الشاعر زين العابدين الشمري
القناة الرسمية والموثقة لـ أخبار وزارة التربية العراقية.
أخبار حصرية كل مايخص وزارة التربية العراقية.
تابع جديدنا لمشاهدة احدث الاخبار.
سيتم نقل احدث الاخبار العاجلة.
رابط مشاركة القناة :
https://t.me/DX_75
Last updated 1 Jahr, 8 Monate her
Last updated 2 Monate, 2 Wochen her
فالنشيعها نهاراً جهاراً
ــــــــــــــــــ
باجر المهدي يجي يعيد المراسيم
بنعش رمزي للزجية ومأتم يقيم
فالنشيعها يصيح و قلبة اليهيم
إذاً يا شيعة علي احيوها تعظيم
فالنشيعها نهاراً جهاراً
ــــــــــــــــــ
هذا عاشور الزجية تلث روايات
المات بيهن ينحسب ياشيعة مامات
خل نحييها بمجالس كلها دمعات
لطم نلطم للضلع بجروح واهات
فالنشيعها نهاراً جهاراً
ــــــــــــــــــ
باب فاطم منطلق بي كل عزة يصير
الجمرة الأولى تعتبر من دون تفسير
يالله همو أرواحكم منريد تقصير
تحزموا لهاي الليالي وبدو تحضير
فالنشيعها نهاراً جهاراً
ــــــــــــــــــ
احنه شيعتها وخدمها ونبقى الانصار
والله فاطم شيعة الزهره عن النار
غدا من يظهر قبرها نروح زوار
نقيم مجلس بالصحن گدامي الانظار
فالنشيعها نهاراً جهاراً
ــــــــــــــــــ
نشيل تابوت الزجية برمش العيون
نطوف مكة بالنعش وي اليطوفون
والمواكب بالبقيع الكل يخدمون
بكل مكان يصير مجلس لليلطمون
فالنشيعها نهاراً جهاراً
ــــــــــــــــــ
خل نعرف الناس كلها بهاي الحزان
شلون قتلوها وطفلها فلان وفلان
شلون كسرو ضلع منها وهية قران
شلون بسمار المصيبة بصدر الايمان
فالنشيعها نهاراً جهاراً
ــــــــــــــــــ
نطالب بثار الزجية ومحسن المات
وما بردنا على المصيبة والله هيهات
هالجريمة أعظم جريمة والها ثارات
ويكتب التاريخ بالدم والحرامات
فالنشيعها نهاراً جهاراً
ــــــــــــــــــ
الشاعر زين العابدين الشمري
وجهت وجهي لخدمتج وأبروحي نار أمصيبتج
ميت بحزنج بس أعيش برحمتج
✾✾✾✾✾✾✾✾✾✾✾✾✾✾✾✾✾✾
وجـهـت وجهي ومعـتني وأعـيوني خـدام
هيـجي اليطب بخدمتج چن طب للاسلام
هـذا أنتـمائي بمنـهجـج وبكـل سـنه وعـام
بجنسـيتي أكتـبـي بالضـهر يالـزهره لـطام
خل تشهد أعيون السمه أني بشعائر فاطمه
ميت بحزنج بس أعيش برحمتج
✾✾✾✾✾✾✾✾✾✾✾✾✾✾✾✾✾✾
من زغري وأخدم منبرج حد ماذره الشيب
يا أمـي وأني مصيبـتج حافضـها عالغـيب
يمـراد وأنـفـاسـج علـگ وبـمأتمـج طــيب
العافيـته مو كلـش يجـي للمجلس أيطيب
متعود أبلطم الصدر من المهد حتى الكبر
ميت بحزنج بس أعيش برحمتج
✾✾✾✾✾✾✾✾✾✾✾✾✾✾✾✾✾✾
بصـدري أثـر من اللـطم وأجـفوفي والعين
بثـيابي عـطر المجـلسج من عـطر الحسين
من أرفـع أيـدي لـدعـوتج يا يـمه تنـطيين
من خيـرج الكـل الخـدم خـيرج توزعـيين
خيرج علينا أبكل وكت مثلج حنينه ولاشفت
ميت بحزنج بس أعيش برحمتج
✾✾✾✾✾✾✾✾✾✾✾✾✾✾✾✾✾✾
أشـعر قلـيل بخـدمـتج وأمـصابـج اهـواي
شـاري رضـاتـج بالنـفـس للـخدمـه شـراي
لـو گـبـرج أنـدالـه أجـي يالـزهـره مـشـاي
وأني بسبـيلج فاطمـه أسگـي اليجي ماي
تمشيلج أعيوني وجدم موكب وأسير وي الخدم
