⭕ ملخـص شامـل ⭕

مذاكرة سريعة وملخص للكلام الإتكلمنا عنه طول الفترة الفاتت.

أحفظ معاي سريع:

◾جمهور مستهدف.

◾أهداف وخطط واضحة.

◾محتوى متنوع.

◾رسالة تسويقية واضحة.

◾تفاعل ورد على الجمهور.

حاجات بسيطة بس بتفرق جدًا في البزنس بتاعك .. لو طبقتها حتنجح لو أهملتها ما تزعل لما تفشل.

نتلاقى في حكاوي تانية لما تطبقوا دي.

#حكاوي_البزنس.
#نوودين.

⭕الرسالة الإعلانية أو التسويقية ⭕

وإنت بتبني في براندك ما تنسى حاجة مهمة واللي هيا رسالتك التسويقية .. ممكن نعرفا بإنها الجملة البتستخدما في أخر الإعلان والبتشرح فكرتك وبتعكس منتجك مثلاً:

◾ "نحن الرواد" = رسالة بنك فيصل الإسلامي.

◾ "زين عالم جميل" = رسالة شركة زين للإتصالات.

برغم إنها تعبير بسيط بس هي السبب الأساسي لنجاح البراند .. لأنها بتعكس الميزة التنافسية البتقدما بين منافسينك .. عشان كده لازم تختارا بعناية وتكون حاجة مميزة ومختلفة
"ما زي ناس: ملك المنقة _ ملك ملوك المنقة"

⁉️ بنعملا ليه .. وهل هي فعلًا ضرورية للدرجة دي⁉️

◾لأنها بتعكس قيمة المنتج.
◾بتوصل إحساس بالأمان تجاه العميل بتاعك.
◾بوفر شرح كتير وتختصر الخدمة البتقدما.

⁉️ فايدتا شنو .. أها وبعد ما عملناها ⁉️

◾بتفيد في عملية خلق علامة تجارية قوية = اول ما تسمع الجملة بتحس إنك بتعرف البراند وخدمته البقدما.

◾تفيدك في صنع ميزة تنافسية للمنتج أو الخدمة بتاعتك = لو في عشرة نفر بقدموا نفس الخدمة في مجالك إنت حتتميز برسالتك عنهم.

◾خلق ولاء بينك وبين العملاء = ودا بسبب إحساس الأمان الحساهو العميل من خلال منتجك أو خدمتك.

وروني علامة براند راسخة في دماغكم .. أو علامة لفتت نظركم ؟❤️

#حكاوي_البزنس.
#نوودين.

- رأيك شنو في سلسلة لكـتابة المحتوى تساعدك تبدأ وتمشي أول خطواتك فيه؟ ❤️

- وريني في التعليقات والمجالات اللي عاوز تتعلم عنها أكتر.

#Bussiness_World

"لا تقرأ فقط عن قصص النجاح .. بل أصنع لك واحدة ))

? دومينوز تنقذ حياة أحد زبائنها ?

الناس في ولاية أوريغون يوم صحوا على الخبر ده ..☝️
بترأس الصُحف الاولى وقنوات الأخبار كُلها .. تريند عديل كده ↗️

?قهوتك يا رايق عشان عندنا قصة وعظة وعبرة ✔️

طيب دومينوز ده مطعم مختص بالبيتزا .. ويوميًا عندو ألالاف من الطلبات البتجبهو .. بس بطريقة ما في طلب بقى معروف لدرجة
الموظفين في يوم لما ما جاهم إستغربوا وبقوا يتساءلو
❗⁉️❗❓⁉️❗‼️

ده لأنو في واحد عمنا كبير كده اسمو "اليكسندر " يومي بتصل :
?: الوو دومينوز.
?‍?: أيوة معاك دومينوز للبيتزا كيف نخدمك؟
?: داير لي بيتزا وسط بالخضار.
?‍?:حاااضر ممكن تدينا بيانتك؟
?: إليكسندر _ أوريغون _شارع ..._ اول عمارة_شقة رقم ...
?‍?: طيب عشرة دقايق والأوردر يكون عندك، أي خدمة تانية؟
?: لالا شكرًا ليكم.

