطان الحمه
من عنده بده الضوه او من عنده العشك
ما يتوصف الحسن ضي من فاطمه
رب العرش كمّله
وعله الخلك. فضّله
بيده الكرم .. نزّله …
ما تنوصف .. صورته
تنشد حرز .. چلمته
كل المَلَك .. عشكته ..
:
:
سر مقدس ..حسن
حب تنفس .. حسن
ضي سماوي.. والبهي
جفه الاشوس .. حسن
شيخ المرجله الحسن حيدر لو حمل
فارس ما اله شبه تشهدله الجمل
ذو الجف الكوي الشهم بركان الغضب
ضيغم طالبي الأشم ما مثله فحل
من النبي .. سلطته
من حيدره ..قوته
تفني الزلم ..خزرته
يكرم تره ..بالحرب
يلوي الركب ..من يطب
جف هاشمي.. والصعب
:
:
بيده كلشي .. حسن
بدمنه يمشي .. حسن
اشمحله عشكه .. بالگلب
بدونه نعشي .. حسن
سر النونِ والقلم سر القل هو
روح القدْسِ يخدمه. او مصدر للضوه
مكنون الحسن تره وتجهله اللسن
فيض او ما اله وصف من كلشي حوه
بيده العشك ..يبتدي
يمه الگلب ..يهتدي
باقي الحسن.. سرمدي
شيخ الحرب .. والكرم
منبع تره .. للنعم
ضي أزلي ..والأشم
:
:
بالبداية .. حسن
بالنهاية .. حسن
ذو المعالي .. ذو الكرم
لله ثاية .. حسن
مدفون بگلب علي واتعله اعله الوصف
من عنده بدت تره كل رحمه او عطف
عالي او محد الفهم كدره او شانه ابد
محور للنعم نزل بجفوفه اللطف
خير البشر .. فاطمي
بدمه نَبض .. هاشمي
باسمه الگلب .. يحتمي
من الضوه .. انخلق
من دم علي .. انبثق
محد اله .. قد سبق
:
:
وجه سوره .. حسن
ادخيل نوره .. حسن
اشرف الكل .. سيدي
الطه صوره .. حسن
هاله امن الكرم بزغ بلُّطْف الجلي
يُحيي الميت الحسن. بحچاية علي
ذو القدرة الفلا وصل. فهمه الآدمي
مُعجز ماا يحده حد. فيضٌ عَلوي
اشرف واجل .. ما وِجِد
بكلشي الحسن .. مُجْتَهِد
منه الكرم .. منولِد
ما تندرك .. قدرته
يم العرش .. رايته
اينجي غدا .. شيعته
:
:
فاضل عباس الخزاعي
تنزل دمعتي
ابجي الغربتي
راحوا صُحبتي .. ويلاه
شيصبر الكلب
واعزازه اعله الترب
هذا الهَم صعب .. ويلاه
كربلا .. مني خذت حتى النبُض
صحبتي .. ناموا على جمر الأرُض
بالدمع .. اندبهم او گلبي انفجع
يالزلم .. منكم ولا واحد رجع
يشيوخ الكلافه .. ردوا عليه
حبيبٌ يا حبيبي .. ارجع اليه
ينصاري الغياره .. شيلوا المراهف
ترضون بعدوكم .. ايشمتون بيه
:
:
يبطال الصفه
عالدينا العفه
ضي عيني طفه .. ويلاه
يدروع الخيم
يربات الشيم
كل حيلي انهدم .. ويلاه
يا علي .. كوموا احلفكم بعلي
يا هلي .. صحباني انتم او هلي
التفت .. بلكي يرد ليه نفر
اصرخت .. ظهري عليكم انكسر
بدموعي او نحيبي .. او كل المشاعر
صاحبكم وانادي .. هل ليه ناصر
رحتوا امن ايدي كلكم .. فوك الترايب
يزلام المراجل .. احسينكم حاير
:
:
صاحبكم وحيد
