الدعم الحسيني الزينبي دعم القنوات الحسينيه  الملتزمة وعدد مشتركيها لا يقل عن 500 مشترك من أفضل القنوات على التليكرام تنشر السته يوميا ثلاث مرات ساعتين كل مره ويتم الحذف من القناة  يكون الحذف من خلال البوت بعد انتهاء الوقت للاشتراك راسلنا على  الرابط 👇👇

https://t.me/Abas747

هوسات
اول منولدعباس     يتلفت يمين ايسار
امه احتارت ابأمره     ماتدري الجره والصار
صاحت وينه ابوالحسنين مدري اشصابه هل المغوار
لمن عاينه اتبسم وگاللها علي الكرار
عل الرايه يدور راعيها

جاب الرايه ابو الحسنين   اگبال الگمر خلاها
هودوستقرعباس    حين بعينه شافاها
راد يجربه داحي الباب  اجه وگباله نواها
ابو فاضل بلهفه وشوگ  مدچفه وتلگاها
وگال الها افديچ بچفيني

اذا زينب تمرا عليه    وين اتروح راسه يدير
يفرح لو اجت يمه      من مهده يريد اطير
اخته وصاحب الغيره  كفلها وهوه جان ازغير
واليومك متكفل بيها
سعدالعبودي

الإمام الكاظم عليه السلام

غريب. غريب. موسى إبن جعفر

ياغربه تشبه غربته...باالسجن جاب اسنينه
طاموره ضلمه وموحشه...وبسلسله مگيدينه
وكت الوضوء ويسرته.......گوه تلوح ايمينه
من ثگل ذيچ الجامعه. الكاظم الله يعينه

سجين. سجين. وجروحه تسعر
**
مات بغربته بالسجن. للجسر أصبح نقله
شالو حماميل أربعه. ومحد حضرله من أهله
ضلت غريبه اجنازته.. لا والله ابد مو سهله
ماصارت بواحد ابد..........لا بعده ولا قبله

دموع. دموع. يستاهل اكثر
**
التمت الناس وحايره...تسأل عليه محتاره
من يامدينه ويابلد...محد يعرف اخباره
ما ندري داره بيا كتر..خاطر نشيله الاداره
شمسويه بيه الجامعه...وچفوفه دم تتجاره

قيود. قيود. منظرها. منظر

**
الوحشه فوگه مخيمه.وناعي الحزن ضل ينعه
هذا أمام الرافضة ....وينه اليجي ويشيعه
من ذاك يومه الها الوكت..يكسرنه طاري الجمعه
واحنه گلبنه كل سنه..هاي المصيبه تفجعه

يصيح. يصيح. والناعي يفتر
**
من نسمع بطاري السجن..هذا الإمام انذكره
بزيارته يبدي البچي ... عاالجسر من نعبره
ويلي اعله امام الرافضة . باالغربه خلص عمره
كل سنه نسويله نعش..ونلطم عليه ونقره

مصاب. مصاب. بينه ايتكرر

سعد العبودي

ياالرايد الجنه،، للقاسم اتعنه
ابن الميامين،،،،،  زوره
لو رايد الجنة عدن متشوقه عيونك
لحظرت القاسم اعتني وخلهم يدلونك
لو حاجه عندك لو طلب ميخيب اضنونك
زواره عنه اشگد قصص خلهم يسمعونك
تشهدله زواره،،،، ونعرفت اخباره
ابن الميامين،،،،، زوره
باب الحوائج والده وهوه نفس طبعه
محد يجيله بحاجته والقاسم ايرجعه
اليدعي يمه يقدره  واليهمل الدمعه
الرحمه وي المغفره يم بابه مجتمعه
يغفرلك اذنوبك،،، يسترلك اعيوبك
ابن الميامين،،،،،،،، زوره
اطيب عطر لو رايده اشتم عطر بابه
هذا الكريم بكل وكت ما ينسه احبابه
والزاره يركضله الهوى ويشبگ على ثيابه
اشگد ملوك اتعنته وسجدت على اعتابه
جده النبي هوه،، منبع للمروه
ابن الميامين،،، زوره
هاي المدينه اتشرفت، بوجوده بنواره
وشيريد من الله بعد هذا الصبح جاره
من حظرته ومن مرقده يصبح عطر داره
صبح ومسه وبكل وكت يقراله الزياره
والعايش بقربه،،، مايشعر بغربه
ابن الميامين،،، زوره
من مرقده وبكل حزن ابعث تحياتي
بلكي النسايم للرضا تاخذها دمعاتي
اتمنه ازوره لو گلت! تخنگني عبراتي
لكن الضامن ادري انه. يسمعها كلماتي
حلمي ازورنه،،، وشباچه اقبلنه
ابن الميامين،،، زوره
سعد العبودي

بت باالگلب والهم يعت باالبيت
الصاراوياچ ازيد صار باالبيت
ييمه من اجي وما الگاچ بلبيت
احيرن والوسيعه تضيگ بيه

