ليلة قمر العشيره..

بظلمـة اللـيل اعـتنـتله للـشريـعـه
رادت تحشمه لگت جثـته صريعه
عباس  الحـگ لينه
حرگو خيمنه علينه ..

……………………………

بهدوة اليل .. للشـريعــه تعــنت الحــره العـقـيله
بهدوة اليل .. تخطي مابين الجثث خطوه ثجيله
بهدوة اليل .. صاحت ودمع هالهظم عالخد تسيله
بهدوة اليل .. يابـو فاضل جيـتك وعنـدك دخـيله

گـوم ياخويه بعد ماضلي خيمه
حايره بنـص البراري  ياهـظيمه
بـلايـه سـتر ضلينه
حرگو خيمنه علينه ..

……………………………

يابو فاضل .. جـيـتك ومستحـيه لا تـنـظر عباتي
يابو فاضل .. تشگگت من چنت اشاگف عن بناتي
يابو فاضل .. جيت احلفك خويه هالساعه بغلاتي
يابو فاضل .. شوفـلك چــاره الي وهـايه خـواتي

نريد خـيمه يابـو فاضل دبـر الـنه
من الركض بين الزلم خويه تعبنه
ماتت يخيّ يرجلينه
حرگو خيمنه علينه ..

……………………………

صعبه خويه .. عمري بالخمـسين  واركـض بالبراري
صعبه خويه .. واني ما شـايـف خيالي  حتى جاري
صعبه خويه .. بلا ستر اگعدي يخويه  بهل صحاري
صعبه خويه .. من بعـد چـفـك شمـر ضعـني يباري

گــوم يا عبـاس  رجـعـهـن چفـوفـك
ضعني ما يحلالي اذا ما بيه اشوفك
زحمه الشمر يحدينه
حرگـو خـيمـنه علينه ..

……………………………

گوم ليه .. ضعـنك الجـبته عگـب عـينك تطـشر
گوم ليه .. شلون المه حرمه وحدي خويه مگدر
گوم ليه .. خويه عندي ايتام ضاعو وسط هالبر
گوم ليه .. عالحـرم ذيـچ الزلـم بالسـوط تـفـتـر

بولـيت اعـداكم يبو فاضل حرمكم
وچانت ابطال العرب اتهاب اسمكم
وهيچي صفه تالينه .. ؟!
حرگـو خيمنه علينه ..

……………………………
ذاك الحسين .. شوف ابو اليمه  رميه شويه عنه
ذاك الحسين .. خويه هم تسمع اخيك عالي ونـه
ذاك الحسين .. الخـيل داسـنه يخـويه وطشرنـه
ذاك الحسين .. وذيـچ امـك وامي حضرن يلـمنه

امـك وامـي اجـنـه بهل مصيبه
جثـته شافنها عريانه وخضيـبه
شويه ويمـرن بـينه
حرگو خيمنه علينه ..

……………………………
اگعد وشوف .. خويه اجت يمهن بعد ذيچه رقيه
اگعد وشوف .. تركـض وبين الجـثث تعـثر خطيه
اگعد وشوف .. بـيا وضع شبگـنـها امـك والزچـيه
اگعد وشوف .. التـمن يسـون على الضامي عزيه

خويه گوم امشينه يمهن نبچي ونوح
نصيح ياويلي على العـطشان مذبوح
وتصرخ تجينه اسكينه
حرگـو خـيمـنه علـينه

الشاعر عقيل الحسناوي..

بسم الله الرحمن الرحيم

بمناسبه ذكرى شهاده مولانا الامام موسى ابن جعفر ع تم نشر اكثر من 400 من القصايد الخاصه بهذه الذكرى على الرابط التالي

https://t.me/+-3msO083Nvg1MTMx

بسم الله الرحمن الرحيم

بمناسبه ذكرى شهاده مولانا الامام موسى ابن جعفر ع سيتم نشر القصايد الخاصه بهذه الذكرى على الرابط التالي

https://t.me/+-3msO083Nvg1MTMx

يزينب ماتت الخـوه
عبـاس انذبح تـوه
لكيته موذر وينـزف عضيــدي
شبكته وكال خويه ومات بيدي
يزينب يزينب
ــــــــــــــــــــــــــــــــــــــ
شحجيلــج يزينب يختـي مــن صاح
صحت الله اكبـــــــــر
تهت صارت ركضتي لصوب الخيـام
مـــو صوب المعسكر
مشــدوه وكضيت الــدرب طيحـــات
اكـــومن وارجع اعثر
يــزينب من لفـــاني مصاب عبــاس
هــان مصـاب الاكبــر

