بس مُر علينا
خل نلم احلامنا ونحفظ صورهن
گبل لا يأخذهِن بدربه الفجر
وخل نلم البَاقيات
سنيني وسنينك
نسويهن عمر
وهنَ ميكفن عمر .

نِسولف بيك
لأخر لحضهَ بليل
وتّرد مِنْ الصبح تشِغل فكرنه ..

اصد عنك؟
امل منك!
جذب من كال اعوفنك
ولو حطوا بدربي النار
بدمع عيني اطفيها
وادك بابك " واشوفنك ".

واعوفَك للزمَن تلويك الأيام
بضلَك باچر يبين انكسارك
تظن الذكريات تعُوفك بخِير
محطة تمُرها يومية بقطارك
وتذكرني بشكو شلونك بالوجوه
ويصفى الندَم عنوان بشِعارك ..

أماشِيك بـ غَلط ،
وذنوب فَوگ ذنَوب
وأشيّلن ذنبّك
وأدري عَلي مِحسوب
علىٰ الفُطرة ويحِب
شيّقنعة گلبّي يتِوب .

وَصيّت الهوى يحاچيك
يذَكرك باللي ما ناسيّك
يمته تحَن علي
وتعَود؟
يَمته الله عليَّ يهديّك .

الما يندّل خيَالي بروحَي ما أخليَ
وما يرهمّ عليه لو نِفس جيته
التعداني بحِلم يلگاني عابُر ليل
الفجر گبل الشمسّ بعيوني وشلته
الما يشتاگلي ينترس حضنه فراگ
على الملگه من أسَولف ما تذكرته .

ذَنبي بعشرتك ما خِنت
حبيتك وما حَسبت
بالتالي هيچ أتجازه
ما أدري ما عندك گلب
تتركني أعمى بنص درب
وتگسر العكازة ..

عرفتك ما تضل
چي يمك أرتاحيت
عيونك دنيا
من تضحكلي چذابة ..

**اليوم آخر يوم بـ شهر اكتوبر

إذا ما اجه الشخص الي تنتظره اعتبرها فرصه لبدايه جديده بحياتك واعبر هل شخص وأنسى وطلعه من راسك وامشي لان هو ما استغل ولا يوم من أيامه وأجاك .**