албатта, намоз мўминларга вақти тайин фарз бўлгандир” (Нисо сураси 103-оят)

2024-йил 20- Декабр куни учун намоз вақтлари тақвими (Сурхондарё вақти билан)

🕔Бомдод 06:50
🕑Пешин 13:05
🕒Аср 15:40
🕓Шом 17:20
🕖Хуфтон 18:45

Каналга аъзо бўлинг!
👇👇
@Surxonmuxlis.uz✅

🌙 Ким Қаҳф сурасини жума куни қироат қилса...

Абу Саъид розияллоҳу анҳудан ривоят қилинади. Расулуллоҳ соллаллоҳу алайҳи васаллам: "Ким Қаҳф сурасини жума куни қироат қилса, унга икки жума орасича нур зиё сочади", дедилар.
———
▶️ Каҳф сураси📀 Абдулбасит Абдуссомад роҳимаҳуллоҳ
#Қуръон
@Surxonmuxlis.uz

#Дуо
ОФИЯТ СЎРАШ УЧУН
ЎҚИЛАДИГАН ДУО

اللَّهُمَّ إِنِّي أَسْأَلُكَ الْعَافِيَةَ فِي الدُّنْيَا وَالْآخِرَةَ. اللَّهُمَّ أَسْأَلُكَ الْعَفْوَ وَالْعَافِيَةَ فِي دِيْنِي وَدُنْيَا وَأَهْلِي وَمَالِي. اللَّهُمَّ اسْتُرْ عَوْرَاتِي وَآمِنْ رَوْعَاتِي. اللَّهُمَّ احْفَظْنِي مِنْ بَيْنِ يَدَيَّ وَمِنْ خَلْفِي وَعَنْ يَمِنِي وَعَنْ شِمَالِي وَمِنْ فَوْقِي وَأَعُوذُ بِعَظَمَتِكَ أَنْ أَغْتَالَ مِنْ تَحْتِي.

Ўқилиши: “Аллоҳумма инний ас‘алукал ъаафията фид дунйаа вал-аахироҳ. Аллоҳумма ас‘алукал-ъафва валъафийата фий дийний ваддунйаа ва аҳлий ва маалий. Аллоҳуммастур аврооти ва аамин ровъаати. Аллоҳуммаҳфаз-ний мин байни ядаййа ва мин холфий ва ан йаминий ва ан шимаалий ва минн фавқий. Ва аъуузубика биъазаматика ан ағтаала мин таҳтий”.

Маъноси: “Ё Аллоҳим! Мен Сендан дунё ва охиратда офият-тинчлик, омонлик сўрайман. Ё Аллоҳим! Мен Сендан афв қилишингни, диним, дунёим ва аҳли-оилам ҳамда молим борасида офият-тинчлик, омонлик беришингни сўрайман. Ё Аллоҳим! Менинг камчилик ва айб-нуқсонларимни беркит, хавф-хатарларимни омонлик, тинчликка айлантир. Ё Аллоҳим! Менинг олдимдан, орқамдан, ўнг томонимдан, чап томонимдан ва устимдан муҳофаза айла. Остимдан хиёнатга йўлиқишимдан Сенинг азаматинг билан паноҳ тиламан”.

@Surxonmuxlis.uz

Қаҳр-ғазаб, нафрат, жаҳолат вужудни ич-ичидан емиради. У, ғазабингизни бировга сочиб, кўнглингизни бўшатиб олганингизда ҳам, ақлдан озишга, пай чўзилишига, буйракларда тош йиғилишига, никрисга, жигар касалликларига мубтало қилади. Ранж-алам танани кемиради, зарарли шиш ўсишига олиб келади. Ўзини айбдор ҳис қилиш ҳар қандай оғриқларни, алкоголизмни, аллергияларни қўзғатади. Инжиқлик, тирноқ остидан кир қидириш, заҳархандалик, киноя, ҳамма нарсага шубҳа билан қараш бод хасталикларини пайдо қилади. Ҳаётдаги воқеа-ҳодисалар олдида қўрқувга тушиш мушаклар тиришиши билан боғлиқ оғриқлар, яралар, диққинафаслик, камқонлик, ҳафсаласизлик, шоллик, кўричак, фригидликни келтириб чиқаради. Ҳамма муаммоларимизнинг боши дунёқарашимизда, ўз-ўзимизга нисбатан нотўғри муносабатимизда. Ҳолбуки, шифобахш малҳам ўзимизда бор. Бу муаммоларни ақл-тафаккуримиз билан ҳал этиб, ҳаётга нотўғри қарашларимизни ўзгартириш орқали саломатликка эришсак бўлади.

