Запіс лекцыі Аляксандры Шыманьска «Сістэмы падтрымкі культуры: фінансавыя і нефінансавыя практыкі з Польшчы, у тым ліку фонды ЕС і недзяржаўныя фонды.» ужо на нашым ютуб канале! ?

Запіс лекцыі якая прайшла ў нас 22 ліпеня ў Варшаве гатова для прагляду ў арыгіналу, а пераклад на беларускую мову будзе зусім хутка?

На гэтай лекцыі разам з дасведчанай спецыялісткай па культурнай палітыцы мы пагаварылі пра сучасныя сістэмы падтрымкі культуры ў Польшчы і параўналі іх з іншымі еўрапейскімі краінамі і Беларуссю. Удзельнікі даведаліся, як эвалюцыянавала гэта сістэма ў Польшчы і як яна ўплывае сёння на развіццё культурных праектаў як у дзяржаўным так i ў незалежным сектары. Аўтарка таксама падзялілася прыкладамі паспяховых культурных ініцыяцыў, якія функцыянуюць і зараз.

Пад канец лекцыі Аляксандра паразважала, што чакаць беларускай культуры ў найблізкай будучыні і разам з аўдыторыяй абмеркавала гэта і іншыя цікавыя хвалявальныя для нас пытанні.

Глядзіце лекцыю, натхняйцеся і падпісвайцеся на наш ютуб канал!
Да хуткай сустрэчы✨

Мы вельмі выбачаемся, але сёння праз тэхнічныя прычыны не змаглі арганізаваць трансляцыю ў zoom. Запіс будзе даступны на канале праекта, мы абавязкова напішам кожнаму, хто планаваў падключыцца.
Яшчэ раз выбачайце

?Сустракаемся сёння ?

Запрашаем вас на лекцыю «Сістэмы падтрымкі культуры: фінансавыя і нефінансавыя практыкі з Польшчы, у тым ліку фонды ЕС і недзяржаўныя фонды» з Аляксандрай Шыманьска✨

22 чэрвеня 14:00 па Варшаве
афлайн у Варшаве і анлайн у ZOOM

?Аляксандра Шыманьска – спецыялістка па культурніцкай палітыцы, дырэктарка Цэнтра падтрымкі творчых індустрый, кіраўніца літаратурнага і маркетынгавага аддзела Вялікага тэатра - Нацыянальнай оперы.

?Спікерка раскажа пра сучасныя сістэмы падтрымкі культуры ў Польшчы і Еўропе. Лекцыя будзе прысвечана фінансавым і нефiнансавым практыкам, якія дапамагаюць развіваць культурныя праекты, як у дзяржаўных, так ў незалежных сектарах.

Аляксандра таксама паразважае, што чакаць беларускай культуры ў найбліжэйшай будучыні, пасля чаго адбудзецца адкрытая дыскусія ў якой мы запрашаем вас прыняць удзел?

?Папярэдняя рэгістрацыя абавязкова!
Тыя, хто зарэгістраваўся атрымліваюць асабісты электронны ліст са спасылкай для ўвахода ці адрасам правядзення лекцыі.?

Да хуткай сустрэчы✨

Запіс лекцыі ад Аліны Дзеравянкі «Як сучаснае мастацтва актуалізуе спадчыну? Кейсы ў свеце і Беларусі» ўжо гатовая! ?

Рады падзяліцца з вамі запісам лекцыі якая прайшла ў нас 20 сакавiка!
Глядзіце на беларускай мове на нашым ютуб канале.

На гэтай займальнай лекцыі мы пагрузіліся ў свет сучаснага мастацтва і яго ўзаемадзеяння са спадчынай. Аліна Дзеравянка расказала пра тое, як cучасныя мастакі надаюць новыя значэнні і асаблівасці ўжо існуючай культурнай скарбніцы.

