يبو صالح گوم طالت غيبتك
جيب ثارك شيعتك هل نادتك

گوم ليهه واكسر اضهور النفاق
بسيفك انته الدنيه يا راعيهه
تجيب ثارك انته ابو الحيل الجبير
بجفگ تعدلهه ناوي اعليهه
يا شهم ومعصب ابخت الرسول
ورايه الكرار رفرف بيهه

كوم خليهه الروايه امنشره
يبو صالح گوم طالت غيبتك
واصلب الجبتين من فوگ اشجره
وكوم رفهه اباب جدك رايتك
.........................................................
هلا ياشيخ الكلايف والاثگال
هلا شيال الاحمول الماتطيح
انت لواي الاسروج على الاخيول
مثل عباسك تهب هبه الريح
و كلف ما تلبس درع وكت النزال
شكد جريم السيف يذبح مو شحيح

كوم خلي السيف يگطر بل دمه
يبو صالح گوم طالت غيبتك
و اذكر العباس خلد ملحمه
كوم واذبحهه الزلم وبخزرتك
.........................................................
من تهب نسمه هوه لناسك امان
و حار وكت العرگه يا بو الغيره
بيا شجاعه ارد اقيسك ياهمام
بااكبر با عباس هايه الحيره
شكد تزامط بل حرب يوم الاثكال
ابن حيدر هاي احسن سيره

كوم واضهر للخلگ ها ياشهم
يبو صالح گوم طالت غيبتك
خلي اسمك يرهب كلوب الزلم
اليوم مضرب للمثل ياضربتك
......................................................
يا نفل يل الاسمك بعلو النجم
انت يل المهدي عزيز وغالي
يانبع يل اليروه كل عطشان بيك
وبل شدايد انت هم تبرالي
الهام بيك يعيش يا مولاي دوم
راسه مرفوع ويضل بل عالي

و كوم ياعين الزجيه فاطمه
يبو صالح گوم طالت غيبتك
حان وكتك يل تحل كل موزمه
الشيعه كلهه اليوم تنطر طلعتك

اكرم قاسم

زينب تحشم وين الزلام
وحسينكم فوگ الترب نام
الگوم هدت علصواوين
لاتحترگ لحگوهه الخيام

يهل البخت طاح البخت
وزينب تحشم ياهلي
اليوم ضعنه بكربله
الحكونه مذبوح الولي
دارت وجهه على النجف
وصاحت الحكنه ياعلي

الحك تره جتنه الغرب
يابويه تيهنه الدرب

واويلي على زينب.. واويلي على زينب
..................................
ياراي عگبك ضايع الراي
وريته العطش يندار لحشاي
وسفه وتموت حسين عطشان
وجهك يخويه اتغير اهواي

حيهم صحت وتحيرت
افزعله لو لم الضعن
خيل اعوجيه اتكربت
واطفاله بل خيمه نجون
بمجانه ويدير النضر
وحسين دمعه بل جفن

وسفه وبجت عينه السبط
ومن بته باكوه القرط

واويلي على زينب.. واويلي على زينب
..................................
والناس كلهه اتحشم الناس
طب الضعن والغربه حراس
اشرف ضعن ياحيف بل سوگ
ودخن حميه راس عباس

والهضمه تجرح خاطري
واعيونهم جانت سهم
والتكسر اختك يل النفل
شالو وسف ذاك العلم
و ياحال زينب والسبي
غربه والم مرهه الحرم

وسفه عيال الطالبي
مو مالت اولام وسبي

واويلي على زينب.. واويلي على زينب
..................................
ضيعتك وضاع الدرب
يل ماضكت ماي الشرب
وخلصته دربي انتضر
يمته ارجع لوجهك صعب

و يمته ارد لكربله
واتلاكه وي وجهك انه
يحسين ياهرش الكلب
طال الدرب ضهري حنه
بس ارجع ويمك ارد
طال الهجر خويه سنه

واتلاكه وشتمك ردت
يحسين يا خي حشمت

اكرم قاسم

اشتياق.... الئ زياره مولاتي العقيله ?

دار العام.. متاني الشام.. واوصل زينب هل الايام
بيه الخوف.. بروحي يروف.. ياجرحي الماضن يلتام

محد حس بغربه زينب
بس الشاف الشام بعينه
لو صدكيه الغربه العدنه
جا بل خيمات اتجوينه

الله يستر.. بس لا مانوصل للحضره
الله يستر.. ونزورج يابت الزهره
الله يستر.. ونسجد بعتابج يالحره

ياهو المثلج شاف الغربه
لهسه الشام يتعب دربه
من زوراج يفرغ صحنج
ومن خوانج كلش صعبه
................... عاشت غريبه وماتت غريبه
حسره بنوح.. كلي اجروح.. ولعتابج تاخذني العبره
لذيج البوب.. روحي اتلوب.. وموجره ابروحي جم جمره

ضيم افراگج تحجي عيوني
وشوگي الفايض ليج اهواي
شكد احسب ليامج واحسب
ياجرحي ويل البيج ادواي

والله صعبه.. ويمج ما يوصل اي زاير
والله صعبه.. و المنضر كاسرلج خاطر
والله صعبه.. ولا مجلس بعتابج صاير

ولا مجلس يمج لا موكب
المايوصل لعتابج ينحب
ميت كلبه وعايش ضيمه
يضل ايتاني الموت مشيب
................... عاشت غريبه وماتت غريبه

منتضرين.. ومحضرين...نوصلج ونقيم المأتم
متعودين.. بدمع العين.. اباب الأخضر نبجي ونلطم

مانوصل يمج معقوله
وترد ليج الغربه اردود
والله الموت اهون مولاتي
ولاننضر بابج مسدود