وهكذا العم إليكسندر لأكتر من عشر سنوات على التوالي كل يوم بطلب بيتزا وسط _ وما خلى شكل بيتزا ما ضاقه يا بخته _ لحدي ما الموظفين حفظوا وسيد التوصيل حفظو وبواب العمارة ذاته حفظو وكلب الجيران حفظ بتاع التوصيل وبقى ما بنبح لو جا يوصل الطلب.

المهم في يوم حزين عمو إليكسندر ما طلب بيتزا للأسف والزمن جا وإتأخر .. والموظفين بدوا يتهامسوا ياربي مالو الليلة؟
والشمار أو روح الإهتمام _مش حوار_ أبى ليهم .. لحدي ما المديرة ذاته قلقت معاهم ورسلت "تريسي هامبلن" الدلفري بتاعهم.
وقالت لي:
بليز يا مستر هامبلن أمشي إطمن على عمو إليكسندر ده وشوفو الليلة مالو ما طلب مننا إن شاءالله خير؟

ومستر هامبلن ركب موترو وفل فللي .. بعد وصل وعمل تحقيقات ودق الباب ما فتحوا ليو والأنوار كانت شغالة والكهربا فل والتكيف فل _يا بختهم_ هامبلن حس في شي غلط.
ما معقولة عمو إليكسندر ما يفتح الباب إذا هو قاعد .. ما معقولة يكون نام بدون ما يتعشى ‼️

طوالي إتصل لناس الطوارئ وخمسة دقايق جوا لحدي عندو وفتحوا الباب لقوا منظر فظيع.

عمو إليكسندر مُغمي عليه وواقع براو في البيت .. عملوا الواجب بسرعة سرعة وأنقذوه .. ولما صحى إتفاجأ إنو هو في المستشفى ومعاهو تيم دومينوز _ مطعمه المفضل البحبه وما باكل من غيرو ??_.

بعدها الناس عرفت الخبر ونشروا .. وناس دومينوز في صمة خشمهم جاتهم شهرة لا هارينها لا طارينها .. وشي تكريمات وجوائز وهدايا وأي زول داير يتصور معاهم ?↗️

جملة حلوة قالتا سارة مديرة فرع دومينوز :
"نحنُ عائلة واحدة هُنا، أحسسنا بوجود أمرٍ مُريب عندما توقفت طلبات كريك لأول مرّة منذ عشر سنوات، شعرنا بأنه علينا فعل شيء وسعيدون لأننا تمكنا من إنقاذ حياته))

ما يستفاد من القصة?

◾العملاء نعاملهم حلو لأنه هم البرفعوا المكان وهم الممكن ينزلوا عنك ريفيو سيء يغطس حجرك.

◾الإنسانية مطلوبة ما تقول أنا فاتح براند ودافع بزنس لالا أوعى القروش تنسيك مبادئك .. والله والله لو بتتعامل كويس ربنا بفتحا عليك ويسهلا عليك بدون تحليل خوارزميات وخطط ريتشك من الله بجيك لحدي عندك .. أعمل خير وإتعامل بإنسانية.

◾إستغل الفرص الحلوة .. المناسبات .. اللحظات الحميمة .. عيش مع عملاءك مشاعرهم .. إحترم حزنهم وشاركهم فرحتهم .. هم جزو منك وإنت بلاهم ما بتبقى.

◾الإهتمام لا يطلب بس يقدم عادي.

يلا نتلاقى في حكاية تانية من حكايات البزنس ?

#نودين

" ماذا لو كان جوهر التسويق إهتمامك بتقديم قيمة للعميل ومساعدته على حل مشكلة، وقلّ اهتمامك بالترويج؟ "

هناك إختلاف كلي في نتائج التسويق لما يكون إهتمامك بترويج منتجك وإقناع العميل بإنه يشتريه بناء على مزايا، من يكون اهتمامك بالتسويق لإنك تدرس سلوك العميل وتعرف احتياجه وتعرف كيف تساعده وتضيف القيمة لحياته عن طريق منتجك..