Сучаснае Мастацтва пранікае ў нашу паўсядзённаю свядомасць, актуалізуе гістарычную спадчыну і надае ёй новыя сэнсы. На лекцыі вы даведаецеся, як мастакі становяцца лідарамі ў працэсе захавання і прасоўвання культурнай спадчыны, а таксама як сучасныя арт-праекты звяртаюцца да пытанняў лакальнай ідэнтычнасці, візуальнай гісторыі супольнасцяў і актуалізацыі нябачнай спадчыны.
Усё распавядаецца на прыкладзе ўжо рэалізаваных беларускіх і еўрапейскіх праектаў, напрыклад: "Міжмір'е", "Нябачная спадчына", "Конь у паліто" і яшчэ шмат цікавага.

Глядзіце лекцыю, натхняйцеся і падпісвайцеся на наш ютуб канал.
Да хуткай сустрэчы на творчых прасторах✨

Запіс лекцыі "Межы і рысы беларускай нацыянальнай культуры: Канструяванне ўяўнай сапраўднай беларускасці" Сцяпана Захаркевіча ?

Падрыхтавалі для вас запіс лекцыі якая прайшла 7 сакавіка ў Вільні і анлайн па ўсім свеце.
Глядзіце на беларускай мове на нашым ютубе канале.

Сцяпан Захаркевіч – этнолаг, кандыдат гістарычных навук, дацэнт ЕГУ, разгледзіць пытанні фарміравання і развіцця беларускай культуры, выявіць яе асноўныя рысы і каштоўнасці. На лекцыі мы абмеркавалі, якія фактары і гістарычныя падзеі аказваюць уплыў на фарміраванне беларускай ідэнтычнасці, і як гэтая ідэнтычнасць змяняецца і развіваецца з часам. Падрабязна разгледзелі праблемы, якія выклікаюць дыскусіі і канфлікты паміж беларусамі, на рахунак мінулага і сучаснасці. Разважалі, хто такі "Сапраўдны беларус" і як уплывае на нашу народную самаідэнтычнасць візуальная адпаведнасць узорам і стэрэатыпам беларускай культуры з медыя.

У канцы Сцяпан закрануў важнае пытанне аб выкліках, якія стаяць перад сучасным беларускім грамадствам у захаванні і прасоўванні сваёй культурнай спадчыны. Абмяркоўвалася, як кожны з нас можа ўнесці свой уклад у развіццё беларускай культуры і ідэнтычнасці ўжо ў нашы дні.

Глядзiце лекцыю, натхняйцеся і падпісвайцеся на наш ютуб канал.
Да хуткай сустрэчы на творчых прасторах✨

Кніга: Мастацтва рэлевантанасці (The Art of Relevance)
Аўтарка: Ніна Сайман (Nina Simon)

#cm_рэкамендуе

? Калі вы думаеце прыцягнуць да вашага праекта новыя аўдыторыі, рэкамендуем да ўвагі гэту кнігу. У ёй вы знойдзеце дзясяткі прыкладаў, даследаванняў і практычных парадаў пра тое, як ваша арганізацыя можа быць больш каштоўнай для грамадства праз сваю адпаведнасць патрэбам розных сацыяльных груп. Як пашырыць сваю місію і стаць блізкім да кожнага.

?‍?Ніна Сайман – "музейная прадвесніца" якая мае ўнікальны падыход да дызайну, арыентаванага на супольнасць. Стваральніца прасторы і генеральная дырэктарка OF/BY/FOR ALL – руху за стварэнне інклюзіўных пляцовак. Былая дырэктарка Музея мастацтва і гісторыі Санта-Круз і цяпер запатрабаваная кансультантка для выстаўных прастор па ўсім свеце.

Кнігу можна цалкам і задарма прачытаць анлайн (на ангельскай мове)
А ключавыя моманты аўтарка расказвае ў сваім выступе на TED.

