Xalqimizda ajoyib naql bor: Ish quroling soz bo’lsa, mashaqqating oz bo’lur.

Shunday ekan, tadqiqotchilarning ham ish qurollari soz bo’lishi mahsuldorlikni oshirishi, tadqiqot sifatini yaxshilashi va, eng asosiysi, vaqt va asablarni tejab qolishi mumkin.

Bugungi kunga kelib, tadqiqotchining mahsuldorligini oshirishda dasturiy ta’minotlarning hissasi katta. Shu bois, keling, ushbu oy davomida men o’zim qo’llab keladigan bir qator dasturlar haqida bo’lishib o’taman.

#ImageJ #Image_Processing

ImageJ - bu mashhur tasvirni tahlil qilish dasturi bo’lib, asosan ilmiy va tibbiy tasvirlar bilan ishlash uchun qulay. Dastur bepul va ochiq manba sifatida taqdim etilgan bo’lib, tadqiqotchi olimlar tomonidan keng qo'llaniladi.

Imkoniyatlar.

? O’lchamlarni o’lchash: Misol uchun, ildizlarning uzunligini qo’lda o’lchash ko’p vaqt oladi. Dastur yordamida esa tez va aniq o’lchash mumkin. Misol

? Intensivlik tahlili: Tasvirdagi yorug’lik yoki qorong’ulik intensivligini o’lchash mumkin. Masalan, o’zim geldagi oqsil yoki konsentratsiyasini aniqlashda ishlataman. Klonlarning oqsil ekpressiya qilish qobiliyatini solishtirish uchun juda ham qulay. Misol

? Koloniya yoki hujayralar sonini sanash: Zich bo’lib o’sgan koloniya yoki hujayralar sonini osonroq hisoblash mumkin. Misol

Shuningdek, dastur yordamida hujayralar morfologiyasi, harakati va boshqa bir qator tahlillarni olib borish va plug-inlardan foydalanish mumkin.

Dasturni yuklab olish.

@biology_uz