ميت بحزنج بس أعيش برحمتج
✾✾✾✾✾✾✾✾✾✾✾✾✾✾✾✾✾✾
عبدج وأعيش أبرحمـتج وأبروحي نيشان
من أسمـع بمجـلس أجـي لـو ويـن ما جان
تفـگـدين خـادم مـا أجـه أدوريـلـه عـنوان
تـرحـيـن ألـه لــو للـگـبـر تـقـريـلـه قــرآن
تـقـريلـه قـرآن وألـه رفعه وشفاعه ومنزله
ميت بحزنج بس أعيش برحمتج
✾✾✾✾✾✾✾✾✾✾✾✾✾✾✾✾✾✾
يارحـمـه الله الـواسـعـه يابـنـت الأطـيـاب
خادم وأبـن خادم الـج وأدمـوعي عالـباب
قبليـني خـادم وأفتـخر ياجـرحي ماطاب
مو بس ألم كسر الضلع يوجعني ألاحجاب
شيعي وغيور لمحنتج تاذيني كل الأذتج
ميت بحزنج بس أعيش برحمتج
✾✾✾✾✾✾✾✾✾✾✾✾✾✾✾✾✾✾
صرت بحسينيتج گبل ما انولد روح
واعرف مجالس فاطمه تحضرها وتنوح
مجلسج يا ام الحسن جنه فلك نوح
واليحضر يعزي نجه والما اجه يروح
بيج الشفاعه التنشفع لو باجي الج قطره دمع
ميت بحزنج بس أعيش برحمتج
✾✾✾✾✾✾✾✾✾✾✾✾✾✾✾✾✾✾
هاذي الليالـي الـمؤلـمة لازم نـواسـيـج
بيـا صوره اقـدملـج حزن يزهره يـرضيج
انطيتينه من عمرج ضلع جا شنهو ننطيج
كلـشي قلـيل انـقدمـه ما اضـن يـجازيـج
بس الله يعلم رفِعتج والجنه تحت اوصيتج
ميت بحزنج بس أعيش برحمتج
✾✾✾✾✾✾✾✾✾✾✾✾✾✾✾✾✾✾
الشاعر زين العابدين الشمري
فتحت عزاء
احفر گبرهـا ودمعي يحفر خدي
راحت ضواي وضلمه صارت عندي
ــــــــــــــــــ
احفر بگبر الوديعه وجني احفر بيدي گبري
ارفض النسمه اشمها تجرح النسمات صدري
مو سنه وسنتين مني فاطمه كل سنه بعمري
واكف الكون على جرحي ودمي وي دمعاتي يجري
كل المصايب بيه صارت ضدي
راحت ضواي وضلمه صارت عندي
ــــــــــــــــــ
باقي بس عطرج بديه ياشمل روحي وحياتي
وحشه هالليل وضلامه وحشتج جنها مماتي
عودت شوفي على رسمج شايل بطبعج صفاتي
سولفت وي روحي عنج يا اعز كل ذكرياتي
يانضر عيني باقي بعدج وحدي
راحت ضواي وضلمه صارت عندي
ــــــــــــــــــ
البشر يدفن حبيبه تنكسر روحه وي دفنه
تصبح الدنيا كئيبا جنها لوحة وبيها صفنه
قلب واحد نبضه وحده بالعشك هذا انعرفنه
شكد بسيطين اجتمعنه بس صعوبه من افترگنه
مويمي هسه يلي جنتي بسدي
راحت ضواي وضلمه صارت عندي
ــــــــــــــــــ
شلون اوسدنج بديه صعبه يالزهره عليه
هالفراق شلون يذبح مابقى كل حيلي بيه
راح اضل ابجي على كبرج بلكي تلفيني المنيه
كون الحكج هسه لكن امر من رب البريه
وياج اموت امنيتي اني وبدي
راحت ضواي وضلمه صارت عندي
ــــــــــــــــــ
سبحتج اخذها بيدي واشتم التسبيحه بيها
هاي المصلايه يمي فاطم تصلي عليها
مثل دمع الشمعه دمعي عيني محترگة بجيها
هايه روحي المغربيه تنقبض واشعر اذيها
اكثر يذكرني بحياتج ولدي
راحت ضواي وضلمه صارت عندي
ــــــــــــــــــ
لو يردج بيه دمعي ما وكف دمعي دقيقه
يالي جنتي ابروحي روحي اكثر انتي من الحقيقه
انتي وي دكات قلبي بالعلاقه شكد وثيقه
يالعيوني انتي وضواها شوفي بيج اندل طريقه
يانظر عيني وراحتي انتي وسعدي
راحت ضواي وضلمه صارت عندي
ــــــــــــــــــ
ماغمض جفني ابوداعج يا طمأنينة سلامي
انتي محراب القداسه يا صلاتي ويا صيامي
انتي نور الله وشعاعه بت رسول الله هيامي