إهتمامك بعميلك وبمساعدته من جانب إنساني بضيف لك ربح أسرع، وعلامة تجارية أسرع نموًا عبر إضافة القيمة.

#marketing #copy_writer #branding
#mosab_alhaj

⭕البـرانـد:-
أو
❗العـلامـة التجـاريـة❗

هل هي المُنتج بتاعنا، ولا الإعلان، ولا الشعار؟!

قبل أي شي ..
في شعارات اول ما تشوفا أو تسمعا حتعرف هي شنو مثلًا :
نايك//بولو//أديداس.
آبل//سامسونج// شاومي.
بيبسي//كولا// ميرندا.

لما قُلت شركة آبل أكيد جا في بالكم :

التفاحة?، الجودة، الأناقة، الرُقي، الدولارات.

ولما قُلت شركة نايك:

علامة صاح✔️، رياضة، أحذية، جودة، لاعبين كورة.

ولما قُلت كولا:
طعم مختلف، لمة جماعية، مشاركة.

يعني ما بيخطر على بالنا بس المنتجات، بنتذكر كمية من الحاجات والمشاعر الليها علاقة بالعلامة التجارية.

ودا بالضبط البراند، هو ما بس مُنتج إنت بتبيعه وخلاص
هو شُعور بتوصلو للمستخدم بيخليهو يحس بالانتماء، للعلامة التجارية بتاعتك.

يعني هو عبارة عن:
?مُنتج.
?شُعور.
?شعار وألوان.
?قصة.
?قيّم والمبادئ.

بإختصار شديد:

? العلامة التجارية: هي في الحقيقة أكتر من مُجرد اسم وشعار و منتج، هي علاقة بين الشركة والمُستهلك مبنية على الثقة والإحترام.

ونحن عشان نضمن ثقة العملاء لازم نقدم ليهم منتج أو خدمة بجودة عالية.

? الإعلان: هو وسيلة للتواصل مع المُستهلكين بالدارجي كده تقنعهم عشان يشتروا منك المُنتج.

⁉️كيف تبني علامة تجارية قوية⁉️

نحن مُحتاجين نعرف حاجات مهمة زي:

1️⃣ حدد جوهر علامتك التجارية:
وده معناه:
_أعرف الغرض من علامتك التجارية.
_ومنو جمهورك المستهدف.

2️⃣ قم بتطوير هوية مرئية لا تُنسى:
_أهم شي في البراند الشعار والهوية البصرية.
_الشعار بشرح نص فكرة البراند.
_الألوان والعناصر المرئية بتعكس قيمة العلامة التجارية بتاعتك.
_جمهورك بحفظك بيهم وبميزك بين المنافسين.

3️⃣ صياغة صوت متناسق للعلامة التجارية:
_إختار جملة ترسخ في الأذهان ويكون ليها صدى وتناغم .. اول ما الناس تسمعا تردد معاها زي:
"شاي الغزالتين"= "أنا من وعيت في الدنيا أتعلمت أختار براي .. شُفت أهلي وناسي مبسوطين وبإيديهم شاي .. الخ "
بنفس اللحن والقافية لحدي ما ينتهي الإعلان وكلنا أكيد حافظين جملة " شاي الغزالتين ياهو ده شاينا ياهو ده سودانا".
ودعايات كتيرة جات في بالكم هسي بعد الكلام ده.

4️⃣ أخبر قصة علامتك التجارية:
مثلًا بنك الخرطوم لما بدا يعمل إعلان عملو شكل قصة .. البتقول:
_صباح الخير يا إنتصار.
=صباح النور يا مختار.
_ضارب ليك والله محتار.
.. الخ الخ
هنا هم ضربوا عصفورين بحجر:
_إختاروا يعملوا إعلان صوتي، في شكل قصة بتوضح كيف الزول يحول قروشه عن طريق البنك.
_الحاجة دي مقنعة أكتر وبتضيف قيمة للعلامة التجارية وبتخلق تأثير إيجابي.

