‏مُرعب كيف أن الإنسان يدخل في دوامة برامج التواصل الاجتماعي، ويعيش في عشوائية المعلومات ومقاطع الفيديو القصيرة، ويقضي ساعات وساعات من يومه وحياته في عشوائيات ليس لها معنى ولا تضيف له أي شيء يُذكر، أكثر شيء نحتاجه وبشدة في وقتنا الحالي الإدراك والانتقائية، ننتقي لحياتنا الأفضل فقط.

عندك صفحة على الفيس بوك؟ عندك صفحة على الانستا؟ عندك قناة تليكرام؟
عندك واتساب؟ عندك صفحة على أي موقع؟.. تكدر من خلاله تحيي امر آل محمد ،إذا لم تستطع أحيا أمرهم بالواقع ، وعندك العذر ..فلا يحتاج جهد كبير أن تتعلم علومهم ولو قليل، وتنشر علومهم وفضائلهم ، ولم يكلف.! منشور أو منشورين تنشره بنية أحيا الأمر.. إذا احييت أمرهم فتأكد أنك احييت قلبك وفتحت أبواب الخير لنفسك..

يقول الهروي سمعت الإمام أبا الحسن علي بن موسى الرضا يقول: أحيوا أمرنا، رحم الله من أحيا أمرنا. قلت: يا بن رسول الله وكيف يحيا أمركم؟ قال: أن يتعلم علومنا ويعلمها الناس؛ فإن الناس لو علموا محاسن كلامنا لتبعونا.

وهذا لا يحتاج جهد خصوصا وأن كل ما تحتاجه متوفر ، وعلينا أن نتذكر أن قلوبنا بحاجة للاحياء لانها ميتة بالذنوب والمعاصي.

بما انهن آخر يومين بـيناير فـ اگدر اكتب هالرسالة،
وحدة من القرارات الّي چنت حابّه اتّخذها بالسنة الجديدة هو انّو اكتب حتى اخدم اهل البيت مو حتّى اكون كاتبة او لأن الكتابة تونّسني ولا حتّى احتفظ بيومياتي وذكرياتي لأ،
اكتب حتى كل كتاباتي بطريقة مُباشرة او غير مُباشرة تخدم خطّ أهل البيت عليهم افضل الصلاة والسلام.

بالبداية چان عبالي الموضوع رح يفيدني من ناحية حسنات وبالآخرة الگى جزاء هالفعل،
لكنّ خلال شهر واحد اكتشفت انّو لا حتى ع الصعيد الشخصي اكو نفع وفائدة.

انتَ من تكتب لأهل البيت ولخدمتهم،
رح تبدي تصفّي قرّائك،
مراح يقرالك غير المهتم بيهُم.
وهذا پوينت عظيم.

من تاخذ عهد وي نفسك تخصّص قلمك لأهل البيت فقط،
رح تبدي تستنكف وتستصغر فكرة انو تشارك كل يومياتك وافكارك وضوجتك وفرحك ومشاعرك وي الناس.
وهذا پوينت جدًا جدًا عظيم ويحتاجه الانسان حتى ينمو ويتطوّر وينضج.

رح تحسّ بهدوء وراحة أكثر،
تراقب نفسك اكثر،
تحسب حساب لكل حرف تريد تكتبه.
وهذا شيء اعظم ما يُمكن.🩵

"كتبت هالمسج حتى اگول لأي شخص بباله يبدي يخصّص قلمه او موهبته لأهل البيت "ع" ومتردّد:
اخطي هالخطوة،
مراح تندم عليها،
بل العكس تتمنّى لو انّك متّخذها من زمان".

منقول

• " إن لم يكُن بك عليَّ غضبٌ فلا أُبالي " .. ?

إلهـي الرّحيمُ جدًا ، الجديـرُ بكلِّ عطف ..

أعلمُ قطعـًا بأنّي قد أسرفتُ وتماديتْ ، لكن صدّقني القلبُ قلبُك ، مقـامُ تفرُّدِك فيه لا ينافسُك فيه أحد !

صحيحٌ أنّ نفسي والدنيـا تُمعنانِ في جرّي إلى هاويـة الغرور ، لكنّي لا أجدني إلاّ بك ، وحين تحاولُ الدنيـا بزينتهـا وزُخرُفها أنْ شدّي إليهـا ينقذُني شعوري بالضياع وأنـا في بعدي عنك ، فأسارعُ للاحتمـاء بك منهـا طالبًا راغبًا مرتجيًا العفو والنجـاة ..