ياهضيمه.. غصه بكليبي شكبرهه
ياهضيمه.. وسفه مانشتم عطرهه
ياهضيمه.. السنه مانكدر نمرهه

ياهو اليحس بهاي الحرگه
بس المجويه گليبه الفرگه
يتگلب بنيران فراگج
وطاري الشام هواي ايخنگه
................... عاشت غريبه وماتت غريبه
ها يم عون.. روحي اشلون.. تهده بلا شوفه شباجج
وتلهب نار.. بلا زوار.. صحنج ياغيره عباسج

نخدم يمج نلطم يمج
بستشهادج متعودين
ننخاج اتسهليهه اعلينه
ونوصلج ياروح حسين

بلكت الله.. وتسهل اعلينه الزياره
بلكت الله.. ونلتقي بذيجه المناره
بلكت الله.. ننتضر منج اشاره

وين الله وتخلص هل الشده
فايض شوكي وعابر حده
و محضرلج دمع اعيوني
والشافج مايرجع وده

اكرم قاسم

اللهم ارزقنا الادب مع الحسين عليه السلام في مجالس الحسين

تضحك ليش جرحك الم مالاح
نعاوي الكلب ليش عليك مالاح
ترافه ادور انت وحجي مالاح
ودخان الخيم خانگ رقيه

اكرم قاسم

صيح زينب وابجي وانحب
وخلي جرحك للغريبه
يعيش وي وجدان كلبك بس مصيبه
احرگ الدلال الهه وصب دموعك
وزيد هضمك للحبيبه
وعيش حزنك ولحزن زود نحبيه
علغريبه الصاحت انه مو غريبه
السولفت وي راس اخوهه
ياهلي هذا ضعنكم وانه زينب موغريبه
بهلحجايه بلشت غربة وطنهه
والگلب وجر لهيبه
شلون تتغرب وابوهه حامي جاره
ومافزع جار علزينب ياعجيبه

غربه الشام ياهوه الشايف
ضيم الشام بس لزينب
شد الثلم وخلي الشام
نيشان بروحك واسبيهه
زينب تسوه ادموع اعليهه
يل عايش دنياك بحيلك
مسبيه وماعدهه الحيل
يل نايم متهني بنومك
وزينب مانامت بليل
كاتلهه افراگ الكافلهه
ودموع من العين تسيل

بذيج الخرابه شگد بجت
صبت دمع بس ماحجت
غصه الحجي گبال الغرب
متعبهه ياذاك الدرب
تحجي بهمس
وي الكفل ضعن الشمس
تحجيله ع الصار ابنات ال النبي
وتگله صار احمر تره لون العبي
صدت بعينه ودمعت
وعباس يعرفهه شحجت
اندارت لعد راعي البخت
بس شحجت

ويهلي الضياغم ماتكعدون
تشوفون حالي وحال الاضعون
من ياوكت نمشي وي الاجناب
وام عون صارت تنده العون

اكرم قاســـــــم

كل العالم.. ينصب مأتم.. بي اسمج فاطمه
يا سر الله.. بسمج صله.. كل عاشگ مأتمه
الحمد لله على مر الزمن
الحمد لله على ام الحسن
....................................................
بده حزنج وبدينه وياج بل اللوعه
اليحبج خل يحضر كلبه وادموعه
يرضه الله لرضاتج يم حسن فاطم
اليرضه الله لرضاته كسروا اضلوعه

خل نلطم وخل نبجي
عليج وعل الظلع المكسور
و دمعنه ادموم من ينزل
يفاطم علخد المسطور
يرحمه انوجدت ولناس
يجازوهه بكلب مفطور

مثل طر الخشب طر كلبك اعليهه
بواجي الثاكله كون احنه نبجيهه

الحمد لله نحبهه وبشجن
الحمد لله على ام الحسن
..........................................................................
شجئ انفاسج يروينه العشگ والنوح
ورحمتج ساكنه بدلاله كل مجروح
يشريان الكلب انتي الهوه الينشم
تدللنه وابنهه على الترب مطروح

محتاره بهضم ياناس
مابين الولد والباب
هشم منهه الضلع ويلي
وضلعهه ياخلگ ينصاب
الهدو كلهم على الدار
ذوله اجناب مو اصحاب

عيش بلا خجل وابجيهه دمعاتك
واصرخ بسم فاطم واحجي اهاتك

الحمد لله السنه مثل المضن
الحمد لله على ام الحسن
................................................
ويهنياله الجره دمعه وصرخ يمه
فاز بدنيته الدگ صدره بل اللطمه
يفاخر بيهه جدام الخلگ لو مات
ولو ناعي نعاهه تكسره وتهضمه

يحجيهه بكسر خاطر
فاطم تطلع ابونه
ويتذكر علي الكرار
ويتأسه بااثر حزنه
ويبجي وي دمع زينب
وخده ينجوي منه

خل هضمك يحرگك وي الاحباب
واتذكر هضم زينب بل الامصاب

الحمد لله دمعنه بل الوجن
الحمد لله على ام الحسن
...................................................
حنانج ما يوصفه شاعر وناعي
شكرا يم حسن غيرتي اطباعي
جنت ضايع واخذني الطيش لدنيه
رحمتج شملت الضايع واجه ساعي

ساعي تشمله للرحمه
لان هي التنجينه
كل ضايع كصدهه وصار
فاطم هي ضي عينه
تقبلنه على كل اذنوب
هي الساتره اعلينه

اشكر فاطمه على الخدمه والحرگه
سبب صارت نجينه بهل السبب ننجه

الحمد لله بفضلهه من تمن
الحمدلله على ام الحسن

اكرم قاسم

فيض مولاي سيد الشهداء