حال مولاتي زينب عليها السلام في وسط الخرابه في الشام ، وتذكر ايامها مع الزهراء وكأنها تحكي لها على عذاب الطف والشام .. __________بنص الخرابه اتذكر حلم
حلم امي موجوده وتهم

ولـ امي اروح اشكي الجروح
ماضل أحد مو كافي نوح __________بـ اول ليلة لفگدج يمه
وانا وياج جن عش بشجرة
اتذكر لمتنه وابچي
ماكو احلى من ذيج الفترة
بين عيوني الگه اوهام
اوهام وشيله بنص عترة
وتمر اعله بالي ايام
ايام وضحكات الزهره

صرت اللوليله بمكانج
يمه ضل خالي مچانج
من صبح ليل المسيه
فاهي چي مابي حنانج

طيحة اخوي المحسن جرح
ومنها يروح حـــــسين برمح

كافي عذاب امصاب لـ مصاب
وبغفلة صار دم اعله باب ___________واذكر مشية ابوي الجان
بين الناس وتحسده عيون
يمشي بهيبه وكلها تهاب
طوله وعرضه وكلشي يهون
يايمه بدونج شو صار
مايل ظهره وماكو امتون
من الدفعه لحد الباب
ومسمار بضلعج يحجون

يمه مــــالحگت اودعج
بليله ضلمه وينه لحدج
والحزن بعدج اجـــــانه
حتى لو بس اشــــــمج

يومج عجيب مامش وفه
جانوا گبل كلـــــهم عفه

ومحتاره وين الگه الحُسين
ولضعني جان دايرلي عــين ___________من دونج رحت اعله نوگ
ويدخلونه بسوگ لســـــوگ
هزله وصعدوني بيها
وراس حسين بالشمس محروگ
ارد احجيله شصار وياي
بس راسه امبعدينه لفوگ
من دونك صرنه امغربات
يبن امي كاتلني الشوگ

والشمر زمجر علينه
ماكو أي حل بمشينه
من بعد ممشه الهزايل
غربه ومچتفين أدينه

عشت بأمان ماشفته ابد
هسه اريد منج مـــــــدد

امنا الجبيره واكبر ذخيره
يمـــــج آنه جنت الاميره ___________علي محمد

ليلة حزن كلشي يون
ونفجع كلب ام الحسن
للعسكري الزهرة اتنوح وتلطم اجت ويانه

ــــــــــــــــــــــــــــــــــــــــــــــــــــــــــــــــــــــ

ليله الزجيه حضرت بحسرتها
وللعسكري حمره جرت دمعتها
اتذوب الصخر ام الحسن ونتها

بعبره حجت يمه وبجت
وعلى الضلع هيه انتجت
تلطم بحركه ام حسين عل عسكري حزنانه

ــــــــــــــــــــــــــــــــــــــــــــــــــــــــــــــــــــــ

محنيه ويلي فاطمه ومنكسره
وكصدتت تون للعسكري بسامره
يايمه ضلت تنتحب يم كبره

متعلعله راحت له
والدمعه من دم هامله

مات ابني مسموم اتصيح بسامره مات اهنانه

ــــــــــــــــــــــــــــــــــــــــــــــــــــــــــــــــــــــ

هاي العضيمه الماترد السائل
اتوجهلها ودمعك ايصب سايل
حلفها كلها عليج جف الكافل

رايد دمع يم الضلع
وللحسن خليني انفجع

وفقني اخدمه بكل عام يافاطمه السلطانه

ــــــــــــــــــــــــــــــــــــــــــــــــــــــــــــــــــــــ

موت الحسن خله ام حسن مهضومه
مكسوره تنحب فاطمه المضلومه
ويلي على الروحه كضت مسمومه

المدمع يصب بكسرت كلب
فكد ابو المهدي شكد صعب

مثلج تره يم حسين فكد الحسن اذانه
ــــــــــــــــــــــــــــــــــــــــــــــــــــــــــــــــــــــ

هاذه الحسن هاذه الزكي الطاهر
لمصابه واجب كون نعمي الناضر
مهضوم ابو المهدي عله يوم العاشر

يبجي بألم الحرك الخيم
ومن السبي كلبه انهضم

مهضوم ابو المهدي هواي من السبي وحزانه

ــــــــــــــــــــــــــــــــــــــــــــــــــــــــــــــــــــــ

موت الحسن حسره وتكطع انفاسي
والمصيبته حك لو يشيب راسي
العن يربي الحاكم العباسي

حكمه صدر ونطه الأمر
بسم الحسن ابن الطهر

ليرحمه الله ادعي بصوت كلمن قتل مولانه

ــــــــــــــــــــــــــــــــــــــــــــــــــــــــــــــــــــــ

حسين عبد الزهرة الدراجي

ارد أسألك ...ان جان تسمحلي يغالي
ارد أسالك ... لوكضت هاي الليالي 
تستقر يالمهدي وين
من تخلص الاربعين
.....
ياسيدي المهدي اسألك ...  لوكفت المواكب
رحلك تشده الياوطن ... ماالك بيت وصاحب
اتودع احسين ابيا وضع ... يا صاحب المصايب
اعتقد مكسور الظهر ... مو شاب ترجع شايب