أنا يا إلهـي طفلٌ صغيـرٌ في ساحِ رحمتك ، لا أملكُ القـوة الكافيـة لأصبح إنسانًـا كمـا تريدُه أنتْ ! أنت عُدّتي وعتادي ومأمني وملاذي ، وبكَ يشتدُّ عودي وتزكو نفسي ويطّهَّرُ فؤادي ..

أنـا ياربّ تائهٌ لولاك ، ضائعٌ دونَك ، منكسرٌ إن استوطن الجفـاء أوردة قلبي ..

إلهي الحنون .. أنا لا أبالي إن أرهقتني الدنيـا بصغائـرِ همومِهـا أو كبائِـرِها ، إنْ ضاقت الطرقـاتُ وتعرّجت المسالكُ واعوجّت السُبُل ، إنْ أُسدِلَتْ الأستـارُ وأوصِدتْ الأبوابُ وعَلَت الأسوارْ ..

إنْ اشتعلَ الرأسُ شيبًا لفرطِ الحزن ، أو مزّق الداءُ الجسد ، أو التهمَ الحزنُ القلبَ ، أو جفّتْ العينانِ وابيضّتـا ، إن شُويت الروح واكتوتْ واحترقتْ وفنيتْ وتمزّقتْ ..

كلُّ ذلك لا شيء يا إلهـي الحنون ، فبالي لا يُبالي إلا برضاكَ أنت أو غضبِك ، فأنتَ وأنتَ وأنتَ ، ولا شيء أنـا ، عدَمٌ أنـا في وجودِك يا رب الوجود ، ورضاكَ غايـة كل عبدٍ يا إلهي المعبـود ..

#مناجـاة ?

قبل كم يوم شفت حلقة من برنامج ايراني جديد،
عباره عن لقاء بين شخصين كانوا بعلاقة عاطفية سابقًا وانفصلوا وبحضور مستشار نفسي يناقشون اسباب انفصالهم وهو يقرّر انو علاقتهم ممكن ترجع وتنجح او قرار الانفصال هوَ الصح.
فـ الحلقة الي شفتها كانت لشاب عمره ٢٧ وبنت ٢٥ سنة،
اثنينهم ناجحين بمجال عملهم وشهادات حلوة ومكانة محترمة بالمجتمع ومتمكنين ماديًا واسلوبهم كذلك حلو ولطيف.
البنت هيَ الي بدأت الحوار گالت احنا كنّا بعلاقة ٣ سنوات ونصّ،
طول هالـ ٣ سنوات اني قدّمت لهلـ شخص كل الحب والاحترام وكل وقتي وتفكيري وعاطفتي و١٠٠٪ وجودي كله كان اله،
بينما بالمقابل هوَ عايش حياته تلث ارباع الوقت وي اصدقائه ويتحكم بيه بينما مايقبل اعلق ع اي شيء،
ذكرت موقف انها بـ ٢ بالليل متعارضه ومحتاجه تمر ع الطوارئ فمن عارف هو زعلان ومتجادل وياها انو شلون ترحين للطوارئ بدون ما تتصلين وتستأذنين مني،
بينما هوَ مسافر لخارج البلد وللشمال وي اصدقائه وما گايل الها،
يچيك موبايلها بس مايقبل تچيك موبايله،
حارمها من كل صديقاتها،
تگول علق ع صديقاتي وجادلهن لحد ما وحده وحده بدن يطلعن من حياتي وبقيت وحدي وبس هو بحياتي،
ومن اجي اسولف وياه او اتصل يگولي اني وي اصدقائي وماعندي وقت،
يعاملني بطريقة مو حلوة وما يقدّر وجودي بس بنفس الوقت ما يخليني التهي بأي شيء او شخص غيره لا يخليني احضر مناسبات الاهل لا احچي وي اقارب لا صديقات ولا اي شيء،
يراقبني من كل مكان ٢٤ س ويشك بيه رغم اني ممسويه اي شيء.
لحد ما حسيت بعد ما اگدر اتحمل واخذت قرار الانفصال،
طول ما هي تسولف الشاب والمستشار اثنينهم يستمعون فقط،
من اجا دور الشاب بكل برود وابتسامة وراحة يسولف گال اني كل شيء بحياتي اله مكانته قابل اضحي بصداقاتي علمودها؟
سأله المقدم زين انتَ ليش تسافر بدون متگول الها وتطلب منها تستأذنك حتى للطوارئ من تتمرض!
گال هي بنية واني رجل اكو فرق.
زين ليش تراقبها وهيچ غيور لحد الشك وياها؟
لاني احبها وما احب احد يتقربلها.
وبدا يسولف انو هو شلون يغار عليها وغيّر بلبسها وستايلها خلال سنوات ارتباطهم وانّو ما يتحمل يشوفها تشتغل وي شباب او تضحك وتسولف وي اصدقاء،
طول ما هوَ يسولف البنية مبتسمة،
فـ المقدّم گال اني ممستغرب من كلامك الي كله تناقض وعقد نفسية بگدما مستغرب انتِ ليش مبتسمة وفرحانة بهلـ غيرة عليچ!
شنو قدّملچ بهذه العلاقة حتى تفرحين من تشوفيه يغار؟
ضحكت وگالت امراض نفسية صرت اراجع طبيب نفسي من وراه،
فـ رد عليها ولهذا هيچ فرحانه وگلبچ يرفرف من تسمعيه يگول احبها واغار عليها؟
ماتخافين يرجع يعيد نفس هالاضطرابات النفسية لحياتچ؟
جاوبت بـ ما ادري.