الدنيا من بعدج ضواها اسود وصاير ضلامي
انتي الاميره واني عندج جندي
راحت ضواي وضلمه صارت عندي
ــــــــــــــــــ
روحتج خلتلي عله تعثر الروح بحزنها
من اونن اه يزهره تطلع الروح من اونها
ما تلم دمعي المدينه لو بجيت اطفح سفنها
هالزمن اذه الزجيه ويلي من لوعة زمنها
طالق ثلاثه الدنيا عبرت حدي
راحت ضواي وضلمه صارت عندي
ــــــــــــــــــ
الشاعر زين العابدين الشمري
روه كاس الموت كل شجعانها
عثرت الخيل وگعت فرسانها
ــــــــــــــــــ
هاية خيبر هالحرب لو كربلاء
نزل أمر الحرب من وحي السماء
صوت كل الجيش يتعالى النداء
هذا منهو الطب حرگ ميدانها
ــــــــــــــــــ
هذا منهو الشاب اليوكع السيوف
وبلثام الموزمة تلگة الالوف
واليزامط ينعجب خل ويشوف
نزل واجفوفة العكفها اردنها
ــــــــــــــــــ
كل قبائلهم تحرت بالسؤال
هذا معقولة الرجع وسط النزال
حيدر الكرار لو غيرة احتمال
رجعت الدنيا بعمر سكانها
ــــــــــــــــــ
عاد صولا الحرب بدر وحنين
من برز وحدة لقتال الظالمين
يرتجر بالحومة اني ابن الحسين
ال هاشم اني من شبانها
ــــــــــــــــــ
فرها مثل الرحلة لمن طبها صار
حتى نسمات الهوه مشتعله نار
على الاكبر بيدة شايل ذو الفقار
مايثني الضربة بيدة امجانها
ــــــــــــــــــ
طبها منجل على السنابل بالحصاد
وشردو شلون الهوه وهب على الرماد
سيفة بنحور الظلم واهل العناد
حده سيفة اعله الرگاب ودانها
ــــــــــــــــــ
على الاكبر بالحرب سيفة انتقام
هوه شمس الله وشرق وسط الظلام
خرس الجيش وكطع حتى الكلام
ورجفت الطف من جميع اركانها
ــــــــــــــــــ
الشاعر زين العابدين الشمري
الاكبر الاكبر
حيدر سموني الاكبر
من خزر اعيوني الاكبر
بالطف عرفوني الاكبر
بالحومة بكيفي الاكبر
من اخذ حيفي الاكبر
واليشهد سيفي الاكبر
دونت كربلة كل جلماتـي
ما انسيهم رعب صولاتـي
اني ابدي وياهم وكل الأتي
راح ألزمهم سرة بضرباتي
الاكبر الاكبر
ــــــــــــــــــ
ابرز ولثاري الاكبر
بالجف فقاري الاكبر
بعزمي واصراري الاكبر
عمي الوياية الاكبر
وبضهره الراية الاكبر
تخفگ للغاية الاكبر
ع الجتف راية وترف للعالي
وغبرة الطف ماتخفي اخيالي
وي عمي والحرب تحلالي
هذا دمي فده ابوي الغالي
الاكبر الاكبر
ــــــــــــــــــ
من اكتم نوحي الاكبر
والثمها اجروحي الاكبر
تتحزم روحي الاكبر
واشلح جفيني الاكبر
وبراسي حسيني الاكبر
من تجدح عيني الاكبر
اني بن شيخ تعرفني الوادم
اني الاكبر من سلاله هاشم
اليوم احداً بالركاب الصارم
كربلة اسفح دماهم عازم
الاكبر الاكبر
ــــــــــــــــــ
لو طبن بيها الاكبر
ارفع ناصيها الاكبر
واخفض عاليها الاكبر
لو طب الحومة الاكبر
الي حد يومة الاكبر
يشرد بهدومة الاكبر
طابهم مغتاض واحجي حجاية
اله اخليها الزلم دماية
اله اجتف هاي المسناية
ارعب الجيش وأبدد راية
الاكبر الاكبر
ــــــــــــــــــ
الطف والبيها الاكبر
اني لتاليها الاكبر
دمي يحنيها الاكبر
الطف واسيوفه الاكبر
يا اهل الكوفه الاكبر
عثر من خوفه الاكبر
اليوكع بهاي الحرب واعثراها
