لا عاد تحرص علي أكثر من اللازم
‏الحرص دايم على الحاجة يضيّعها

ما أحب غير أنت و إن عيا عليك النصيب
‏عييت عن زينة الدنيا و مشهاتها

تحريتك على رجوى وصالٍ ما بعده غياب
و تمنيتك و أنا حزني عليك أكبر من الجيّه

تراودني تعاليل المحبه و الشعور أسراب
و أغض البال لامني سرحت و قلت ناسيه

سجنت الروح في صدري و حلفت إنا نعيش
أغراب حلاة الصبر لامنك فقدت شوي حريه

على هون اليدين اللي على جرحي تطق الباب
و أنا بابي ذرى عابر سبيل و صوت طرقيه

إلا يا خفوقٍ ينزف حنين و ما حسبت حساب
و الا يا عرق لا تشره علي إن زادت الكيه

حملت الظن لين أبعد حميدات الظنون و خاب
و رجعت و ما بقى غير السلامّ و طيب النيه

أنا مالي محل الا على الذكرى و على الإعراب
و قصيدٍ لو ضحك نصه .. بكى نصه علانيه

تبي تلقى أحد مثلي و لكن ويش جاب لجاب ؟
و أنا ضلعيَ يميل أكثر وداد و عشق و حميا

عرفتك في بدايات القلق ، والخوف ، والتفكير
‏وبداياتي معك كانت بدايه " توجع دروبي "

‏عشقتك بـ إندفاع وجيت لك كلي بلا تأخير
‏أخاف الوقت يبهت في لقانا لهفتك صوبي

‏أرتب بالقصايد قلبي اللي خانه التعبير
‏يبي يوصف من إحساسه بعض شفي ومطلوبي

‏أمان الله على قلبٍ لقى بك قسوة التهجير
‏ولا هو قد شكى ظلمٍ يفتّق لوعة ثقوبي

‏ومدام أن الجرح في داخلي يحتاج له تطهير ؟
‏ما أبي منك الضماد اللي يطهّر كثرة ندوبي

‏رح بحالك ، وأنا بحالي مدامك للفراق تشير
‏مصير الوقت ينسيني منى قلبي ومرغوبي

‏معك طال الغياب اللي عليه أرهقني التبذير
‏ولاني عدت محبوبك ، ولا عادك بـ محبوبي

‏بتلقاني بكل مفرق طريق وفي يديني الغير
‏بتعرف قيمتي والله .. وتفقد أصغر عيوبي

‏تذكر قلبي اللي ممتلي صدق ، ونقى وتقدير
‏وتذكرني ليا هب الشمال ولاحت هبوبي

‏فمان الله ووجهك مثل قلبك ممتلي تقصير
‏سمحت من الهوى لأني بـ كفّر باقي ذنوبي

‏أبنسى باقي جروحك وأبلقى في غيابك خير
‏وأبحيي غصني الضامي وأبدّل بالهوى ثوبي

الحزن ضيف ..
و أنا هاجري !

وقفت وحدي في أيامٍ لا يتجاوزها المرء إلا جماعة

أحس بوحدة ؛ و فارق عمري كبير بيني و بين أبناء جيلي حتى مراهقتي عشتها بطريقة ناضجة
أنا دائما أكبر مني ..

‏لبست ثوب من القسى ما لاق بي
و هو عارفني أقسى إنفعالاتي بكاي

ياللي على شان معكازي تبين لي
رجلي على حالها و أنا على حالي
و الكسر ما هوب في رجلي علي كلي
و أنت السبب في الغرابيل أول و تالي
تكفي مراسيلنا العجلات يا خلي
عن مخذّ الأخبار و لا شوف الأزوالي
قلبي و قلبك توصل لك و ترسل لي
والله أنها أشد من موجات الأرسالي
ردٍ سلامي عليك و جن و قالٍ لي
أنك ترحب و أنا في خاطرك غالي
ليت الغرابيل جتني من عدوٍ لي
إن ما تقاضيت و لا بيتقاضى لي
لكن من واحدٍ ذكره غناةٍ لي
ما زلت أحبه و بحبه و لا أبالي
لامر طرّق بخدراته سلام لي
كنه يسلم علي بصوته العالي
خلوني أسج عن موضوعه أحسن لي
و الا الغلا .. والله ان يبطي و هو غالي