اني وانتَ
وما عَليّ بالعالمين
الشرگت والغربت بينا الدروب

النده المايفتهم يوگع بصف الماي
واليندل مكانه يطيح على الوردة.

انت هاون ذكرى باقي من الحصار
يونس التعبان صوتك من يدك
وخاف اغثك يوم والله عليك اغار
وتدري ناس اليوم ما تستر تشك
انت ضحكه فرحه بحلوك الصغار
وگلها چذبه بعمري بس انت الصدك

أدري بيك تحَبني
ما داعي الكلام
وأدري بدمُوعك صدُك تبچيلي
ومِن تجيلي لا تكلمنيّ بغَرام
وعفيه عوف
الشوگ لا تحچيلي
اني ليلي بلايه واهِس ما أنام
شلون لو صرت أنتَ
واهس ليلي ..

يا روح الگلب
يا عزّة الروح
يا دمعاتنا وهمنا وسهرنا
يا أول عهد يا تالي الايام
يا لعب صبانة يا شيبة كبرنا
منين نجيب مثلك حتى ننساك!
ومنو المثلَك يعوضك لو خِسرنا
الشبه كل أربعين .. حچاية تنگال
ولو واحد يِصحْ چان إنتظرنا

يالمعلمني احب ذاتي
جيتك احلى شي
بالدنيا صار وياي
تعويض لخساراتي .

بلكي نكبر حزن
واحد
ومايشخبطنه الحزن
بين السنين
ولا لگينه ارواحنه
بديرة نفاه
ولا لگينه
ارواحنه ويا التايهين
الوكت كلش مو حنين

يالمعوضني كُل تعبي
شجازي عُيونك الحلوة ؟
شجازي الگبل لا أعثر
يگلي أندارلك فدوة ..

واذا شَح الوصِل مَتشح الطيّوف
نسد عيونّنا وبـ احلامنا نشوفك

يبياع الجَرايد للبَدو شوداك
لاواحَد قُراك ولافهَم معناك !