**انا الصغير الذي ربيته
انا الطريد الذي اويته
وانا الخائفُ الذي امنته

وحشه الدنيا يامولاي وخلفله على عيونك.
لو ما ابجي الك جا مات كلبي وداعت اضعونك
امده الماي الي ماضكته  يبدونه ويعطشونك
شمسويلهم يحسين وبلحافر يسحكونك
____
انا الذليل الذي اعززته
انا الوضيع الذي ارفعته
وانا السائلُ الذي اعطيته
كلها سدت البيان وماسديت بيبانك
حتى الموت لمن جاع اجاك انطيته خوانك
ابوك الناثر الحنطه وانت انثرت ذرعانك
انت الماتضوك الزاد اذا ماضاكه جيرانك
__
انا الفقير الذي اغنيته
انا السقيم الذي اشفيته
وانا المذنبُ الذي استرته

اذا مو انت تصفحلي ياهو اليغفر ذنوبي
وانه اعيوب شكثر بيه ومنو اليستر على عيوبي
منو غيرك الي محبوب وعلي بس انت محبوبي
انه ثوبي دمعتي اعليك وهاي الدنيا مو ثوبي
__
انا الضعيفُ الذي قويته
انا القليل الذي اكثرته
وانا الضائعُ الذي دليته
كلشي ولا اضيعنك واضل محتار بسنيني
الدرب يا ابو علي عثرات عليك الزهره دليني
ماريدن جفه وفراك يصير بينك وبيني
وعلى زينب يخو زينب خل يجري دمع عيني

قاسم الغزالي**

🔘أداء والحان الرادود :-#مدين​ _العياشي
🔘كلمات الشاعر :- قاسم الغزالي

🔘المكان _ ميسان

🔘مجلس عزاء هيئة لواء زينب (ع)
https://youtu.be/AshUYY9E-aQ?feature=shared

يا ابو علي أمن أصياري جروحك سالفتي
يا ابو علي بذكرك يبدي ويخلصَ وكتي
يا ابوعلي
___
الميت ايشعونه ناسه وانت مذبوحين ناسك
الينذبح يندفن راسه وانت فوك الرمح راسك
الينسحك توكف انفاسه الخيل شمسويه بنفاسك
بوكتها شصار وشلونك
من كامو يسحكونك
المصيبه مايدفنونك
ياحبيبي
يا ابوعلي زينب مسبيه بلياكم
يا ابوعلي هضموها الجانت بحماكم
يا ابوعلي
____
لا بقالك اخو يدفنك ولا بقت عندك عشيره
كلهم اتذبحو يمك حسين سالفتك جبيره
هاي اول مره اشوفن ميت ونعشه الحصيره
حسافه جسمك مطشر
وفوك الغبره يتوذر
ذابل وجهك من الحر
ياهضيمه
يا ابو علي المثلك عالرس يخلونه
يا بوعلي ويقبلو موش يسحكونه
يا ابو علي
___
الماي شنهو الماي حتى شفافك بكربله يذبلن
كلها تعطش كلها هينه ولا بنات النبي يعطشن
حسين والزهره هضيمه بصدرك احوافر يركن
ياضليت بالعاشر
وحيد وتكسر الخاطر
اعله صدرك يسحك الحافر
والله صعبه
يابو علي بطف عريان مخلينك
يا ابو علي المحسب والثوب مسلبينك
يا ابوعلي
_
السالفه ومابيها ثوبك اخ لمن يسلبونه
امن السمه تنزل الزهره تنوح لمن يخاذونه
تصيح ابن النبي هذا شلون بلبر يكشفونه
سليب وبدم مرمل
واخيتك صاعده اعله تل
تبجي اعليك يمدلل
يااخوها
يا ابوعي گلب ام عون عليك امكطع
يا ابوعلي يم الخيمه تروح وترجع
يا ابوعلي
_
الجزع مكروه لكن بس عليك الجزع جايز
يلمونك بالحصيره وخنصرك يسوه الجنايز
وبالحجر صابو جبهتك فوك ضيمك خاف عايز
على حيلك بطل حيلي
وعلى اختك والهزل ويلي
بجي عليكم خلص ليلي
يا عيوني
يا ابوعلي عبد الله شلون يعطشونه
يا ابوعلي نقطة ضعف الدنيا عيونه
يا ابو علي
قاسم الغزالي