عطشان او طريد
والشاطي بعيد .. ويلاه
يا خير الصحاب
شيحمله المصاب
غيبتكم عذاب .. ويلاه
امن العطش .. غيبتكم اقسى امن العطش
والهضم .. دمكم على الرمضه انفرش
حيرتي .. وحدي بقيت ابكربلا
والتِهد .. عطشانه كل العايله
من رحتوا عني .. حيلي تِهدّم
يسمع صوت نوحي .. كل المخيم
شيصبّر دليلي .. وچبير كسره
للموت بفكدكم .. قلبي تِجدّم
:
:
روحي امعلعله
عيني الهامله
آ يا كربلا … ويلاه
غربة الطف تره
روحي امگَدَّره
نمتوا اعله الثره .. ويلاه
يا وصف .. يكدر يوصف حالتي
مو انه .. تبجي الفكدكم خيمتي
ابفاطمه .. ردوا يزلم الموزمه
بالجفه .. هالدينا صارت مظلمه
يا حيل البقالي .. او ربعي جفوني
من كد البواجي .. ذبلن عيوني
حيل الدينا جارت .. وي كلبي حيل
كل ناسي الاحبهم .. وحدي اتركوني
:
:
اخر مُنيه هاي
شوفة ربعي ماي
اظلمت كل سماي .. ويلاه
جرح الطف ثكيل
كمت امشي او أميل
بيه الكل يعيل .. ويلاه
منيتي .. يرجع زهير او صولته
منيتي .. ينهض حبيب برايته
كلشي صاح .. من صحت يا غربتي
كلشي طاح .. من طاحت آخر دمعتي
هاي الحاله تهضم .. ابن الزهره وحده
كل ربعي دمايه .. هاي المشده
بيش الگلب يصبر .. وعزازه صرعه
ماي اصحابي چنهم .. بصحره تبده
:
:
فاضل عباس الخزاعي
وا ويلي على الكرار وا ويلي
مطبور راسه الضرغام .. وا ويلي على الكرار
فرحانه كل اهل الشام .. وا ويلي على الكرار
يم بابه تبجي الايتام .. وا ويلي على الكرار
شلون الكلف عينه اتنام .. وا ويلي على الكرار
:
:
يا زينب الوالي الرااح .. وا ويلي على الكرار
ذاك الاسد حيدر طاح .. وا ويلي على الكرار
اكشر تره هالمصباح .. وا ويلي على الكرار
شال ايده منه الجرّاح.. وا ويلي على الكرار
:
:
ويلاه يزينب ويلاه .. وا ويلي على الكرار
حيدر تلوّه امن الآه .. وا ويلي على الكرار
مسموم سيف الطگاه .. وا ويلي على الكرار
انصبغت لحيته امن ادماه .. وا ويلي على الكرار
:
:
مكسور شبّر مكسور … وا ويلي على الكرار
ما نشفت اعيونه اتفور .. وا ويلي على الكرار
يا وسفه حيدر مطبور .. وا ويلي على الكرار
لطمت عَليه حتى الحور .. وا ويلي على الكرار
:
:
شيخ الهواشم مفكود .. وا ويلي على الكرار
حكها الزلم والله اتنود .. وا ويلي على الكرار
لدياره حيدر ميعود .. وا ويلي على الكرار
تبچي السمه اعليه اجبود .. وا ويلي على الكرار
:
:
الله يعينك يحسين .. وا ويلي على الكرار
مفجوع خلاك البين .. وا ويلي على الكرار
منك اخذ ضي العين .. وا ويلي على الكرار
واعداه بي مشمتين .. وا ويلي على الكرار
:
:
يحسين مو سهل الصار .. وا ويلي على الكرار
ظلمه صفت بعده الدار .. وا ويلي على الكرار