“Каб дамагчыся поспеху, нам трэба пашырыць сваю вартасць – быць сваімі не толькі для тых, хто ўжо з’яўляецца нашай аўдыторыяй. Мы павінны мець большае значэнне для большага ліку людзей, калі хочам, каб наша праца ззяла.”

Аўтарка апісвае свой досвед у працы з інтэрактыўнымі выставамі і вядзенні сацыяльных сетак творчых праектаў. Яна паказвае паспяховыя прыклады супрацы з супольнасцямі і разважае, як паспяхова праводзіць культурныя мерапрыемствы ў незвычайных месцах і фарматах, каб прыцягнуць новую аўдыторыю, або адчыніць “новыя дзверы”.

“Калі вы гледзіце ў прастору сэнсаў і дзівіцеся, чаму не можаце туды ўвайсці, ці гледзіце з гэтай прасторы на вуліцу і дзівіцеся, чаму не прыходзяць да вас, то гэта тая кніга, якую вы павінны прачытаць зараз. І магчыма двойчы.” Джон Москоне, Цэнтр мастацтваў Йерба Буэна.

Абмеркаваць кнігу і падзяліцца сваім досведам можна ў каментарах?

Ды хуткай сустрэчы✨

?Сустракаемся сёння ?

? Напамінаем пра лекцыю "Межы і рысы беларускай нацыянальнай культуры: Канструяванне ўяўнай сапраўднай беларускасці" Сцяпана Захаркевіча

7 сакавiка ў 18:00 па Усходнееўрапейскім часе афлайн у Вільні і анлайн у ZOOM

?Сцяпан Захаркевіч - актыўны спікер, навуковец, аўтар публікацый, прысвечаных розным аспектам беларускай культуры, этнаграфіі і гісторыі.

?На лекцыі будуць разгледжаны пытанні фармавання і развіцця беларускай культуры і яе каштоўнасцяў, а таксама выклікі, што стаяць перад сучасным грамадствам у захаванні культурнай спадчыны і спосабы занясення ўнёску ў развіццё беларускай ідэнтычнасці.

Аўтару ўжо перадалі вашы пытанні з формаў рэгістрацыі, так што сустрэча будзе сапраўды інтэрактыўнай і карыснай.

?Папярэдняя рэгістрацыя абавязкова! Паспейце зарэгістравацца сёння да 15.00 па Вільні. Індывідуальныя спасылкі для ўваходу будуць у вас на пошце.

Да хуткай сустрэчы✨

Запіс лекцыі ад Джэфры Тэйлара "Функцыяванне сусветнага арт-рынку. Як беларускім мастакам заняць на ім прыкметнае месца" ✨

Як і абяцалі дзелімся запісам нашай першай лекцыі якая прайшла 7 лютага афлайн у Вільнюсе і анлайн па ўсім свеце.
Глядзіце запіс лекцыі на нашым сайце!

? Джэфры Тэйлар – эксперт у вобласці галерэйнага бізнесу, прафесар Еўрапейскага гуманітарнага ўніверсітэта і аўтар падручніка «Арт-бізнес: свет мастацтва, рынак мастацтва».

На лекцыі мы пагаварылі пра ключавыя аспекты функцыявання сусветнага арт-рынку, пра тое, якія выгляды калекцыявання цяпер актуальныя і як праходзяць сусветныя выставы. Прафесар расказаў пра тонкасці ўзаемадзеяння з галерэямі і аўкцыёнамі і выказаў сваё бачанне пра беларускіх дзеячаў на творчых абшарах. Пад канец лекцыі прысутныя як анлайн гэтак і афлайн задалі цікавыя пытанні спікеру.

Мова лекцыі – ангельскі з магчымасцю ўключыць беларускія субтытры.
Не выпусціце магчымасці глыбей пазнаёміцца са светам арт-рынку!

Рэгіструйцеся на наступную адкрытую лекцыю пра "Межы і рысы беларускай нацыянальнай культуры".
І да хуткай сустрэчы✨