Targetologlarning asosiy xatosi yohud arzon lidlar har doim ham foydali emas!

Bugungi kunda ko‘plab targetologlar o‘z ishining samaradorligini faqatgina arzon lidlar yoki kliklar orqali baholashadi. Lid qancha arzon tushsa, kompaniya yaxshi deb o‘ylashadi. Lekin bu yondashuv har doim to‘g‘ri bo‘lavermaydi.

Nega? Chunki marketingning asosiy maqsadi nafaqat lid yig‘ish, balki real mijozlar orttirishdir. Bu esa faqat raqamlar bilan emas, balki tahlil bilan aniqlanadi.

Xato nimada?
Faqat lid narxiga e’tibor qaratish – eng keng tarqalgan xatolardan biri. Tasavvur qiling, siz ikki xil auditoriya bilan reklama yurityapsiz:

Auditoriya A: Har bir lid $1 dan tushmoqda.
Auditoriya B: Har bir lid $2 dan tushmoqda.

Ko‘pchilik targetologlar $1 dan tushayotgan lidlarni ko‘rib, "Men samarali ishlayapman!" deb o‘ylaydi va boshqa auditoriyani o‘chirib qo‘yadi. Lekin aslida, bu qaror biznes uchun zararli bo‘lishi mumkin.

Natijalarga e’tibor bering
Keling, raqamlarni ko‘rib chiqamiz:

Auditoriya A:
$1 dan 100 ta lid → Faqat 5 tasi mahsulot sotib oladi.
Sotuvga aylanish darajasi: 5%

Auditoriya B:
$2 dan 50 ta lid → 20 tasi mahsulot sotib oladi.
Sotuvga aylanish darajasi: 40%

Ko‘rinib turibdiki, Auditoriya B qimmatroq lidlarga ega bo‘lsa ham, real natijalar va sotuvlarda samaraliroq.

Tahlil qilmasdan xulosa qilmang.
Har bir auditoriyaning sotuvga aylanish ko‘rsatkichini tahlil qiling.

ROI ga e’tibor bering.
Reklamaning natijasi faqat arzon lid emas, balki biznes uchun foyda keltiradigan sotuvlarda.

Auditoriyani sinab ko‘ring.
Har bir segment uchun testoviy reklama tayyorlang va qaysi biri sotuvda yaxshiroq ishlayotganini aniqlang.

P.s: Agar siz arzon lidlarning orqasidan quvmasdan, sotuvga real e’tibor qaratadigan bo‘lsangiz, biznes egalarining ishonchiga erishasiz. Bu sizni nafaqat yaxshi targetolog, balki ishonchli biznes sherik ham qilishi ham mumkin:)
Sizningcha, lid narxi qanchalik muhim? Bu borada qanday tajribangiz bor? Fikrlaringizni yozib qoldiring!

@ismoilbekblog

Shoshmang! Branding qilmoqchi boʻlsangiz, avval bu videoni koʻring.