• Дурдона

Уланиш учун: https://t.me/ijod_bustoni

*** Оила даврасида ўқиб беринг

ҲАҚИҚИЙ ДЎСТ**Қонли уруш даври эди. Бир аскар дўстининг ҳалокат ичида қолганини кўрди. Улар гўё олов ёмғири остида қолган эдилар. Аскар югуриб бориб командирига:
– Ўртоқ командир, бориб дўстимни олиб келсам майлими? – деди.
“Жинни бўлдингми?” дегандай қаради командир.
– Борганинг билан унга ёрдам бера олмайсан. Дўстинг аллақачон илма-тешик бўлиб кетган. Беҳуда ҳаётингни хатарга қўйма.
Аммо аскар қайта-қайта илтимос қилгач, ноилож: – Майли, бора қол, – деб рухсат берди.
Ишониш қийин, гўё бир мўъжиза рўй берган эди. Аскар селдек ёғаётган олов ичига кириб кетди. Жангоҳдан дўстини излаб топди. Уни кўтариб олди ва чопиб орқасига қайтди. Биргаликда хавфсизроқ жойга ўтишди. Командир қонга беланган ярадорни муолажа қиларкан, уни олиб келган аскарга қараб:
– Сенга ҳаётингни хатарга қўйма, арзимайди, демаганмидим. Дўстинг ўлибди, – деди.
– Йўқ, ўртоқ командир. Менинг борганим арзиди, – деди аскар дадил.
– Қанақасига арзиди? Бу одамнинг жони узилибди-ку, ахир?
– Ҳа, лекин барибир арзиди. Чунки мен ёнига борганимда, у ҳали тирик эди. Унинг охирги сўзларини эшитиш мен учун катта шараф эди...
Шундан сўнг аскар дўстининг охирги сўзларини бақирганча такрорлади:
– Келишингни билар эдим!!!

Уланиш учун: https://t.me/ijod_bustoni

*** Фарзандингизга ўқиб беринг

БУ КИМНИНГ ЮРАГИ?..**Бир бола қоронғуда юрганида, юмшоқ нарсага қоқилиб кетди. Оёқлари остида юрак бор эди... У тирик ва қонаётган, дук-дук этиб урар ва иссиққина эди.
Бола қўлига ёпишиб олган юракдан қутулмоқчи бўлди. Бир муддатдан сўнг тинчланиб, юракнинг эгасини топиш учун яқиндаги уй эшигини тақиллатди ва занжир оралиғидан қараётган қиздан:
– Бу сизнинг юрагингизми? – деб сўради
Қиз уялиб:
– Мен юрагимни уч ой олдин бир вафосизга ўғирлатганман, – деди. – Қўшни уйдан сўранг, балки уларникидир.
Қиз кўрсатган уй ҳашаматли эди. Эшикни очган хизматкорлар уни юқори қаватга чиқариб, уй соҳибининг ёнига олиб бордилар. Бола юмшоққина гилам устига томаётган қонни оёғи билан ёпишга ҳаракат қилаётганида, уй соҳиби келди. Бола:
– Бу юрак сизники эмасми, мободо? – деб сўради. – Ҳалиям дукиллаяпти...
Уй соҳиби ялт-юлт этиб порлаётган қадаҳдаги ичимликдан бир қултум ичиб:
– Мен юрагимни дунёга сотдим, оғайни, – деди. – Қўшни уйда кекса бир одам бор, балки у билар...
Бола совий бошлаган ва дукиллаши сустлашган юракни кулбадаги қарияга олиб борди:
– Бу сизникими? – деб сўради. – Тез бўлинг ҳозир тўхтаб қолади.
Қария ўқиётган китобини секингина ёпиб:
– Мен юрагимни ҳамма нарсам билан Аллоҳга бердим, болам, – деди кулимсираб. – Қўлингдагининг эгасини нега ота-онангдан сўрамаяпсан?
– Икковлари ҳам қаридилар, – нолиди бола. – Чақалоққа ўхшаб хархаша қилганлари учун уч кун олдин уришиб, уларни тарк этдим.
Кекса одам хафа бўлди:
– Тарк этдингми..?! Демак, тарк этдинг...
Бола лоқайд кўринаётганди. Ҳолбуки, кекса одам ўзи кутган жавобни олганди. Болага томон шахдам қадам ташлади ва икки қўли билан унинг кўйлагини йиртиб, кўксини очди.
Боланинг чап кўксида қўлларида ушлаб турган юрак катталигидаги қонли бўшлиқ бор эди...

Уланиш учун: https://t.me/ijod_bustoni

Уюшма аъзоси Абдунаби Ҳамронинг шоир, таржимон ва адабиётшунос Абдуҳамид Парданинг "Муножот" манзумаси ҳақидаги кичик тадқиқоти "Маърифат" газетасида эълон қилинди.