محني ظهرك ... ترجع ومكسور خاطر
محني ظهرك ... كلشي يخلص وي باجر
وحدك ومالك معين
من تخلص الاربعين
. .....
ياصاحب الثار الذي ... ماناسي لحضه ثاره
ترجع ابيا كسرت كلب ...من تخلص الزياره
كل خادم ايرد الهله ... كل زاير ايرد داره
وانت تروح الياكتر .... دم دمعتك تتجاره

تمشي  وين ... من تخلص المغربية
تمشي  وين ... وي ختام اخر عزيه 
اتصيح يهلي امودعين
من تخلص الاربعين
......
تخدم بموكب وحدك ... لو اكو من يعينك
ومن ياخذك حيل التعب ... هم كلي تغمض عينك
تخدم ابيا ديرة غرب ... خلصت هاي سنينك
اتوزع ثوابك دمعتك ...  لو نوحك اونينك

مستعر نار ... كلبك العظم المصيبه
مستعر نار .... على الشيبات الخضيبه
انهارك وليلك حزين
......
اعذرني أسألك سيدي ... ابدمعاتي الجرية  
يايوم تمشي الكربله ... وتوصل ابيا مسيه
تمشي اعله طولك سيدي ...لو تمشي عل عوجيه
ضامي تطب الحضرته ... لو شارب انت امية

يم الحسين .... توصل ابيا حال كلي
يم الحسين .... تبجي تكعد لو تصلي
لو تكظيها ونين
من تخلص الاربعين
......
كل البيوت امفتحه ... تستقبلك مهدينه
ابكيفك اختار الي تحب ... لا تمشي وتخلينه
انمشي عليك ام الحسن ... نسمة هوه مربينه
طاري غيابك موسهل ... ما ينحمل ياذينه

ابقى لتروح .... من تخلصها الزياره
ابقى لتروح .... الخاطر ادموع الغياره
اعليك نادينه بحنين
.....
كل يوم عشرين بصفر ... جرحك تزيد اللامه
معروف مولاي السبب ... جي تخلص الخدامه
مجلس عزائك تعقده ... الوحدك بلا لطامه
بس دمعتك بيه اتحضر ... والرايه والعمامه

مجلس النوح .... سيدي الوحدك تقيمه
مجلس النوح .... بس دموعك بي تيمه 
الوحدك تبجي سنين
....
ياخدمه اقرب سيدي ... الكلبك اسألك بيها
اقسم عليك ابفاطمه ... سولفها لا تخفيها 
الماي ابثواب المنذبح ... لو غيرها الهاويها
ياخدمة بيها منشغل ... وياك اخذني ليها

اتوزع الماي .... ابثواب حسين جدك
اتوزع الماي .... وانت دمعك فوك خدك
اتصيح عطشان الحسين

........

زينب ياكسر ظهري
زينب يابعــد عمري
زينب طافت بگبري
هظيمة
::::::::::::::::::::::::

ادني خويه من الگبر خليني اشمج
ولا تلجمين بــــدليلي بداعت امج
لا تحسين بغرب غير انه يمج
راح أوخر تراب گبري بصدري اضمج

وبيدج وسدي عبدالله
وگولي بوجه السملله

زينب نحره وينحري

زينب ياكسر ظهري
هظيمة
::::::::::::::::::::::::

خلي اسولفلج بــعد خويه وازيدج
ومن تروحين الكفيلج اخذي بيدج
اخذي ماي وياج ملهوف ويريدج
رشي گبر الجان عايـش وي وريدج

وبـــــــــس بالج تگليله
عله طگ الشمر تحجيله

زينب لوعته بصدري

زينب ياكــسر ظهري
هظيمة
::::::::::::::::::::::::

خاف گلبج ينشلع هاي المسافة
هيــج صار بحال گلبي يوم شافة
وانتي بت راعي الشدايد والكلافة
وانتي بنت الكتلو أمهه اعله الخلافة

وجنج امـــــج الزهرة
وهم بصدرج الحسرة

زينب أحملي وصبري
زينب ياكـــسر ظهري
هظيمة
::::::::::::::::::::::::

من عمت عيني اجيتي محني ظهرج
ومن وره حجاب الوجه حسيته كسرج
انه بيش أگدر يزينب خويه صبرج
يلي عشتي من الزغر مجروح عمرج

اجيتي وحيل متعوبه
وعليج الدنيا مكلوبه

زينب كلشي بيج ادري
زينب ياكـــسر ظهري
هظيمة
::::::::::::::::::::::::

هناك جفـــــين الگمر وهناك صدره
وهذا راس الأكــــــبر بني وذاك نحره
وذاك عـــون الرمح كاسر خويه ظهره
وعمت عيني القاسم ايده بدمه حمره

بمـوته شابت الحنه
وجهه اليشبه الجنه

زينب دمعـج اليجري
زينب ياكـــسر ظهري
هظيمة
::::::::::::::::::::::::

خادم عزيز الله الشاعر محمد البنداوي

وكأني بالحسين مع السيدة زينب

هَلِ ابتَسَمَت بَعدَ الطُّفُوفِ ثُغُورُ
وَهَلْ بَعدَ هَتكِ الْمُحْصَنَاتِ سُرُورُ؟!

الشّيخ الجشي.

#أبوذية

هلي معزمين ع فرگه ... وناوين
وهمه وينهــم مــدري ... وناوين
وام عبـاس تنعــالــي ... وناوين

ونخلص ليلنه بونه شچيه

(لأحد خدام الحسين)روحي فداه

#اللهم_عجل_لوليك_الفرج