يـزينب يــوجع مصابه
اكلف من علي صوابه
التمن فركته وفركت وليـــدي
شبكته وكال خويه ومات بيدي
ــــــــــــــــــــــــــــــــــــــ
همت ماادري درب المشرعة منين
كمت بالوادم انشــد
كالــــولي الــدرب منــــــا يالحسين
جنـك مـــــاتــوجـــــد
خلٌـص حيلي وانــه ببــاب الخيـــام
اكومن وارجع اكعــد
شيوصلني يمه وظهري مكسور
عليــه الــدرب يبعـــد

يـزينب مـــــن طفت عينه
طفه الحيل من ابو سكينه
نزف دمه ونشف دمي بوريدي
شبكَته وكال خويه ومات بيدي
ــــــــــــــــــــــــــــــــــــــ
وصلته بيا علي ويافاطمة وريت
يزينب ماوصلته
شفت دم وسهام ووصل ع الكاع
مو عباس شفته
لا تذبحنــي لمن يــــوصل حسين
كــالاها وسمعته
كتله انه الحسين وطحت فــوكـاه
يــاخويه وشبكته

يزينب ميت احسنلي
ولا هيج اسمع يكَلــي
ذيج الساعة صار الموت عيدي
شبكته وكال خوية ومات بيدي
ــــــــــــــــــــــــــــــــــــــ
جان يكوملي منبعيد اذا جيت
هيـــج وصيــــة امه
اول مرة هيج يسوي عبــاس
نــايم وانــــه يمــــه
مكطع والسيوف تكسرت بيـه
حيـــــرة منين الزمه
كلمــا ادير اديه وانحني عليه
تجي بجرحه وتلجمـه

يزينب حالتـــه تبجــي
شبكته وماكدر يحجي
بالغربة وكَطع بيه وحِيدي
شبكته وكَال خويه ومات بيدي
ــــــــــــــــــــــــــــــــــــــ
وكفته عليــــه وكفت فــــاكد حزام
حنيت قوس محني
لكيته وجفــــه مبتــور منالزنـــود
شبكته وماشبكنـي
تمدتت اعلى طوله وصحت ياريت
ذبــــاحك ذبحنــي
محسب كلت اموتن كبل عبـــــاس
ســواها وسبكني

كبل من اگصد لشوفه
يجيني مشرع چفوفه
يشبكني ويدير ايده اعلى جيدي
شبكته وكال خويه ومات بيدي
ــــــــــــــــــــــــــــــــــــــ
ميت كَبـلك ولاشــــوفك تلــــوج
المن طـال عمـــري
تــره كلهم الماتو كبلك اعـــزاز
بس ماحنـو ظهري
وحكَك من كلتلي ادركني يحسين
شيبت اعلى كبري
اجيتك وشكثر لاكونــي شمــات
ارد شلون مـدري

گلي شلون ارد وحـدي
محني ودمعتي بخدي
شلون اصبر واكل للروح هيدي
شبكته وكال خويه ومات بيدي
ــــــــــــــــــــــــــــــــــــــ
يزينب ماتت الخوة ويه عبــــاس
اخونه الماكو منه
غمض عينه وانه وياج يام عون
فــاركنه المحنــه
حكي من ارد اونن على العباس
يستـــاهل الونه
يعلـــويات شدن للسبي حزام
مشه كافل ضعنه

تعالــن هلــن الدمعـــه
على العباس خل ننعه
يختي وبالونين اعليه زيدي
شبكته وكال خويه ومات بيدي

