الحلقه الثالثه من السيرة النبويه هتنزل حالا

أنـا إنسـان وحـش جـدا حتـى ربنـا بعـد عنـي ، ذنوبـي ڪترت ومبقيتـش حاسـس بحاجـه ميـت يعتبـر .. بصلـي يـوم وعشـرة لا ، بنصـح النـاس بالديـن وأنـا أسـوأ خلـق اللـه ، أنـا حـلال فـي النـار والعـذاب واللـه ، أنـا إنسـان سلبـي وسـيء جـدا

ج/ خلصـت؟!

اتبسطـت ڪدا بالشيطـان وهـو قاعـد يبصـلك وأنـت مستسلـم ويائـس ، وفرحـان فيـك؟!

علـى فڪرة هـو مـش مشڪلته معـاك الذنـب خالـص .. هـو عـارف إنـك لـو تبـت ربنـا هيتـوب عليـك وهـو هدفـه الأڪبر يوصـلك للحالـة اللـي أنـت فيهـا دي

انفـض عنـك يـا رجـل هـذا الضعـف .. وقـم للـه صادقـاً وعـد إليـه .. وسيفـرح بـك ، وهـو الغنـي عنـك.

‏﴿ وَاتَّقُوا اللَّهَ وَاعْلَمُوا أَنَّكُم مُّلَاقُوهُ ﴾

﴿إِنَّ اللَّهَ وَمَلَـٰٓئِِكَتَهُۥيُصَلّونَ عَلَى النَّبِيِّ يا أَيُّهَا الَّذينَ آمَنوا صَلّوا عَلَيهِ وَسَلِّموا تَسليمًا﴾

النهاردة بالليل بإذن الله التوقيت الشتوي ، يعني إيه توقيت شتوي؟
يعني اليوم العملي بيخلص بسرعة ما بتحسش به ، الليل بيبقى أطوَل .. بتصحى تحس إنك أخدت كفايتك من النوم وجسمك مافيهوش همدان ، ودي إحدى الحالات النفسية السعيدة الخاصة بالشتاء ..

الشتا بكل ما فيه بيقدر يغيّر حالتك وبيخليك أحسن دايمًا ، سواء بوقته أو بمطره أو بغيومه أو بتكتكته أو بريحته ، فا ربنا مايحرمناش من إستشعار نِعَم فصل الشتاء ويبقى هَيِّن على كل مَن لا مأوىٰ له ?.

عندي قناعة إن المبادرة وشجاعة المحاولة من شيَم الرجال.
"المُحبُّ الحقيقي يُحاول"
- الراجل بيبدأ وبيتصرف لو عايز بصدق
- الراجل بياخد خطوة وخطوة جد وثابتة ومحكمة.

لما نزلت آية:

« يدنين عليهن من جلابيبهن»خرج نساء الأنصار كأن على رؤوسهن الغربان من الأكسية؛ أي إنهن غطين رؤوسهن ووجوههن طاعة لله ورسوله .

إيه الجمال دا بجد ..
الواحد بيسآل أمتى نوصل للمرحلة دي من الاستجابة؟

أمتى حجابك يتظبط وتبقي راضية عن نفسك بيه؟

وتقفي قدام مرايتك ، ويبقى عندك قناعة إنك لو موتي بلبسك ده هتموتي على طاعة..

أمتى هنبطل نطلع شعرنا من الطرحة ونبين رقبتنا ونلبس دريسات مبينة رجلينا؟

أنتى جميلة وغالية أوي، وتشريع الحجاب ده لمصلحتك بيحميكي من الفتن ويجنبك سوءات كتير انتي في غنى عنها.

فهلّا أمتثلنا كنساء الأنصار ?

الشيطان قبل نومك بيكون عارف إن روحك بتطلع لبارئها، يا إما يمسكها الله، إما يردها إليك لتستيقظ ..

بيحتاج إنه بس يتمكن منك فى اللحظة دى علشان تموت على معصية، علشان كدة ربنا أمرنا إننا ننام على وضوء ونقول الأذكار علشان يكون آخر عهد أرواحنا بالله طهارتها وذِكر الله ?.

[ اللَّهُ يَتَوَفَّى الْأَنْفُسَ حِينَ مَوْتِهَا وَالَّتِي لَمْ تَمُتْ فِي مَنَامِهَا ۖ فَيُمْسِكُ الَّتِي قَضَىٰ عَلَيْهَا الْمَوْتَ وَيُرْسِلُ الْأُخْرَىٰ إِلَىٰ أَجَلٍ مُسَمًّى ۚ إِنَّ فِي ذَٰلِكَ لَآيَاتٍ لِقَوْمٍ يَتَفَكَّرُونَ ]

والله المشهد دة لو دخل قلب حد واستشعره، حياته هتتحول مش هيخلص يومه من غير ما يقفل حساباته، عمره ما ينام و أبوه أو أمه غضبانين عليه، مش هيجيله نوم وحد له عنده حق أو مظلمة متأخرة، مستحيل ينام على غير استغفار وتوبة على يومه.

الفرض اللى فاته، الشتيمة اللى قالها، الغيبة، النميمة، النظرة الحرام..

الكام دقيقة اللى قبل ما ينام هيتحولوا من شخص ماسك تليفونه بيقلب فى أى حاجة لغاية ما ينام هتتحول لحساب مع نفسه؛ دعاء واستغفار وأذكار النوم..

ما هو يمكن الليلة دى أكون من الناس اللى ربنا قضى عليها الموت، وتانى يوم لما يصحى يقدر نعمة ربنا إنه أمد فى عمره وأعطاه فرصة تانية للتغيير، ساعتها دعاء الإستيقاظ هيبقى له طعم تانى.
" الحمد لله الذى أحيانا بعدما أماتنا وإليه النشور ?."

- حبيبه محمود.