29 de decembro: “Roga de San Silvestre” con plantación de frondosas en Froxán (Lousame)
#BrigadasDeseucaliptizadoras
Como todos os anos, Froxán acolle a xa tradicional “Roga de San Silvestre”, na que redimiremos os excesos e daremos as boas entradas a 2025 plantando un milleiro de frondosas autóctonas no Monte Veciñal en Man Común de Froxán, da man da Fundación Montescola e do proxecto Comunidades Activas e Paisaxes Resilientes a Incendios Forestais e Cambio Climático. Desta volta a cita ineludible está marcada para o domingo 29 de decembro.

👉 Tamén podes colaborar coas brigadas con 1€/mes grazas á plataforma Teaming https://www.teaming.net/brigadasdeseucaliptizadoras

https://www.verdegaia.org/wp/29-de-decembro-roga-de-san-silvestre-con-plantacion-de-frondosas-en-froxan-lousame/

Eólica Así Non! concentrarase no Parlamento para denunciar o constante acoso do Partido Popular sobre a veciñanza ameazada pola invasión eólica.
O martes, 17 de decembro, día no que previsiblemente, a maioría absoluta do PP no Parlamento aprobará a nova lei de acompañamento dos orzamentos para 2025, a Coordinadora Eólica Así Non convoca a cidadanía galega a concentrarse diante do Parlamento Galego ás 5 da tarde, para denunciar o que considera o golpe definitivo do goberno da Xunta contra os dereitos dos cidadáns e o medio ambiente fronte o espolio eólico do país. 
#EólicaAsíNon
https://www.verdegaia.org/wp/eolica-asi-non-concentrarase-no-parlamento-para-denunciar-o-constante-acoso-do-partido-popular-sobre-a-vecinanza-ameazada-pola-invasion-eolica/

Visita ao Monte Aloia, 21 de decembro de 2024, dentro do programa 12 meses, 12 saberes
O sábado 21 de decembro realizamos unha andaina no Monte Aloia en Tui, un paseo de 3 km no que observaremos a dinámica dos bosques durante o inverno.
Info e inscrición: https://www.verdegaia.org/wp/visita-ao-monte-aloia-21-de-decembro-de-2024-dentro-do-programa-12-meses-12-saberes/

15 Decembro, a Xunta non pode calar todo un país. Manifestación Altri Non!
Organizacións e colectivos integrantes da Plataforma Ulloa Viva e da Plataforma Defensa da Ría de Arousa (PDRA) convocan manifestación que percorrerá as rúas de Compostela o 15 de decembro, denunciando a “campaña” que a Xunta está a desenvolver para impedir a millares de persoas e colectivos alegar contra Altri e o intento de deslexitimación masiva que quere vulnerar e atentar contra os nosos dereitos constitucionais.
Participa na manifestación! #AltriNon
Organización, colaboración e buses: https://plataformaulloaviva.com/manifestacion-15d/

https://www.verdegaia.org/wp/15d-a-xunta-non-pode-calar-todo-un-pais-manifestacion-altri-non/

14 de decembro, Restauración de bosque autóctono en zonas queimadas en Ranón (Valdés, Asturias)
O proxecto Comunidades Activas e Paisaxes Resilientes a Incendios Forestais e Cambio Climático, realizado pola Fundación Montescola, organiza o 14 de decembro unha xornada de voluntariado no lugar de Ranón, en Valdés (Asturias). Nesta nova xornada, para a que tamén están convocadas as participantes das #Brigadasdeseucaliptizadoras, eliminaremos especies exóticas invasoras e colaboraremos a consolidar zonas de frondosas nun territorio que se viu afectado na última vaga de lumes
https://www.verdegaia.org/wp/14-de-decembro-restauracion-de-bosque-autoctono-en-zonas-queimadas-en-ranon-valdes-asturias/

Rexeitamos tentativa da Xunta de expulsar organizacións ecoloxistas e comunidades de montes veciñais do Consello da Minería de Galicia
Os colectivos sociais abaixo-asinantes rexeitamos a decisión unilateral da Xunta de Galicia de excluír as organizacións de defensa da natureza e das comunidades de montes veciñais do Consello da Minería de Galicia, do que forman parte desde que o órgano foi establecido en 2008 mediante a Lei 3/2008 de Ordenación da Minaría de Galicia. Se ben a lei actualmente en vigor garante a presenza destas organizacións no principal órgano de participación, consulta e asesoramento en materia de minas, a Xunta, mediante nova Lei de medidas fiscais e administrativas da Xunta que se tramita no Parlamento, pretende expulsalas definitivamente e de xeito subrepticio. 
https://www.verdegaia.org/wp/rexeitamos-tentativa-da-xunta-de-expulsar-organizacions-ecoloxistas-e-comunidades-de-montes-vecinais-do-consello-da-mineria-de-galicia/