رائد الناشي

اللهم عَجِّل لوليك الفرج

يابو فاضل يابو فاضل يابو فاضل
ـــــــــــــــــــــــــــ

ياولينه ياولينه
من غبت وليه ولونه يابو فاضل
.. ياولينه
حرگو اخيــام المحنه والمنــازل 
.. رد علينه
نسوه وبنص الغرايب ماكو كافل
.. يحدي بينه
حظرو نوگ الهزيله ابلا محامل
.. ونسبينه

من طحت ركضو علّي
وشدو احبــــال ابأدي
أرجع اورجع جمعهم
حشمت وينك ياخيي

يابو فاضل يابو فاضل يابو فاضل
ـــــــــــــــــــــــــــ
ياهظيمه ياهظيمه
شدو احبال ابأدينه أو شتمونه
.. ياهضيمه
ازلام هاشم كلها نومه مايجونه
..  ياحريمه
بصحره ماكو افياي نكعد تعبونه
.. ماكو شيمه
زحمه نتراكض تره احنه وركضونه
.. أشكد عظيمه

أسياطهم شمسويه بينه
تمرجلو عگبك علينه
تنظرب كلمن تندبك
واحنه نسوان اشبدينه

يابو فاضل يابو فاضل يابو فاضل
ـــــــــــــــــــــــــــ
والله صعبه   والله صعبه

ضعني مدري الوين رايح بيه يحدي
.. اوين دربه
اربع افحول احرسوني وهسه وحدي
.. والله صعبه
انذبحو أخواني سويه وحتئ ولدي
.. وعيني تربه
أدري شمتاني يگلبي ياهو عندي
.. كلها غربه

ماكو واحـد مـن هلي 
ولا غيـــور الضل الي
جان حادي اضعوني واحد
گـمر هاشــــم كـافــلي

يابو فاضل يابو فاضل يابو فاضل
ـــــــــــــــــــــــــــ
وينه وينه
أبكربله انذبحت زلمنه والنشامه
.. وينه وينه
لاكو كافل لاكو والي ولا سلامه
.. شباقي بينه
بس جثث ضلت ضحايه ياندامه
.. شلون أجينه
أشلون ارد لبيوت اهلنه والملامه
.. البالمدينه

وين ضعن الهاشميه
شرد اجاوبهم سبيه
وين اخوتج ها يزينب ؟
بكربله ضلو رميـه

يابو فاضل يابو فاضل يابو فاضل
ـــــــــــــــــــــــــــ
والله حيره والله حيره
وحشه داري اخلاف اهلهه اشلون اردن
.. والله حيـره
كربله اشخليتي بيــه أوجهي المـــن
.. وين اديره
مخدرة عبـــاس انـــه أبسوك أطبن
.. تالي أسيره
أمدللات وتالي ننذل وبينه شمتن
.. ديره ديره

ياهـو يقبـــل بالجـــره
تنسـبي الهـاشــم مـره
وتدخل الديوان أميه
بـت نــبي وميســـره

يابو فاضل يابو فاضل يابو فاضل
ـــــــــــــــــــــــــــ
محمد المشعلاوي

ياماي ولاتوصل يمنه.. متهمنه عباس يهمنه
………
خل يرجع سالم لخيامه
ولاظربه تتلگه الهامه
عباس المافل احزامه
يبارينه ويحرسها اخيمنه
…… .
عباس الغيره المشهوده
خاف اطيح هناكه ازنوده
نتنومس كل احنه بزوده
وبشوفه مايكبر همنه
…… ..
تستاهل أمه النشميه
من يسموها العلويه
منگول اعليها البدويه
مخلوطه ويانه ابدمنه
…… ..
عباس وأمه المعروفه
والوالد خيال الكوفه
قربان ايقدمها اچفوفه
لاتبقه يسره ولايمنه
……
منريد الماي ونحتاجه
عباس الجاري وامواجه
هدم عسكرهم وافواجه
ومن زوده ابزود تحزمنه
…… ..
نشرب من جوده وافعاله
مايخلص مايه وشلاله
عباس العاشر وهلاله
وبهيبة صولاته لمنه
…… ..
علي الحاج الصبيحاوي

رئسية عزاء
لسان حال مولاتي زينب عند رجوع الأمام الحسين عليه السلام من مصرع الأمام العباس عليه السلام

