🎙️Ұстаз Айбек Омар

https://t.me/b_otbasy

Алла Елшісі ﷺ әйелдерімен қажылыққа шығады. Осы сапарда әйелдері отырған түйелерді жетектеп жүрген Анжаша деген жас бала жүрісін тездете бастайды.Сонда Алла елшісі :”Ей, Анжаша құтыларға жұмсақтық таныт”-дейді. (Алла Елшісі ﷺ әйнек ыдыс қалай тез сынуға бейім болса, әйелдердің де жұмсақтық пен нәзіктігін әрі дөрекілік пен қаттылықты көтере алмайтындығын шыны ыдысқа ұқсатқан)
⠀
Өміріңнің әр кезеңінде әйнек құтыға жұмсақтық таныт:
⠀
Бір дөрекі сөйлесе жұта сал, қаншама рет саған жұмсақ тіл қатты.
⠀
Үйге келген кезде жиналмай тұрған болса, көрмегендей бол.
⠀
Егер көйлегіңді үтіктемеген болса, дүниенің соңы емес.
⠀
Түскі ас дайын болмай жатса шыдай тұр, ешқандай катастрофа басталмады.
⠀
Ұнамсыз әрекет көрсең дауыс көтеріп емес, бәлки көз қиығымен жеткіз.
⠀
Ең сақ болатын нәрсе бала-шағаның алдында оғаш қылық істеуден сақ бол. Себебі ол саған айтпаса да жүрегінде орыны жазылмас жарақат болып қалады.
⠀
Иә, өмірде әйелің сені көп шаршатуы мүмкін, тіпті қажытып та жібереді. Осындай сәттерде ешқандай әрекет қолданбай Алла Елшісінің ﷺ осы хадисін көкейіңде ұста. Ашу мен ыза толқындарын басуға септігі тиіп қалар.Тіпті әйеліңмен осындай мәміле істегің келмесе де, сүннентке амал істеп жатрымын деп ойла.
⠀
Айтпақшы, әйнек ыдыс сынса, қайта жөндеу қиындау)
⠀
Әдһәм Шарқауи “Расаилу мин-наби”

?Дереккөз: Ұстаз Бағлан Шежімбай

https://t.me/b_otbasy

Кішкентай бала ата-анасынан көргенін үйренеді, естігенін емес. Әкесі темекі шегетін болса, баласы қаламды темекі секілді ұстап әкесіне еліктейді, мен ондайды өз көзіммен көргенмін.
Ата-анасы баласына өтірік айтуға болмайды деп өтірік айтып жүрсе, бала соны дін ретінде көріп, соны үйренеді.

Шейх Әдһам (хафизахулла)

?Дереккөз: Ұстаз Ербол Ахмедов

https://t.me/b_otbasy

Қыздарыңа мына нәрселерді үйретіңдер:

1. Жерден бір нәрсе алар болсаң, тәніңді жабу үшін қолыңды кеудеңе қой.

2. Ұлдардың алдында әдеп ретінде аяқтарыңды айқастырма, аяқтарың бір-біріне жақын күйде отыр.

3. Лифтке бейтаныс жігітпен бірге мінбе. Оның шыққанын күтіп, содан кейін мін.

4. Таныстарыңмен және туыстарыңмен дауыс көтермей, әдеппен күлімсіре.

5. Бөлелеріңмен (ұлдар) және әкеңнің аға-інісінің ұлдарымен, яғни саған махрам болмаған еркекпен қол беріп амандаспа.

6. Біреумен сөйлескен уақытта әрдайым өзің мен өзгенің арасында қашықтық сақта.

7. Кіммен сөйлессең де, мәміледе шектен шықпай, байсалдылығыңды сақта.

8. Көшеде дос қыздарыңмен әзілдеме. Көше әдебін сақта.

9. Базарда немесе дүкенде сатушыға жақын тұрма, және де ол жерде ұзақ уақыт қалмауға тырыс.

10. Қоғамдық жерде және сауда орнында бір затты жерден алу үшін бел бүгіп майыспа. Дұрысы отырып ал, сосын қайта тұр.

Соңында айтарым:
Кей адамдар бұл әдептер өшті, уақыты бітті деп ойлайды. Бірақ біздің міндет — бұл нәрселерді қайта орнына келтіру. Бұл — ұлы дініміздің һәм мінез-құлқымыздың бір бөлігі.

Мәлімет Мухаммад Уайл әл-Хәнбәлидің (Алла оны сақтасын) арнасынан.

?Дереккөз: Ұстаз Абылайхан Сүйіндік

https://t.me/turtip_algandarym