Уланиш учун: https://t.me/ijod_bustoni

Кўзимнинг ёшларини жоним-ла арта-арта,
Бахтлиман деб ҳаммага, ўзимга қайта-қайта,
“Чўли ироқ”ни тинглаб, "Сегоҳ"ни айта-айта,
Дадамнинг ёшларига етиб келибман, шукр.

Булутли кунлар ичра яшнаб турдим қуёшдай,
Чайирландим, турдим гоҳ тоққа монанд бардошдай,
Дарёдай тўлиб кетдим, тўкилдим гоҳ кўз ёшдай,
Дадамнинг ёшларига етиб келибман, шукр.

Мен суҳбатин истасам, кибрланди суҳбатдош,
Сиқимлаган ошимга риё келиб солди тош,
Ҳали-ҳануз боламан, эртак тинглаб кўзда ёш,
Дадамнинг ёшларига етиб келибман, шукр.

Устозларим, улуғлар, шогирд дедилар, қуллуқ,
Бугун устозман, эвоҳ, устоз тасаллиси йўқ,
Имон – кўксимда ёнган, кафтимда тутганим чўғ,
Дадамнинг ёшларига етиб келибман, шукр...

Лайло ШАРИПОВА

11.11.24.

Уланиш учун: https://t.me/ijod_bustoni

Аудио ҳикоя

***Ёзувчи Шодиқул Ҳамронинг "Суратдаги аёл" ҳикояси.

Ҳикояни журналист Шоира Умрзоқова ўқиди.***
Уланиш учун: https://t.me/ijod_bustoni

KETDING, DUK-DUK URADI YURAK
Isteʼdodli shoir Mansur Jumayev xotirasiga

Boshi g‘amdan egilib qoldi
Qora bulut ortida quyosh.
Erta so‘lgan bir gulni yo‘qlab,
Osmon tinmay to‘kadi ko‘z yosh.
Mansur...
Mansur...

Soat yig‘lar:
— Tong otdi, axir,
Uyqudan tur, uydan chiq-chiq-chiq.
Yomg‘ir, yomg‘ir — izillar tomchi,
Derazangni qoqar tiq-tiq-tiq.
Mansur...
Mansur...

Ketding.
Duk-duk uradi yurak,
Yurak dunyo eshigin qoqar.
Oltinchi uy bo‘ynini cho‘zib,
Qashqadaryo yo‘liga boqar.
Mansur...
Mansur...

Rustam Musurmon,
O‘zbekiston da xizmat ko‘rsatgan madaniyat xodimi,
Qoraqalpog‘iston xalq shoiri

**"Шарқ юлдузи" журналининг 2024 йилги 6-сони мутолаа учун ҳавола қилинади.

Уланиш учун:** https://t.me/ijod_bustoni

Иқрор* ҲАЙКАЛ

Жажжи ҳикоя**
Бухорода қадим иморатлар кўп. Бу кўҳна шаҳар кўчаларида хаёлчан кезарканман, бир тўда сайёҳлар боши булутга чулғанган минорага қараб туришганини кўрдим. Уларга кекса бир илмий ходим минора тарихини тушунтиряпти. Қулоқ солдим.
— Минг йил бўлган бу миноранинг қурилганига.
Сайёҳлар ҳайрат билан ёқаларини ушлашди.
Мен бу хил ёдгорликларни кўп кўрганман. Арманистондаги тўрт минг йиллик Двин харобалари, Кегарт қалъаларини, неча минг йиллар муқаддам ёзилиб, бизга етиб келгунча тошга айланган китобларни кўрганман. Шуларни одам яратган, уларда одам қўлининг изи бор.
Бухоро кўчаларида кезарканман, жуда кўп хотиралар хаёлимдан ўтади. Асрлар қаърида қолиб кетган жангу жадалларни кўргандек, қилич-қалқонларнинг жарангини эшитгандек бўламан.
Буларнинг барини тарих шамоллари учириб кетди. Одамларнинг хотиридан юлиб кетди. Аммо кўҳна деворда қолган беш бармоқ изи ҳали ҳам кўриниб турибди. Бу минг йиллар қаърида йўқ бўлиб кетган одам қўлининг изи. Шу азамат бинога ғишт терган меъмор қўлининг изи.
Одам қўлигина одамга абадий ҳайкал қўйишига ана ўшанда ишонганман.

Саид АҲМАД,
Ўзбекистон Қаҳрамони

Уланиш учун: https://t.me/ijod_bustoni

Уланиш учун: https://t.me/ijod_bustoni