**مايصح طارش للمدينه
يخبر رسول الله علينه
يكله الحسين  مفرهدينه
وصدره بحوافر ساحكينه

عالرمل خلي يكله مكلوب
مخضبين وجه وحيله منهوب
مسلوب ابن الزهره ملسوب
عريان ماخلو عليه ثوب

يحجيله عن حيرة   بناته
صارن سبايه مدللاته
بضعونهن تحدي الشماته
وراووهن الماشايفاته

طلعن الجانن مايطلعن
واعله الهزل تاليها ركبن
هنه مشي بلكوه يمشن
اشلون  بالهيمه يركضن

ممشه الهزل مالايك الهن
سادت الدنيا ذني اهلهن
والسوك موش اولام الهن
وين ابو فاضل وينه عنهن
قاسم الغزالي**

ويلاه على ضلعج فاطمه
_احترك ياكلبي من تسمع مصيبتها
هاي الضل علي ينوح اعله عصرتها
ابو تراب بممات الزهره كله تراب
نكسر ضهره علي بشيلت اجنازتها

ويلاه اعله الضلع من ينكسر
ويلاه على الخد المنسطر
ويلاه علي يحفر بلكبر
ويلاه على ضلعج فاطمه
____
على دجت المغيسل علي حطاها
وذب اعمامة وتمدد وياها
غسلها بدمعته و صاح حيل احا
عمت عيني على البسمار اذاها

ويلاه يجري دم  ضل الضلع
ويلاه وعلي احتار بهالوضع
ويلاه غسلاها بالدمع
ويلاه على ضلعج فاطمه

__
صلاه عليها واعله القبله جبلها
وهيه مجفنه وهو ينوح الها
باوع شاف يم العين سطره وصاح
يزهره هالمصيبه اشلون احملها

ويلاه  على عينج فاطمه
ويلاه باجي عالسطره دمه
ويلاه الدنيا بعدج مضلمه
ويلاه على ضلعج فاطمه

____
دفنها وجاب ويلاده وكعد يمها
واحد وره واحد ضل يكلمها
الحسن ينعه نواعي والحسين ينوح
وزينب قبلت تربتها وتشمها

ويلاه صاح يايمه الحسن
ويلاه اعيون ويلادج عمن
ويلاه مايل ويانه الزمن
ويلاه على ضلعج فاطمه
قاسم الغزالي**

كالوا ماتت كتلهم لاماماتت لا
لا حول ولا قوة الا بالله
صدك متي
يفاطمتي
___
جيبي اليخليني اصدك ميته واحفرلج كبر
وحتى لو قنعته كلبي حسين اقنعه ابيا عذر
بالله كليلي شكله ضلع امك منكسر
وفوك هذا الضيم كله وباجر يذبحه الشمر

منج هسه يحرومنه وباجر من الماي
وگلبي يحركونه بذيجه ويحركونه بهاي
الحزن حصتي
يفاطمتي
__
خايف اهواي اعله زينب شلون بيها بروحتج
وبيش اصبرها وشكلها بهالوضع لو شافتج
تارس البيبان دمج وتجري عالخد دمعتج
وفوك ما كسروا اضلوعج اجو كطعوا سبحتج

كطعوا كلبي ويالسبحه وطاح اويالخرزات
لمن كالولي المحسن يام المحسن مات
الولد علتي
يفاطمتي

_
فزعت الناس اعله ضلعج بلايه رحمه وكسرته
واسمع الشامت يصيح علي طاحت خيمته
اليوم راح نشوف حيدر تجري منه دمعته
اليوم كل مايمشي يعثر وعلى الزهره طيحته

طحت وطاحت يالزهره اعمامة راسي وياي
كسرو ضلعج ياروحي وكسرو گلبي هواي
ضواي انتي
يفاطمتي