من رجعتك گلبي إلجم يالمنحني شيب وألم
ماشفته شيال العلم يحسين وياك
==========
يحسين عيني اعل الدرب منتظره منك بس خبر
بعيوني شاطئ المنرسم وبگلبي لاچمني النهر
دورت اخوي بخاطري لاگيتك بكسرة ظهر
دموعك تجاوب موحجي عالشاطي مذبوح الگمر

رديت الي محني وتون. ومشيبة ارموش الجفن
زينب تواسيك بحزن. يحسين وياك
==========
اتشابگنه روحين بجسد روحك تصبر ابروحي
تجرحها روحك ونتي بس اشبديه لنوحي
ممكن يشح دمع الجفن بس اشيخلص اجروحي
من ايدي ضيعت الكمر عيني وتصد مذبوحي

ياخويه ظليت انتظر. دَلالّيْ نار وتستعر
گلبي إلچم ظل منكسر. يحسين وياك
==========
لخيمة کفيلي من رحت عامود بيدك طَيَحتْ
عگب الكمر يابو علي ياخويه والله تحيرت
حاچيتك بكلمة گلب بس انت خويه مسمعت
واركض وراك من التعب ياخويه تدري اتعثرت

لا لا تطيح خيمته. ذبحتني خويه فرگته
تكتل كفيلي طيحته. يحسين وياك
=========
لظهرك صفت عيني تصد محني واشوفك منكسر
ذبلان من كد البچي وإدموعك أينزلن حمر
فكد الكمر كلش كلف راواك نجمات الظهر
اليفگد اخييه ينهظم والباري ينطيه الصبر

يمضيع اخوان واهل. دمعك دمه لمن نزل
من ايدي ضيعت الكفل. يحسين وياك
==========
ظلمة النهار بعازته وبعازته ظل اللوه
يالتارس اخيامي برد تارسنه امان بنينوه
خنگة أصبحت عگب الكمر مابي طعم حته الهوه
وجروحي فزن كل جرح ينزف يدور عالدوه

جرح ويفزز بالجرح. ياهوَ بينه المنذبح
گلبي اوي راسك عالرمح. يحسين وياك
==========
تمت ولله الحمد المقصر مع الحسين
✍ علي النائلي

متعوده كل ساعه التفت ولكاك يم الخيمه
عباس كلش طولت وبروحي صارت هيمه
مالايك اعليه الهجر مشتاكه الك خويه شكثر
*
يل أسست معنى الوفه وبحسين عمرك هايم(1)
منتضره ماطب للخيم اله انته ترجع سالم
مهضومه مومن العطش يهضمني حجي الوادم
كالولي بس ماصدكت عل مشرعه تظل نايم
موكتلي راح نظل عمر مشتاكه الك خويه شكثر

حسيت ماترجع بعد من راح شوف الرايه(2)
وتلبس بروحي الحزن وتعده حزني اولايه
حفاي نركض والحچي يأذيك خاف اهوايه
ماطول وراح اختصر برجلينه كم سلايه
كل هذه وانه ابقه انتضر مشتاكه الك خويه شكثر

كلبت عباتي من الشمس والعطش غير لوني
محضرين اشوفنهم هزل عباس لايسبوني (3)
معقوله تراضها بحبل من يمك يمشوني
والسوط يطبع ع المتن جدامك يطكوني
مابيه بس وشلت صبر مشتاكه الك خويه شكثر

حرمه وتولتني الزلم من كل كتر ياباالفضل(4)
ورقيه تمشي وتنهطر بچفوفها مچلب الحبل
والتتعب وماتستمر يولونها سياط وسحل
غثاني من صاح الشمرودعي الكمر من ع الهزل
لاخيمه عدنه ولاستر مشتاكه الك خويه شكثر

استوطن بروحي العطش خويه وصرت ذبلانه (5)
كل ساعه اعاين حالتي معقوله زينب انه
تعبانه مابيه التفت من الركض تعبانه
ومتوني من كثر الضرب عباس شو خدرانه
بيد الشمر صار الامر مشتاكه الك خويه شكثر

(عاشق الامام العباس حسين حميد)

نسألكم الدعاء