هسة غير كون انام
احس عندي طاقة للگعدة و منعسة بنفس الوقت?

الحمدلله♥️

والله شعور حلو من تنام بدون منبه??

يوم 5 بالشهر جان عندي طوارئ استلمت احد المرضى جان شاب بهيئة طفل عمره23 سنة يعاني من شلل دماغي ( cerebral palsy ) ،مقعد ، لاياكل ولا يشرب وحده وعاجز عن اي شيء ،جابه والده و شخص وياه وداسأل شبيه حتى اعرف الوضع و ليش جايبيه و تبيّن لي انه ميحتاج دخول للطوارئ…

يوم 5 بالشهر جان عندي طوارئ استلمت احد المرضى جان شاب بهيئة طفل عمره23 سنة يعاني من شلل دماغي ( cerebral palsy ) ،مقعد ، لاياكل ولا يشرب وحده وعاجز عن اي شيء ،جابه والده و شخص وياه وداسأل شبيه حتى اعرف الوضع و ليش جايبيه و تبيّن لي انه ميحتاج دخول للطوارئ او المستشفى و فعالياته الحيوية كانت زينة و هو هذا وضعه طول حياته و اصر والده انه يدخل واني رفضت لان رقوده يضره اكثر مما ينفعه و ممكن تعرضه لامراض اخرى وهو صحته على كده ،هالحجي ب11 الصبح
كمل دوامي ب4 ودااطلع درت وجهي جان اشوف الولد وحده على سدية بالطوارئ ويمه رجال الامن و مرافقين مرضى اخرين اجة واحد منهم ديسألنا عنه كال هذا الولد من الصبح هنا و محد وياه و مخلين وياه علاكة مال ملابس
فحجيتلهم اللي صار و كلتلهم مدخلته لان ممحتاج بس الضاهر ابوه راد يخلص منه وجننا بأمل يرجع ياخذه

البارحة جان عندي طوارئ نزلت و لكيته بعده موجود ومحد جايه ولا شايفه ولا يعرف اسمه ولا عنده اي مستمسك و باقي بالطوارئ و مصخن و صاير فلاونزا من البرد ، اللي موجودين من عمال نظافة و معينين ينطوه اكل و يبدلون ملابسه

وين وصل بينا الحال و شنو من گلب عند والده ذبه وراح؟!!
* امه متوفية حسب شهادة الاب
حسبنا الله و نعم الوكيل...

البارحة جان اكو شخص من معارفنا عنده مراجعة بمدينة الطب الصبح و راد اجي وياه بحكم مكان دوامي واندل
هو رجل كبير و صحته على گده
واني اصلاً عندي دوام الصبح فأستأذنت من المسؤول على كد ساعة بس تأخرت اكثر من هيج و اتصل بيه فكتله انه صار تأخيرات وهيج و مصارت مشكلة نوعاً ما و مشت الامور طبيعي وكلي هاي هي

خلصت وصعدت لمكان دوامي فوحدة من البنات اللي وياي كلتلي شيصير منج هو المريض كلتلها اصدقاء العائلة فكلتلي هسة علاقتج بيهم من بعيد و رحتي وياهم و جان ممكن يسببلج مشكلة بدوامج
ضامنة انتِ ان هالشخص و عائلته حيرجعولج الجميل و وكفتج وياهم و تأخرتي عن دوامج بسببهم؟

باوعت عليها بصفنة ام الثلاث ثواني و گلتلها صراحة ممنتظرة يرجعونها او لا ومن رحت وياهم ممخلية ببالي مقابل لا زين ولا مو زين و محجيت شي ثاني بعد.

هو احنة ليش تبرمجنا على موضوع المقابل وليش لازم كلشي نسويه ننتظر يرجع وانه لازم يرجع واذا مرجع فهاي مشكلة و الناس مو زينة و متستاهل و نقطع سبيل المعروف
زين مو رب العالمين گال ( وقل اعملوا فسيرى الله عملكم و رسوله و المؤمنون ) مو رسوله گال
( من فرَّج عن مؤمنٍ كربة من كرب الدنيا فَرَّج الله عنه كربة من كرب الآخرة )
ليش نسينا مبادئنا و أخلاقنا و إسلامنا و صرنا نركض دائماً ورا مقابل دنيوي ،مادي او اجتماعي و ملموس؟
نسينا نسوي شي لوجه الله و صار كلشي لازم ينرد بأقرب وقت ، هسة مااكول اني نبي و ماريد الشي الزين اللي اسويه يرجعلي بس مو هاي الاولوية

ابداً مافد يوم قدمت شي لأحد و جنت منتظرة يرجعه اليه
سواء كلمة او موقف او مساعدة ، كلشي اسويه وراح اسويه هو لوجه الله.

رايحة لطبيب الاسنان
أمي كلتلي لتخلين كحلة لأن راح تبجين✨✨✨

شكراً ينبع الحنان

أُحبُّكَ حبَّين ، حُب الهَوى و حبٌ لأنك اهلٌ لذاك.

عندي دوام الصبح ، ليش لهسة كاعدة ؟