يلتوي فوگ الركب بتارها
يحترك من جمر لهبة نارها
المايعرفلها تضيعة اسرارها
الاكبر الاكبر
ــــــــــــــــــ
الشاعر زين العابدين الشمري
هذا الاكبر يطبها هذا الاكبر
جنه حيدر زمانه جنه حيدر
نزل شاب اعله المعارة ورخت من الثامها
وجه يبرج جنه طه من عرج بأسلامها
صاحت الطف هذا حيدر لو محمد هامها
نزل يتبختر عليها وبيدة ينهي ايامها
انجسم جيش الحرب طبت الاكبر رعب
ــــــــــــــــــ
وكر اعلة الطف شجاعه وكل تحده اسيوفها
لبد كل الجيش خايف من رعيده يشوفها
تاهت الشردة برعبها تعثرت بصفوفها
راس كام يطگله راس تلعثمت بحروفها
دوية صارت بالأرض من كثر صوت الركض
ــــــــــــــــــ
تحزم بحزم المناية استأذن ولن طابها
هوه صاحب هالقضية من نزل طلابها
دخن من العطش درعه ومايگع نشابها
عبست اوجوه الكظتها مكشرة بنيابها
سيفه بعيون السمة سوه اعظم ملحمة
ــــــــــــــــــ
صنتت الطف من اجاها وكتمت انفاسها
طبها المشجل بسيفه يطگ عرگها وساسها
رجفت صفوف الكتايب من جدمها لراسها
جنة طه وجنة حيدر علي وجن عباسها
حيد واعلن موقفه شبه طه المصطفى
ــــــــــــــــــ
الشاعر زين العابدين الشمري
خالي ضل داري والدمع جاري وفاجده الراي
ــــــــــــــــــ
ثجيل اوداعك وماتحمل اعيوني
ووداعك حمل ما شالته مـتـوني
يالـــيـوميه بـويه تســـئل شـلونـي
من حزنـي دمعتي غيرت لونـي
بويه بحزانـي دهري خلانـي انحب هواي
ــــــــــــــــــ
ياخـــيـــمه حـــنـــانـــك مـــن تفـــيـــينـــه
ويـــومـيـــه تـصـــبـــحـنـه وتـــمـــسيـــنه
وصوتك بويه واحساسك يدفينه
من سافـرت ما ضـل الفرح بـيـــنه
دمعة اخوانـي ودمعتي انـي جرحك وياي
ــــــــــــــــــ
وحـــشه غيـــبتـــك مـرســـومـه بـــهـاتـي
ومـــن ابــجي وحـزينـــه وبـــيه عـــبراتـي
تنـــشـــف بـــويه بـــيدك بـــيه دمعـــاتـي
وتسمع صوت قلبي وصوت جلماتي
قلبي اليناطر يكسر الخاطر وهظم بحشاي
ــــــــــــــــــ
بعدك ماغمض جفني ونمت ليلي
لحضة روحتك بـــويه الخذت حـــيلي
من وحـــي الـــهضم دلالـي يوحـــيلـــي
وونـــينـــي لـــمـــصابـــك صـــار ترتـيـــلي
لشخصك الغالي عطش دلالي مو عطش ماي
ــــــــــــــــــ
جن كلما اشـــوفك ينجلي هـــمي
من عباس اشوفه اتـــخيلك يمي
بويه بداعتي وحزني وحرگ دمي
وصلي سلامـــي بـــويه عـــند امـــي
بفرگتج كلها وهالسلام الها زينبج هاي
ــــــــــــــــــ
نار بقلـــبي واشـــعر بالالـــم تســـعـــر
وكلساع أللجــم بحساسي وأتصبر
لــــو يــــاك مـيــــتـه بــــويــــه يـــا حــــيــــدر
واخلص من عذاب وجرحي لا يكبر
مختنگ صوتي يا هله بموتي ليه لو جاي
ــــــــــــــــــ
الشاعر زين العابدين الشمري
القناة الرسمية والموثقة لـ أخبار وزارة التربية العراقية.
أخبار حصرية كل مايخص وزارة التربية العراقية.
تابع جديدنا لمشاهدة احدث الاخبار.
سيتم نقل احدث الاخبار العاجلة.
رابط مشاركة القناة :
https://t.me/DX_75
Last updated 1 Jahr, 8 Monate her
Last updated 2 Monate, 2 Wochen her