**АРАБ ТИЛИ.

بســـــــــم الله الرحمن الرحيم

Мусулмон киши араб тилини албатта билиши керак. Инглиз ёки бошқа чет тилини ўрганишга қанча куч сарфлаётган бўлса араб тилини ўрганишга ундан кўпроқ куч сарфлаши тўғри бўлади. Чунки (Аллоҳ)нинг китоби араб тилида нозил бўлган. Дунё ва охират саодатига Қуръон ва ҳадислар орқали эришилади.
Ҳозирги кунда тил ўрганишга имкониятлар кўп. Шундай имкониятлар бўлатуриб ҳам тил ўрганмай (Аллоҳ)нинг ҳузурига боришга уялишимиз керак. Баъзилар Қуръони Каримни ўқишни ўрганиб олгач, араб тили таълимини тўхтатиб қўядилар. Қуръон арабий тилда нозил бўлди. Бас, талаба Қуръон маъноларини тил жиҳатидан тушуна оладиган даражага чиққунича араб тилини ўрганишдан тўхтамаслиги керак!

Ибн Таймия роҳимаҳуллоҳ айтади:

Шак-шубҳасиз, араб тили диннинг бир қисмидир ва уни ўрганиш вожибдир. Чунки инсонга Қуръон ва суннатни ўрганиш вожибдир. Араб тилини тушунадиганлардан бошқа ҳеч ким уларни (яхши) англай олмайди.

(ал-Иймон, 111).

Аллоҳ таоло айтади:

وَكَذَٰلِكَ أَنزَلۡنَٰهُ قُرۡءَانًا عَرَبِيّٗا وَصَرَّفۡنَا فِيهِ مِنَ ٱلۡوَعِيدِ لَعَلَّهُمۡ يَتَّقُونَ أَوۡ يُحۡدِثُ لَهُمۡ ذِكۡرٗا

Шунингдек, Биз уни арабий Қуръон қилиб туширдик ва унда қўрқинчли ваъдаларни (такрор-такрор) баён қилдик. Шояд улар (ширк ва куфрдан) сақлансалар ё (бу ваъдалар) улар учун эслатма-ибратлар пайдо қилса!

(Тоҳа сураси, 113-оят).**@muminalarga

**ДИНДА МУҲАММАД СОЛЛАЛЛОҲУ АЛАЙҲИ ВА САЛЛАМДАН БОШҚА ҲЕЧ КИМГА ТАҚЛИД ҚИЛИНМАЙДИ.

بســـــــــم الله الرحمن الرحيم

Имом Шофеий роҳимаҳуллоҳ айтади:

Киши Росулуллоҳ соллаллоҳу алайҳи васалламдан бошқа ҳеч кимга тақлид қилмайди!

(ар-Радд ъала ман ахлада илал ард, 138).

Аллоҳ таоло айтади:

قُلْ أَطِيعُوا اللهَ وَأَطِيعُوا الرَّسُولَ فَإِن تَوَلَّوْا فَإِنَّمَا عَلَيْهِ مَا حُمِّلَ وَعَلَيْكُم مَّا حُمِّلْتُمْ وَإِن تُطِيعُوهُ تَهْتَدُوا وَمَا عَلَى الرَّسُولِ إِلَّا الْبَلَاغُ الْمُبِينُ

Эй Пайғамбар, одамларга айтинг: Аллоҳга итоат қилинглар ва Пайғамбарга итоат қилинглар. Агар юз ўгирсангиз, Пайғамбарнинг зиммасидаги вазифа ўзига буюрилган ишни қилиш, яъни, рисолатни етказиб қўйиш, холос. Сизларнинг зиммангизда эса ўзингизга топширилган ишни қилиш, яъни, Пайғамбарга бўйсуниш бор. Агар унга итоат қилсангиз, ҳаққа йўлланасиз (ҳидоят топасиз) Пайғамбар зиммасида Роббининг рисолатини очиқ-равшан етказиб қўйиш вазифаси бор, холос.

(Нур сураси, 54-оят).**@muminalarga

**Майли.

Асадуллоҳ Урганчий роҳимаҳуллоҳ**@muminalarga

**ОНАЛАР БОЛАЛАРИНИ ТЎЛА ИККИ ЙИЛ ЭМИЗИШЛАРИ ЛОЗИМ.

بســـــــــم الله الرحمن الرحيم

Фарзанд Аллоҳ берган улуғ наъматдир. Ота-она бу неъматга шукр қилишлари лозим.