وراها چان اكو فقرة انو كل واحد بيهم كاتب رسالة ورقية للثاني،
ويقروها گدام الكاميرا.
فـ رسالة الشاب كانت:
احبچ.
البنية لمعت عيونها لمعةة الكل يشوفها وضمت الورقة گالت اريد احتفظ بيها،
ولما اجا دور رسالة البنية كانت:
هم دخلت بعلاقة بعد انفصالنا؟
جاوب بـ : اي دخلت بعلاقة فترة وتركتها.
فـ المقدّم كان مستغرب شلون ممكن تحبها بس بأقل من ٣ اشهر انفصال تحب غيرها؟
گال هيچ للونسة لا اكثر.

بحيث المستشار ما تحمل اخر شيء گال له:
انتَ انسان غريب.
ورُغم دوم اسعى انّو ارجّع علاقة كل اثنين واسعى انو يرجع الودّ بينهم الا هالعلاقة ما ارغب انها ترجع،
انتَ ما تقدّر هالحب الي تنطيه الك هالبنت،
ولا انتِ يا انسة تقدرين كرامتچ ونفسيتچ بحيث تگدرين تحميها من سميّة هالعلاقة.
اتمنّالكم علاقتين ناجحات خارج اطار هالتجربة الي مريتوا بيها سوا.

واحسها كانت وحدة من اغرب الحوارات الي استمع الها بحياتي،
طول ما اني استمع الهم اتذكر
قول الامام علي ع:
"زهدك في راغبٍ فيك نقصان حظ
ورغبتك في زاهد فيك ذلّ نفس"
سبحان الله عبالك القول يشرح الشخصيتين.

واحسّ ايّ،
الانسان اذا ما يسيطر ع عاطفته ويوجّهها بإتجاه صحيح ويتحكم بيها،
عواقبها هي هذه انسان سام داخل حياتها مدمّرلها هالحياة ومسبب الها امراض نفسية واعتزال وضياع وفشل،
بس ستل تحتفظ بالورقة الي كاتبلها بيها احبچ،
حتى ورا ثانيتين يصدمها انّه خاينها وي بنية ثانية وانها ما تعنيله شيء..

اذا بعدچ ع مشارف او بدايات اي علاقة ما تمشي مبادئها وي مبادئ الاسلام والعزّة الي يريدها للبنية،
رجعي خطوة لورا ولا تتقدمين وتوصلين لهذه المرحلة.
الوقاية هواي اسهل من العلاج.✨

منقول

احس اقوال امير المؤمنين عبارة عن لقاء تروح تلتقي بشخص كلششش حكيم ينصحك بخصوص كلشيء،
يعني هيچ والله شيء لا يوصَف.