5️⃣ بناء الثقة بالعلامة التجارية:
_أوفي بوعدك دايمًا وكون قدر الوعود والثقة.
_قدم عروض وتجارب إستثنائية للعملاء.
_إتفاعل بنشاط مع جمهورك ورد على أسئلتهم وإستفساراتهم لتعزيز العلاقة بينك وبينهم.

لحدي هنا ونتلاقى في بوست تاني، إنتظرونا.

#نودين?

مرحبًا..
أصدقاء Business World
نعتذر عن التوقف خلال الفترة السابقة
ونعدكم بالعودة قريبًا..

بلادنا وشبابنا يحتاجون لمعرفتكم
وخبراتكم في كتابة المحتوى
والتسويق و Copy writing والفريلانسر فلقد أصبحت هذه هي الوظائف المرغوبة في العالم وعليه:
من يجد في نفسه الرغبة ليكون جزءًا
من المنصة ويساهم بالمنشورات
والورش التدريبية فما عليه سوى الكتابة أسفل في التعليقات♥️

شاكرين لكم ومقدرين جهودكم.

#Business_World

خليك حرِّيف وأعرِف أنه أي مجال وليه مهارات خاصة بيه ?..

فبالتالي كمان أنت كـ كاتب محتوىٰ لازم تكون مُتقن لمهارات معينة
خليك معاي عشان تعرفها

▪️مهارات البحث:
طبعًا التوب، والمعروف إنه كاتب المُحتوىٰ المُمتاز هو البمتلك مهارات بحث ممتازة..
يعني قادِر يطلع المعلومات الموثوقة والضرورية في وقت قياسي✨.

▪️مهارات التواصل:
قادِر إنك تتواصل مع الجمهور حقك بطريقة فعّالة وبتناسبهم
وكذلك قادر تتواصل مع التيم حقك?.

▪️مهارات التحليل:
عنده قدرة إنه يحلل المحتوىٰ، السوق، والجمهور المستهذف كمان
علشان يقدر في النهاية يعرِّف يطلع محتوىٰ بيرفكتو?.

▪️مهارات الكتابة الإبداعية:
إذا حسبنا إنه الكتابة الإبداعية تحتسب مهارة
فيبقىٰ من الأفضل ليك إنك تتقنها لأنها حتساعدك في إنك تكتب كلام منمق
ومرتب.

▪️مهارات اللغة:
الأكيد لازم تكون مُلم بقواعد اللغة الإملائية والنحوية.

▪️التعلم :
إذا عايز تستمر في المجال وتبدع فيه، لابد إنك تكون عندك القابلية علىٰ التعلم
عن مُختلف المجالات، وعايز تكون علىٰ قدر عالي من المعرفة.

▪️التخطيط، وترتيب الوقت:
من المعروف عن كُتّاب المحتوىٰ إنهم طبيعي مضغوطين، وعندهم الكثير من المهام علشان ينجزوها، فلازم يكون عندهم مهارة إدارة الوقت والتخطيط الصح.

أخيرًا،
يا عزيزي المُبدع دي كُلها مهارات ممكن تتعلمها
ومع الممارسة فيها حتلقىٰ روحك أتقنتها تمامًا
وبالتالي حتصل لهدفك "كاتب محتوىٰ ناجح ومبدع"
وممكن نديك الخمسة نجوم ?

شاركني في الكومنتات مهارات تانية ساعدتك في شغلك?❤️.

#درامات_الحرب
#رُبا_خالد
#كتابة_المحتوى #صناعة_المحتوى
#contentcreator #ContentWriting #socialmediamarketing

"تعرف أنك براند قوي فعلا عندما يحاول الناس تقليدك ويفشلوا!"

#اقتباسات_تسويقية♥️.
- من صفحة Marketing Today.

"اذا لم تكن لديك ميزة تنافسية ..
لا تنافس!"

#جاك_ويلش
#اقتباسات_تسويقية♥️.
- منقول من صفحة Marketing Today♥️