___الحسن ماهو الحسن صاير اعيونه عاميها الدمع
من يشوف الباب يبجي ويحط ايده اعله الضلع
ايصيح يايمه يزهره وين اروح بهالوضع
لهسه يتراولي جفه العله خدج منطبع

الله يشل جف الساطر عينج ياام البيت
وحدي اني خلافج اني بهالعالم ضليت
شوكت وكتي
يفاطمتي
___
عايش اعليج وعلى الله جنت ياخيمه هلي
هو اني شعندي غيرج مايخلونج الي
علي خلافج ضال حاير ابد ما جنه علي
الليل اخلصنه اعله كبرج بجي لحد ما ينجلي

يم عتبت كبرج گلبي طميته ومافاد
يكلي اعزازك ياحيدر صاروا حيل ابعاد
يسالفتي
يفاطمتي

قاسم الغزالي**

يافاطمه?

**تنشدوني شلونك شلوني
راحت الزهره وراح لوني
ماجنت اعرفه التعب ياناس
وكسروا ضلعها وموتوني

من شفت جفها بنار محروگ
انشلع گلبي من العروك
هاي ام حسن هاي ام الحسين
امشاگف السوط عليها ميلوگ

ياناس لمن جبلتها
من ماي عيني غسلتها
اخلاف الزجيه محني ضليت
اجنازتها بلگوه شلتها

بتشيعها يبست اشفافي
ردت اركض بدفنتها حافي
البسمار عاف الدنيا كلها
وبضلوع ام الحسن غافي

لو ما مچتف بالوصيه
اتلاوه حتى ويالمنيه
ياگلبي كافي اتدگ بعد موت
دفعوا الباب اعله الزچيه

قاسم الغزالي**#اللهم_عجل_لوليك_الفرج

يافاطمة?

كوه الله حيلج علمصايب
مالايكه اعليج الخرايب
عمرج كضه ضيم ونوايب
يزينب يزينب
____
وصلت اخبارج سبيه ياعزيت گلب اخوتج
وضاله من غير تجوه وجان ابو فاضل تجوتج
بلوتي هينه يخيتي انه الهضمتني بلوتج
الأخوه للنسوان عزوه وانتي ذبحوهم عزوتج

يلباقيه ابلايه عشيره
بليل اهدعش حيرتج حيره
وانطاج عمره ابو الغيره
يزينب يزينب
___
___
الشام يعني عيون صلفه وسوك وطبول وشتايم
الشام يعني انتي سبيه وانه فوك الرمح نايم
يوكفوج هناك مده اباب بي ضيم وضلايم
الشام يعني يطكوج ويحترك گلب الهواشم

بشام يعني حسين بس راس.
ابلايه جسد وتهوس الناس
بجينه الحسين اعله عباس
يزينب يزينب
_
___
هناك تحتارين يختي وحيرة النسوان حيره
الوادم اتصيح عليجن ذني ماعدهن عشيره
هناك نوم وراحه مامش نومتج كلش كصيره
لو غفيتلج دقيقه يشتمج الماعنده غيره

هناك مامش راحه للعين
كبالج مخضب راس الحسين
خويه وتطبين الدواوين
يزينب يزينب
_
___ صاعده اعله الهزل وسفه تروحلج فدوه المحامل
وكت حراسج شماته وحارسج جان ابو فاضل
جنتي اميره بجال اخوتج هسه اسيره ويالعواذل
وجان دمعج مايسيل وهسه كل شويه سايل

ياشرب العباس حيره
يسبونج وانتي الاميره
فروج من ديره لديره

يزينب يزينب
_
___ يعينج الله اعله الشماته حجي الشامت يختي يكتل
واحنه وادم اهل عزه ماتربينه على الذل
السوط فوك الجلد لكن نار جوه الكلب يشعل
السوك كله عيون يختي والعفيفه وين تختل

يلجان حدج عتبت الباب
وهسه سبيه كبال الاجناب
صوابج يخويه اكبر صواب
يزينب يزينب
___ قاسم الغزالي**