? من كلام لآية الله الكربلائي السيد أحمد النجفي قدس سره:

إنّ السيدة زينب عليها السلام هي عقيلةُ العرب؛ "عقيلة" من العقل، وأمير المؤمنين عليه السلام يقول: "وبالعقولِ تُعتقد معرفته". فالسيدة زينب عليها السلام حاملةُ لواءِ هذه العبارة وهذا المعنى لأنّها عقيلةُ العرب، فهي واصلةٌ إلى المعرفةِ وهي صاحبةُ هذا المقام. عندما سألها ابن زياد اللعين والخبيث من الأزل إلى الأبد شامتًا: أرأيتِ، يا ابنةَ أمير المؤمنين عليّ بن أبي طالب، ماذا فعل الله بأخيك ورجالك؟ قالت عليها السلام: "ما رأيتُ إلا جميلًا"؛ لم نرَ في هذه الحادثةِ والواقعةِ إلّا الجمال، فكلُّ ما كان، كان جميلًا! ولكن اذهبْ أنت وفكِّرْ في حالِك، أترى هذا العملَ جميلًا؟ هذه عينٌ ترى الله، وفكرٌ متوجِّهٌ إلى الله، مذ كان صاحبُهما متصلًا بالمبدأ.

?التوحيد الشهودي الولائي ص٢٣٤

#زين_ابيها

عمّةُ، أنتِ بِحمدِ اللهِ عالِمةٌ غيرُ معلَّمةٍ، وفهِمةٌ غيرُ مفهَّمةٍ.

ـــ الإمام عَلِيّ السَجَّاد عَلَيْهِ السَّلاَمُ .
ـــ بحارُ الأنوارِ للمجلسيّ ج٤٥ ص١٦٤.

بُشراكِ يا زَهْرَاء إِنَّا أعْطَيْنَاكِ زَيْنَب الحَوراء

‏ياربَّ زَينب بِحق زَينب??

لمَاذَا يَرَى الرجُلُ زَوجَتَهُ اقل جَمَالٍ مِنْ
الِاخرِيَاتُ؟

ذَهَبَ احدُهُم الَى عَالَمِ دینَ مَشهُورٌ بِالحِكمَةِ وَالتَّجرِبَةِ يَشْتَكِي وَيَقُولُ: حِينَ أَعجَبتُ بِزَوجَتِي ، كَانَت فِي نَظَرِي كَأَنَّ اللَّهَ لَمْ يَخلُقْ مِثْلَهَا فِي الْعَالَمِ !.
وَلَمَّا خَطَبتُهَا: رَأَيْتُ الكَثِيرِينَ مِثلَهَا
وَلَمَّا تَزَوَّجْتُهَا: رَأَيْتُ الْكَثِيرِينَ أَجْمَلَ مِنْهَا.
فَلَما مَضَت بِضعَةُ أَعوَامٍ عَلَى زَوَاجِنَا رَأَيتُ أَنَّ كُلَّ النِّسَاءِ أَجمَلُ مِنْ زَوجَتِي!.
فَقَالَ الْحَكِيمُ:
أَفَأُخبِرُكَ بِمَا هُوَ أَدهَى مِن ذَلِكَ وَأَمَرَ؟ قَالَ الرجُلُ: بَلَى!
فقالَ الحَكِيمُ: وَلَوْ أَنكَ تَزَوجتَ كُلَّ نِسَاءِ العَالَمِينَ لَرَأَيتَ الكِلَابَ الضالةَ فِي شَوَارِعِ الْمَنَاطِقِ الشَّعبِيَّةِ؛ أَجمَلَ مِنْ كُلِّ نِسَاءِ الْعَالَمِينَ. قَالَ الرَّجُلُ: لِمَاذَا تَقُولُ ذَلِكَ؟
فَقَالَ الْحَكِيمُ : لِأَن المُشكِلَةَ لَيسَت فِي زَوجَتِكَ المُشكِلَةِ أَنَّ الْإِنسَانَ إِذَا أُوتِيَ قَلْبًاً
طَمَاعًاً، وَبَصرًا زَائِغًا، وَخَلا مِن الحَيَاءِ مِن اللَّهِ ؛ فَإِنهُ لَا يُمكنُ أَن يَملَأَ عَينَهُ إِلا تُرَابَ مَقبَرَتِهِ؛ يَا رَجُلُ ! مُشكِلَتكَ أَنكَ لَا تَغُض بَصَرَكَ عَما حرم اللهُ..