Аллоҳ таоло айтади:

وَالْوَالِدَاتُ يُرْضِعْنَ أَوْلَادَهُنَّ حَوْلَيْنِ كَامِلَيْنِ لِمَنْ أَرَادَ أَن يُتِمَّ الرَّضَاعَةَ وَعَلَى الْمَوْلُودِ لَهُ رِزْقُهُنَّ وَكِسْوَتُهُنَّ بِالْمَعْرُوفِ لَا تُكَلَّفُ نَفْسٌ إِلَّا وُسْعَهَا لَا تُضَارَّ وَالِدَةٌ بِوَلَدِهَا وَلَا مَوْلُودٌ لَّهُ بِوَلَدِهِ وَعَلَى الْوَارِثِ مِثْلُ ذَٰلِكَ فَإِنْ أَرَادَا فِصَالًا عَن تَرَاضٍ مِّنْهُمَا وَتَشَاوُرٍ فَلَا جُنَاحَ عَلَيْهِمَا وَإِنْ أَرَدتُّمْ أَن تَسْتَرْضِعُوا أَوْلَادَكُمْ فَلَا جُنَاحَ عَلَيْكُمْ إِذَا سَلَّمْتُم مَّا آتَيْتُم بِالْمَعْرُوفِ وَاتَّقُوا اللهَ وَاعْلَمُوا أَنَّ اللهَ بِمَا تَعْمَلُونَ بَصِيرٌ

Оналар болаларини тўла икки йил эмизишлари лозим, бу ҳукм эмизиш муддатини тўла-тўкис қилишни истаганлар учундир. Талоқ қилинган эмизикли оналарни шариатда ва урфда яхши саналган шаклда едириб-ичириш ва кийдириш кафолатини оталар ўз зиммаларига олиши вожибдир. Чунки Аллоҳ таоло ҳеч бир жонга тоқатидан ортиқ нарсани буюрмайди, ота-она гўдакни бир-бирларига зарар етказиш воситасига айлантириб олиши дуруст эмас. Ота вафот этган ҳолатда эса, у тириклигида эмизикли аёли учун қанча нафақа ва кийим-кечак бериб келган бўлса, ўшанча нарсани бериш унинг вориси зиммасига юкланади. Агар ота-она болани икки йил тўлмай туриб сутдан чиқаришни истасалар, буни боланинг фойдасини кўзлаб, ўзаро розилик ва маслаҳат асосида қилсалар, уларга гуноҳ йўқдир. Агар ота-она болани онасидан бошқа эмизувчи эмизишига келишсалар, ота яхшилик билан онага ҳақини бергани ва эмизувчига ҳам хизмат ҳақини тўлагани ҳолда, ҳар иккисига гуноҳ йўқдир. Барча ҳолатларда Аллоҳдан қўрқинглар ва билингларки, Аллоҳ сизлар қилаётган амалларни кўрувчи ва бунинг учун муносиб жазо-мукофотлар берувчи Зотдир.

(Бақара сураси, 233-оят).**@muminalarga

**ҲАЛОК ҚИЛУВЧИ ЕТТИ НАРСАДАН САҚЛАНИНГЛАР.

وَعَنْ أبِي هُرَيْرَةَ رضي اللَّه عَنْهُ عَنِ النبيِّ صَلَّى اللهُ عَلَيهِ وَسَلَّمَ قَالَ: «اجْتَنِبُوا السَّبْعَ المُوبِقَاتِ» قَالُوا: يَا رسُولَ اللَّهِ وَمَا هُنَّ؟ قَالَ: «الشِّرْكُ بِاللَّهِ، السِّحْرُ، وَقَتْلُ النَّفْسِ التي حرَّمَ اللَّه إلاَّ بِالْحَقِّ، وَأَكْلُ الرِّبَا، وَأكْلُ مَالِ اليتيم، والتَّوَلِّي يَوْمَ الزَّحْفِ، وقَذفُ المُحْصنَات المُؤمِناتِ الْغَافِلات». مُتَّفَقٌ عَلَيهِ.

Абу Ҳурайра розияллоҳу анҳудан ривоят қилинади:

Набий соллаллоҳу алайҳи васаллам:
Ҳалок қилувчи етти нарсадан сақланинглар, дедилар. Эй Аллоҳнинг Росули, улар нима? дейишди.

Аллоҳга ширк келтириш.

Сеҳр.

Аллоҳ (ўлдиришни) ҳаром қилган жонни ноҳақ ўлдириш.

Рибо ейиш.

Етимнинг молини ейиш.

Жанг куни ортга қочиш.

Афифа, мўмина, ғофилаларни зинода айблаш, дедилар.

(Муттафақун алайҳ).