سعد العبودي

ما تاخذ سلامي ياهو الها
ترى ليلة جفاهه ياهو الها
عگبچ گلها زينب ياهو الها
خمس اسنين وتيتمت هيه
سعد العبودي

الدعم الحسيني الزينبي دعم القنوات الحسينيه  الملتزمة وعدد مشتركيها لا يقل عن 500 مشترك من أفضل القنوات على التليكرام تنشر السته يوميا ثلاث مرات ساعتين كل مره ويتم الحذف من القناة  يكون الحذف من خلال البوت بعد انتهاء الوقت للاشتراك راسلنا على  الرابط ??

https://t.me/Abas747

تطفه الشمس لو غمضت امنه
ياهو البعد يحضنه ويضمنه
راح كلشي وياهه.   اه من فرگاهه

راحت عافيتنه ودعيناهه
وبعد هيهات ابد مانلتقي وياهه
حنينه الوالده وماينسي ارباهه
گعدتها گبل باالبيت محلاهه
كل كلمه منها تفيض، حنيه
اشگد حلوه بيها الدار يوميه
بليل ودعناهه.   اه من فرگاهه

انام اليل كله وهيه سهرانه
اشكثر شافت تعب ياناس بربانه
اليوم البيت تبچي عليها حيطانه
اول ليله امنه ماهي ويانه
باالضلمه من شالو جنازتها
زينب يتيمه اليله خلتها
يوم ماننساهه.  اه من فرگاهه

باب الدار ابد ماودنه ليه انصد
البيت بلايه ام مايسوه بيه نگعد
اليالي الحلوه راحت مستحيل ترد
صعبه الذكريات وباالگلب تمرد
بسمتنه راحت ما ترد ساعه
ثاري العزيز يموت وداعه
حين زتيناهه.    اه من فرگاهه

ضلعها والگلب نفس الكسر هنه
حيل مدللين وياهه من چنه
هليله اندفن باالگاع موطنه
الدفنها بليل كون وياهه دافنه
امنه العزيزه هيچ تاليها
باالخفيه والدنه يواريها
صاح من وارهه. اه من فرگاهه

مو مثل الخلگ نگصد گبرها احنه
نص اليل نمشي بخفيه لو رحنه
نبچي بسكته فوگ الگبر لو طحنه
ونخاف الظلمه لا تعرف ملامحنه
ننعه اعله امنه وخرسه النياحه
وحتى الگبر مانوصله براحه
ليش يادنياهه.   اه من فرگاهه

گبرهه المختفي شاهد ضلامتها
جيل الجيل حتى يعرف قصتها
ليش توصي نص اليل دفنتها
وليش اشچم نفر حضرو جنازتها
بهاي الوصايه وضحت فكره
عن الضلمهه فاطمه الزهره
هاي بضعة طه.  اه من فرگاهه

سعد العبودي

غريبه والأهل عنچ بعدين
يخت عباس توجع غربة الشام
ترى اليندفن عن أحبابه ابعيد
مو مثل الذي أبين اخوته ينام
تألمتي اشكثر من البعد الحسين
ابد ماساعه رحمت بيچ الايام
هم ضيم اليسرهم ضيم الافراگ
اعله بالچ دوم يمكن حرگ الخيام
التل الزينبي يبچي اعله طاريچ
ولحد الآن لچلچ لابس الثام
يزينب بينه حسره نزورچ نريد
ونبچي بحضرتچ يااخت الاكرام
كسر گلوبنه يازينب اعليچ
وحگچ صار يشبه كسرت الچام

سعد العبودي

الامام العسكري عليه السلام

أنت المعزى سيدي.  ياصاحب الزمان
**
اليوم ابوك العسكري عن داره راحل
البيت چنه يطيح اذا راعيه شايل
باالمدامع جينه نبعثلك رسايل
دنگينه ابابه چن روس السنابل

فاح العطر من مرقده. كنفحت الجنان

**
هاي فاتحته وجينه بعبره ليها
چنه نتمنه نشوفك انت بيها
اليله دارك للسمه يوصل بچيها
والامام العسكري مايرد ليها

هذا الرحيل المرتقب.هليله وكته حان

هاالمسه سامره اضلم كل سماهه
اليله حدر الگاع يتواره ضواهه
جنازت المسموم ياهو الشيعاهه
بذاك عمرك تنحب وتمشي وراهه

تبچي المصيبة والدك  ياسيد الحنان
**
اليله گلبك يابو صالح تدوي ناره
لوالدك ويانه من تقره الزياره
يبقه يتلاله الدمع مثل المناره
ويلي عاالمسموم تجرح هاالعباره

ثامن ربيع بكل الم.   يذكرها كل لسان
**
هسه وين بياكتر تصبح گعدتك
ياغريب من البشر يشبه غربتك
الون الاحمر تره يذكرنه بدمعتك
ياشمسنه بلهفه نتنطر طلعتك

ماضل امان ولا امن.بس قربك الامان
**
سعد العبودي