«Бахтли ҳаёт сари» китобидан.
@Surxonmuxlis_uz

Oйнинг ўн еттинчи ёки ўн тўққизинчи, ёки йигирма биринчи кунлари қон олдириш.

Қон олдиришни ирода қилган киши ҳилол ойининг ўн еттинчи ёки ўн тўққизинчи ёки йигирма биринчи кунлари қон олдирсин.

Ибн Аббос розияллоҳу анҳудан ривоят қилинади: «У: «Расулуллоҳ соллаллоҳу алайҳи васаллам (ойнинг) ўн еттинчи ёки ўн тўққизинчи, ёки йигирма биринчи кунлари қон олдирар эдилар», деб айтди» (Термизий ва Ибн Ҳиббон ривоят қилишган).

Мазкур ҳадиси шарифдан қон олдиришнинг ҳам махсус замони борлиги маълум бўлади. Албатта, ана шу махсус замонни билиб, тиб илмидан хабардор кишидан ўрганиб қон олинса, фойда беради. Қон олинадиган маълум ўринлар ҳам бор. Шунингдек, қон олдириш фойда берадиган ва фойда бермайдиган, балки зарар берадиган касалликлар ҳам борки, уларнинг ҳаммасини билиб, ўрганиб даволаниш лозим бўлади.

“Ислом одоблари энциклопедияси”дан.
@Surxonmuxlis_uz

ИЛОҲИЙ ҲИКМАТ

Абдуллоҳ ибн Муғаффалдан, розияллоҳу анҳу: "Бир аёл жоҳилият даврида ёмон йўлда эди. Бир одам унинг ёнидан ўтаркан, шилқимлик қилди. Аёл:
- Мени ўз ҳолимга қўй. Аллоҳ субҳанаҳу ва таоло барча ифлосликлар билан бирга бутпарастликни ҳам бекор қилиб, Ислом динини нозил этди, - деди у.

Бу гапдан сўнг ҳалиги одам аёлдан узоқ кетса ҳамки, кўзларини ундан узмай борар эди. Ниҳоят, юзи билан бир деворга урилди. Сўнг воқеани бориб Пайғамбаримиз соллаллоҳу алайҳи васалламга айтди. Пайғамбаримиз соллаллоҳу алайҳи васаллам унга:
- Сен Аллоҳ таоло яхшилик истаган банда экансан. Зеро, Аллоҳ таоло бир қулига яхшилик ирода қилса, содир этган гуноҳи учун дарҳол уни жазолайди ва бирор бандасига ёмонлик истаса, унга қиёмат куни жазо бериш мақсадида, гуноҳларида давом этиш имконини беради", - дедилар.

"Ғам-қайғусиз яшай десангиз (ўксинма)" китобидан.
@Surxonmuxlis.uz

САЙЙИДИНГ БИЛАН УЧРАШИШ ЎЗ ҚЎЛИНГДА

Саййидинг билан учрашиш ўзингнинг қўлингда экани сенга иззат ва шараф учун кифоя қилади. Таҳорат оласану, учрашишни ният қилиб "Аллоҳу акбар" десанг, Аллоҳ азза ва жалла билан бирга бўласан. Бу учрашувда учрашув жойи, учрашув вақти, учрашувнинг қанча вақт давом этишини сен белгилайсан. Учрашув мавзусини ҳам сен танлайсан. Қачон ўзинг хоҳлаб учрашувни якунламагунингча Роббинг ҳузурида бўлаверасан.
Энди дунёдаги машҳур, юқори мансабли кишилар билан учрашишингни тасаввур қил. Қанча машаққат ва қийинчилик билан учрашасан. Учрашгунингча қанча тўсиқлару, қўриқчиларга рўбарў бўласан. Ундан ташқари учрашув вақтини ҳам, учрашув жойини ҳам сен белгиламайсан. Учрашув мавзуси ва ундан бошқа нарсаларни ҳам сен танлай олмайсан!....

«Ҳикматлар чашмаси»дан.
@Surxonmuxlis.uz