Иймонли, иффатли, Мўмина аёлларнинг фаҳшга қўл уриш уёқда турсин, бундай нарсалардан ҳатто хабари ҳам бўлмагани, бу каби разолатларни хаёлига ҳам келтирмагани туфайли Қуръони Карим ва ҳадиси шарифларда улар муболаға билан ғофила деб аталган.**@muminalarga

**Тавба.

Устоз Шайх Абдували қори роҳимаҳуллоҳ**@muminalarga

**СОЛИҲА АЁЛ СЎРАШЛИК!

كان التابعي محمد بن حسين يقول:

اللهم ارزقني امرأة
تسرني إذا نظرت،
وتطيعني إذا أمرت،
وتحفظني إذا غبت

Тобеий Муҳаммад ибн Ҳусайн роҳимаҳуллоҳ айтар эди:

Эй Аллоҳим, мен учун қараганимда мени хурсанд қиладиган, буюрганимда менга итоат қиладиган, йўқлигимда мени (молимни, ўзининг иффатини) сақлайдиган аёл бергин.

(بهجة المجالس ١٨٣).**@muminalarga

**ТАСВИР ШИРККА ЭЛТУВЧИ ВОСИТА.

بســـــــــم الله الرحمن الرحيم

Мусаввирдан кўра золимроқ кимса йўқ. Чунки у Аллоҳ яратган махлуқотлар бўлмиш бирон бир инсон ёки ҳайвоннинг сурати ёки ундан бошқа бирон жонли мавжудотнинг суратини чизишга уринар экан, ўзини яратувчанлик сифатида Аллоҳга ўхшатган бўлади. Ваҳоланки, Аллоҳ таоло барча нарсаларнинг яратувчиси, барча нарсаларнинг Робби, жамики махлуқотларга сурат ато этган, уларга руҳ киритиб, ҳаёт бахшида этган зотдир.

Аллоҳ таоло айтади:

خَلَقَ ٱلسَّمَٰوَٰتِ وَٱلۡأَرۡضَ بِٱلۡحَقِّ وَصَوَّرَكُمۡ فَأَحۡسَنَ صُوَرَكُمۡۖ وَإِلَيۡهِ ٱلۡمَصِيرُ

У осмонлар ва Ерни Ҳақ (қонун) билан яратди ва сизларга сурат-шакл берди суратларингизни гўзал қилди. Ёлғиз Унга қайтиш бордир.

(Тағобун сураси, 3-оят).

Аллоҳ таоло айтади:

هُوَ ٱللَّهُ ٱلۡخَٰلِقُ ٱلۡبَارِئُ ٱلۡمُصَوِّرُۖ لَهُ ٱلۡأَسۡمَآءُ ٱلۡحُسۡنَىٰۚ يُسَبِّحُ لَهُۥ مَا فِي ٱلسَّمَٰوَٰتِ وَٱلۡأَرۡضِۖ وَهُوَ ٱلۡعَزِيزُ ٱلۡحَكِيمُ

У Аллоҳ яратгувчидир, (йўқдан) бор қилгувчидир, (барча нарсага) сурат-шакл бергувчидир. Унинг гўзал исмлари бордир. Осмонлар ва Ердаги бор нарса Унга тасбеҳ айтур. У қудрат ва ҳикмат Соҳибидир.

(Ҳашр сураси, 24-оят).

Аллоҳ таоло яратувчанлик сифатида ўзини Аллоҳга ўхшатмоқчи бўлган мусаввирлардан тасвирлаган суратларига руҳ киритишни талаб қилади. Бу уларнинг уринишлари беҳуда, бу ишни амалга оширишдан ожиз эканларининг баёнидир.

Ҳайкал ясайдиганлар азобланиши ҳақида:

عَن ابْنِ عُمَرَ رضي اللَّه عَنْهُما أنَّ رَسُولَ اللَّهِ صَلَّى اللهُ عَلَيهِ وَسَلَّمَ قَالَ: «إنَّ الَّذِينَ يَصْنَعونَ هَذِهِ الصُّورَ يُعَذَّبُونَ يَوْمَ الْقِيَامَةِ، يُقَالُ لهُمْ: أحْيُوا مَا خَلَقْتُمْ». مُتَّفَقٌ عَلَيهِ.

Ибн Умар розияллоҳу анҳумодан ривоят қилинади:

Росулуллоҳ соллаллоҳу алайҳи васаллам:
Бу ҳайкалларни ясайдиганлар қиёмат куни азобланадилар. Уларга: Яратган нарсаларингизга жон киритинг! деб айтдилар.

(Муттафақун алайҳ).

Мусаввирлар бирон жонли мавжудотни яратишдан ожиз бўлганларидек, ҳатто биргина донни яратишдан ҳам ожизлар.