راح الصميده الكرار .. وا ويلي على الكرار
من هسه بخيامك نار .. وا ويلي على الكرار
:
:
فاضل عباس الخزاعي
يا سيد الزمن .. يا حيدر
يا كاشف المحن ..يا حيدر
يا صاحب الحقائق .. مولا
يا اغلى كل وطن .. يا حيدر
علي ..وريث الانبياء
علي .. امام الاتقياء
علي الاسد علي الفحل
علي .. ختام الاوصياء
سراج المعموره .. علي الاكرم علي
وجوده بكل سوره .. امر محكم علي
عظيم او من نوره .. علينه انعم علي
:
:
يا صادق الوعد .. ياحيدر
يا حاضر الشدد .. يا حيدر
يا دائم الفضائل .. مولا
يا خير ما وِلَد .. يا حيدر
علي .. امير المؤمنين
علي .. شفيع التائبين
علي الضوه علي الدوه
علي .. دليل التائهين
دخيل اسمه الاشرف.. ولا ينحد علي
وجوده بكل مصحف .. ذكر أتلد علي
علي العالي الاشرف .. رزق ممتد علي
:
:
يمحيّر الفكر .. ياحيدر
يا خالد الذكر ..يا حيدر
يا محيي الشريعة.. مولا
يل اسمك العَطِر .. يا حيدر
علي ..ربيعٌ لليتامه
علي ..اله يشهد لثامه
علي الامل علي الوطن
علي.. دوه الفقره كلامه
امام الما مثله ..نزل واحد .. علي
عظيمٌ والأعلى.. نبع خالد .. علي
علي امن الجنة احلى .. هو الوالد.. علي
:
:
يا دوحة العشگ .. يا حيدر
بس يمك الصدگ .. ياحيدر
يا محور العوالم .. مولا
يا مالك اليدگ.. يا حيدر
علي..هو نور الحقيقه
علي.. الينجّي بس طريقه
علي الولي علي الاصل
علي .. رسول الله رفيقه
بده كلشي اباسمه .. علي القاهر .. علي
بدت منه الرحمة .. هو القادر .. علي
نزل النه النعمة .. ابو او ساتر .. علي
:
:
يا غاية السمه .. يا حيدر
يا كفؤُ فاطمة .. يا حيدر
يا مظهر العجائب .. مولا
الما حبك انعمه .. يا حيدر
علي ..علي الآية الجليلة
علي .. لربه اعظم وسيلة
علي النده على الهوا
علي .. ابو الحرة العقيلة
بسم حيدر كبّر .. قلب فاطم ..علي
على الدنيا الحيدر .. هو الحاكم ..علي
هو الغيث الازهر .. على الوادم .. علي
:
:
يا والي الولي ..يا حيدر
يا مرتضى علي .. ياحيدر
يا معدن الامامه .. مولا
يا رحمة العلي .. يا حيدر
علي ..حبيبٌ للرسول
علي .. هو قلب البتول
علي الوصي علي الذهب
علي .. هو فحل الفحول
حبيب الله الظيغم .. كِفُو الزهره ..علي
اذا سيفه اتنفّس. .. منو ايكدره .. علي
على العدوان اعبس .. ابو العتره .. علي
:
فاضل عباس الخزاعي
https://t.me/fadlkuzay
مولانا ابو طالب عليه السلام
#مؤمن_قريش
شيخ مكه الاكبر او عالي الشرف
گلبه بالتوحيد ما شك لا رجف
:
:
لولا جفه جان دين الله اندثر
وما بقه للدين چلمه او لا اثر
نوره من نور النبي شع وانتشر
البيت يشهدله او رسوله والحجر
كاتم الايمان مثل اهل الكهف
.
.
