Yil tugashiga 70 kun qoldi . . .

@doston_chustiy

Baxt - bu o‘zing bilan uyg‘unlikda yashashingdir. Ichkarida tinchlik bo‘lmasa, barcha tashqi quvonch va boyliklar oxir-oqibat qoniqish keltirmaydi.

© Lev Tolstoy

Manba: Asarcha

@doston_chustiy

Kitobxonlar haqida turli xil fikrlar bor . . .
Kitob o‘qiydiganlarni "botanik" deb atashlari sir emas. Bunday gaplarni deyarli barcha kitob o‘qiydiganlar eshitgan.

Bu mazaxomuz gaplardan tashqari ko‘p tanali gaplarni ham eshitganman.

Jumladan

"Sen to‘g‘ri kasb tanlashni qayerdanam bilarding", - deyishadi. Men "Mahorat"ni yodga olaman.

"Sen siyosatni qayerdanam tushunarding", - deyishadi. Men "1984"ni yodga olaman.

"Sen sevgi nimaligini qayerdanam bilarding", - deyishadi. Men "Mehrobdan chayon"ni yodga olaman.

"Sen ichimdagi dardlarimni qayerdanam tushunarding", - deyishadi. Men "Oydin tunlar", "Telba"ni yodga olaman.

"Sen qatag‘on davri haqida nimaniyam bilarding", - deyishadi. Men "Alvido vatan"ni yodga olaman.

"Sen ta’lim tizimi tushunmaysan", - deyishadi. Men "Oq nilufarlar yurtida"ni yodga olaman.

"Sen Quddus haqida nimaniyam bilarding", - deyishadi. Men "Quddusning so‘nggi muhofizi"ni yodga olaman.

"Sen psixologiyani tushunmaysan", - deyishadi. Men "Ta’sir etish psixologiyasi"ni yodga olaman.

"Sen faktlar to‘g‘ri yoki noto‘g‘riligini tekshirishni qayerdan bilasan", - deyishsa. Men "Factfulness"ni yodga olaman.

Shu va shunga o‘xshash vajlar bilan kitobxonlarni ayblashadi. Misol keltiraman desam, bunday gaplar juda ko‘p.

To‘g‘ri ular siz aytgan hamma narsani bilishmas lekin ular buni o‘z tanalarida bir marta bo‘lsa ham his qilib ko‘rishgan yokida siz aytayotgan narsa haqida boshlang‘ich bilimga egalar.

Shuning uchun kitobxonlarga kamsitish, mazaxomuz nigohlar bilan emas, balki havas bilan qarang!

Kitobxonlar "botanik" emas!

P.S. Postni Kitob omboridan ilhomlanib, o‘zimga to‘g‘rilab yozdim.

@doston_chustiy

Biladiganlar ko‘p, qiladiganlar kam

Hamma nima qilsa muvaffaqiyatga erishishini biladi lekin uni qilib ko‘rmagan.

Hamma yaxshi inson qanday bo‘lishi kerakligini biladi lekin unday bo‘lolmaydi.

Hamma vaqtni qaytib kelmasligini biladi lekin undan to‘g‘ri foydalanmaydi.

Hamma tabiatni asrashi kerakligini biladi lekin asramaydi.

Hamma dilni og‘ritish yomon ish ekanligini biladi lekin uni aksini qiladi.

Hamma o‘qishni biladi lekin kitob o‘qimaydi.

Hamma ko‘plab narsalarni nazariy jihatdan qanday bajarilishini biladi lekin ularni hech ham qilib ko‘rmagan.

Bilganlarimizni shunchaki qilish orqali butun hayotimiz o‘zgarib ketishi mumkinligini odamzod bilganda edi.

Hozir hayotimiz bunday bo‘lmagan bo‘lardi balki.

@doston_chustiy

Maqsadni kichiklashtiring, erishish osonroq bo‘ladi

Bir oyda bitta kitob o‘qib tugatmoqchimisiz?

O‘qimoqchi bo‘lgan kitobingiz sahifalari sonini bir oyga bo‘lib chiqing. Masalan, 250 betli kitob bo‘lsa, 30 ga bo‘ling. O‘rtacha bir kunga 9 betdan to‘g‘ri keladi.

Endi maqsadingiz bir oyda butun boshli bir kitobni o‘qib tugatish emas, kuniga 9 bet kitob o‘qish bo‘ladi.

Ingliz tilini o‘rganmoqchimisiz?

Doimiy qo‘llaniladigan so‘zlar ro‘yxatini tuzib, bir yilga bo‘ling. Masalan, 2000 ta so‘z bo‘lsa, 365 ga bo‘ling. O‘rtacha bir kunga 6 tadan so‘z to‘g‘ri keladi.

Endi maqsadingiz bir yilda butun boshli tilni o‘rganish emas, kuniga atigi 6 dona so‘z yodlash bo‘ladi.

Yuqoridagi ikkita holatda ham miyamiz dangasalik qilmasligi uchun katta maqsadimizni unga kichkina qilib ko‘rsatdik xolos.

Bu holatda eng muhimi kichik maqsadlarimiz orqali, katta maqsadlarga erishish.

Ushbu jarayonda yana bir muhim narsa shundan iboratki, intizom va doimiylikni ham o‘rganasiz.

Aks holda ushbu usul katta maqsadlarga erishishda ish bermasligi mumkin.

@doston_chustiy

Ko’pchilik bloglarda “Ancha bo’ldi yo’ bo’p ketdim” degan postlarga guvoh bo’lyapsizmi.

Chunki, hamma o’ziga focus qilyapti. Hamma tushundi, social mediada aktivlik juda katta energiya, vaqt va mablag’ talab qiladi.

Shaxsan man uchun, Fame uchun kurashish qaysidir ma’noda “ma’nisiz”dek tuyulib qoldi.

YouTubega chiqish, Instagramda reels lar uchish, 9.0 olish, yana nimadir-nimadirla qilish ham vaqtincha.

Hammasi o’tkinchi. Hammasi aldamchi. Bugun “wow” deyishadi. Ertaga unutilasiz.

Unda nima qoladi? Nima qilish kerak?

Qimmatli vaqtingizni - Dinga, oilaga, shaxsiy rivojlanishga sarflang.

Qanchadir muddatga yo’ bo’p qoling. 6 oy, balkim 1 yildir. To’ylarga, bazmlarga, yig’ilishlarga, va umuman hech bir “sizni maqsadlaringizga” aloqador bo’lmagan joylarga va odamlarga yaqinlashmang.

Vaqt kam. Qiladigan ishlarimiz esa ko’p.

@otaboyevblog