Аллоҳдан бошқа яратишга қодир эмас:

وَعَنْ أبي هُرَيْرَة رضي اللَّه عَنْهُ قَالَ: سَمِعْتُ رَسُولَ اللَّه صَلَّى اللهُ عَلَيهِ وَسَلَّمَ يَقُولُ: «قَالَ اللَّه تَعَالى: ومَنْ أظْلَمُ مِمَّنْ ذهَب يَخْلُقُ كَخَلْقِى، فَلْيَخْلُقُوا ذَرَّةً أوْ لِيَخْلُقُوا حَبَّةً، أوْ لِيَخْلُقُوا شَعِيرَةً». مُتَّفَقٌ عَلَيهِ.

Абу Ҳурайра розияллоҳу анҳудан ривоят қилинади:

Росулуллоҳ соллаллоҳу алайҳи васалламнинг қуйидагиларни айтганини эшитдим.
Аллоҳ азза ва жалла айтади: Менинг яратганимга ўхшаб яратишга урингандан ҳам золимроқ ким бор? Биргина қумурсқани яратиб кўришсин-чи? Ёки битта дон яратиб кўришсин-чи? ёхуд арпа яратишсин‑чи!

(Муттафақун алайҳ).

Жонли нарсаларни суратини чизувчилар ҳақида:

وعَن ابن مَسْعُودٍ رضي اللَّه عَنْهُ قَالَ: سَمِعْتُ رَسُولَ اللَّه صَلَّى اللهُ عَلَيهِ وَسَلَّمَ يَقُولُ: «إنَّ أشَدَّ النَّاسِ عَذَابا يَوْمَ الْقِيَامَةِ الْمُصَوِّرُونَ». مُتَّفَقٌ عَلَيهِ.

Ибн Масъуд розияллоҳу анҳудан ривоят қилинади:

Росулуллоҳ соллаллоҳу алайҳи васалламни:
Қиёмат куни азоби энг қаттиқ киши сурат чизгувчилар, деб айтганларини эшитдим.

(Муттафақун алайҳ).

Мусаввирлар гарчи дунёда саломат яшаб, санъаткор деган унвон олиб, турли-туман олқишларга сазовор бўлсаларда, бу ишларидан тавба қилмас эканлар, уларни ана шундай хунук қисмат кутиб туради. Негаки, улар бу қилмишлари билан билиб-билмай Аллоҳ яратган жонзотларга ўхшаш жонзотлар яратмоқчи бўладилар.

Аллоҳ таоло айтади:

أَوَلَيۡسَ ٱلَّذِي خَلَقَ ٱلسَّمَٰوَٰتِ وَٱلۡأَرۡضَ بِقَٰدِرٍ عَلَىٰٓ أَن يَخۡلُقَ مِثۡلَهُمۚ بَلَىٰ وَهُوَ ٱلۡخَلَّٰقُ ٱلۡعَلِيمُ

Осмонлар ва Ерни яратган Зот яна уларнинг ўхшашини яратишга қодир эмасми?! Йўқ, (албатта қодирдир), Унинг Ўзигина яратгувчи ва билгувчидир.

(Ёсин сураси, 81-оят).

Демак қиёмат кунида рассомлар дунёда чизган ёки ҳайкалтарошлар ясаган ҳайкаллар олиб келиниб, уларнинг ҳар бири учун алоҳида жон яратилиб, улар сабабли рассом ва ҳайкалтарошлар жаҳаннамда азобланадилар.

Хурматли, Мўмина Опа-Сингиллар фарзандларимиз нималарни расмларини чизишяпти қараб назорат қилиб турайлик!**@muminalarga

**ИЛМ.

بســـــــــم الله الرحمن الرحيم

Ибн Қоййим роҳимаҳуллоҳ айтади:

Бу дин мустаҳкам тамойил бўлмиш Аллоҳга муҳаббат қилиш устига қурилади. Бунга етишишнинг ягона йўли эса, илмдир холос. Шубҳасизки, қандайдир нарсага бўлган муҳаббат, унинг тафсилотларини билишдан келиб чиқади. Шунинг учун ҳам пайғамбарлар фақатгина илм билан жўнатилган, китоблар ҳам фақатгина илм билан нозил бўлган. Ҳудди Аллоҳнинг ҳалолларини ва ҳаромларини фақатгина илм билан билинганидай, ҳудди шундай ёлғиз Аллоҳга шерик келтирмай ибодат қилишлик, Унга мақтов, ҳамд айтиш ва Уни улуғлашлик фақат илм асосида бўлиши мумкиндир. Исломнинг фазилатини бошқа нарсалардан афзал эканини билишлик ҳам фақатгина илм билан бўлади холос.

(Мифтаҳ Дарис Саъада, 1/87).

Аллоҳ таоло айтади:

فَاعْلَمْ أَنَّهُ لَا إِلَٰهَ إِلَّا اللَّه

Бас, ْАллоҳдан ўзга ибодатга ҳақли илоҳ йўқ эканини билгин.

(Муҳаммад сураси, 19-оят).**@muminalarga