صلْب الايمان او ثبت رغم الالم
ما سجد والله راسه الكل صنم
ماكو مثله بالكتب لا بالأمم
والد الكرار للمختار عم
لاچن التاريخ شخصه ما نصف
:
:
نوره يطْفي بالقيامه كل ضوه
بْحجره رابي المصطفى والقل هو
جان للاسلام عز والله او لوه
او جان وجهه الگلب ابو القاسم دوه
صوته بالتوحيد قبل الكل هتف
:
:
سيّد البطحاء اسد خلّف اسود
گَلْهم الطه نذر إنتم جنود
زلم مامش منهم بكل الوجود
ارواح ننطي او عن رسول الله نذود
ولدي فدوه الطه كال بلا وسف
:
:
والد الكرار وشنحجي بعد
سيّد الجنة سند وبلا سند
بالحشر منه الخلگ تطلب مدد
يشفع اشما راد وشزاد العدد
خير شيخ او من نسل اطهر سلف
:
:
چنه زمزم ترتوي بوجه الملا
صيته من ربه على الوادم عِلَه
من عيوب الناس ربه كمّله
عم رسول الله هو او كافله
كافل الاسلام وبهاي انعرف
:
:
فاضل عباس الخزاعي
يا كافل زينب الأشم
اشمحله بيدك العلم
ادخيل اعيونك الكمر
يل تحلف بسمك الخيم
صكر الحومه عباس صكر الحومه
حلوه اعلومه كفال حلوه اعلومه
هو الضرغام الحيد بزرة حيدر
يرهب يومه جيدوم يرهب يومه
كافل والنعم
صكار الزلم
مولانا الشهم .. ساقي ساقي ساقي
مرعب نينوى
شيال اللوه
حامي القل هو .. ساقي ساقي ساقي
:
:
سيف الباري على الارض
فوك العسكر نزل يرض
يا صوت المرعب العده
كل شده يمك التفض
تجدح عينه مهيوب تجدح عينه
ظهر احسينه عباس ظهر احسينه
زلمه الما رجف دوم يوم الكلفه
ادخيل ايمينه قهار ادخيل ايمينه
سگاي العشك
رب الكل صدك
ساكن باليدك .. ساقي ساقي ساقي
عباس الكوي
سَد ما ينلوي
بالحومه ايدوي .. ساقي ساقي ساقي
:
:
مهيوب الما اله مِثِل
حيد ابن الحيد ابو الفضل
الشيخ الميدان اذا نزل
يفرح بالحرب ما يمل
هو القسور عباس هو القسور
ما يتكدّر ابعين ما يتكدّر
بجفه ايهز اكبر جيش ليث الحيدر
موت الاحمر والله موت الاحمر
بركان الغضب
للعلياء رب
سلطان الحسب . ساقي ساقي ساقي
مرجف كربلا
من عمرو العلا
هو الزلزله .. ساقي ساقي ساقي
:
:
شاهين بنينوى اعتله
والله اتلوك الحرب اله
ظيغم من ظيغم الفحل
السيف بجفه الگوي حِله
سيف الحاسم بالكون سيف الحاسم
يفني الوادم معروف يفني الوادم
من يلكد مهره ايحين موت العسكر
وحده الحاكم عباس وحده الحاكم
من نور انولد
بفضله الكل شهد
ما مثله بعد .. ساقي ساقي ساقي
يل عالي العلي
يل نورك جلي
وابن اطهر ولي .. ساقي ساقي ساقي
:
:
تمحي المعموره يمنته
تعبر كل قوه قوته
الكافل ماله مثيل ابد
من حيدر هاي سلطته
من يوصله سكاي من يوصله
عالي الاعلى ضرغام عالي الاعلى
امحير كل الاكوان هذا الكافل
وارث أهله بالزود وارث اهله
مبرورٌ صفي
ذو الجف العفي
الظاهر والخفي .. ساقي ساقي ساقي
غالب كل أسد
بالحومه أحد
حب هو او مدد .. ساقي ساقي ساقي
:
:
فاضل عباس الخزاعي
https://t.me/fadlkuzay
القناة الرسمية والموثقة لـ أخبار وزارة التربية العراقية.
أخبار حصرية كل مايخص وزارة التربية العراقية.
تابع جديدنا لمشاهدة احدث الاخبار.
سيتم نقل احدث الاخبار العاجلة.
رابط مشاركة القناة :
https://t.me/DX_75
Last updated 1 year, 3 months ago
القناة الرسمية لشبكة ملازمنا كل مايحتاجه الطالب.
((ملاحظة : لايوجد لدينا اي حساب تواصل على تلكرام ولا نقوم بنشر اعلانات في القناة))
Last updated 1 day, 5 hours ago