نكمل سلسلتنا اللطيفة #جامعيات بشوية نقاط في المذاكرة جربوها وإن شاء الله تظبط معاكم انتو كمان✨(دا البوست الثالث)

?الأولى.  الـ Notes الذكية
اعمل حجات بسيطة تنساب طبيعة المادة بتاعتك
يعني عندك اناتومي اطبع صورة حلوه تلملك الموضوع وتفكرك بيه ولا ارسم بنفسك ، عندك فسيولوجي لملك شوية اسئله من أي حته وحلهم وخليهم معاك علشان تزود فهمك، عندك فارما اعمل جداول بطريقتك انت وهكذا ...
يعني خلي هدفك تعمل حاجه صغيرة تبص عليها تفتكر معظم تفاصيل المحاضرة وتبقا الحاجه الصغيرة دي حاضره فدماغك تبص عليها وانت رايح الامتحان ولا حاجه.

?ثانيا. الـ Mnemonics
استعمل التحشيشيات استعمل التحشيشات استعمل التحشيشات
هتساعدك تربط المعلومات كويس وهتفيدك في ال mcq وخصوصا الحاجات اللي تفرعاتها كتير زي الأسباب، الأنواع، الأعراض الجانبية، ال M/E وهكذا...

?ثالثا. الـ كروتة ما قبل الإمتحان
انا  بذاكر وافهم واحفظ معظم المحاضرات قبل الإمتحان عادي
بس جربت حاجة جديدة وهي اني وانا رايح الإمتحان (في نفس اليوم يعني او ليلته) اقرأ المحاضرات قراءة سريعة بس او ابص على الـ Notes،فكرة انه عينك تشوف المعلومه قبل الإمتحان بمدة قصيرة دي كويسة جدا، الحاجه بتبقا حاضره فدماغك وانت بتجاوب، انا جربتها مره واحدة في كويز امبارح ونتيجتها كانت مبهرة الحقيقة ونفسي اكمل عليها بس انا بزهق للأسف اني اذاكر حاجه يوم الامتحان دا لكن ان شاء الله هعتمد الموضوع.

?رابعا. الـ تكرار المتباعد
التكرار على فترات أهم حاجة في تثبيت المعلومة، ذاكر أول مرة دي عادي براحتك احفظ افهم سمع بس بعد كدا خلي اولويتك تكرر كتير حتى ولو قراءة بس مش مذاكره مذاكرة.

دمتم بخير ?
#التنسيق #نقطة_خريجين

شبح الإنجليزي✨
تاني بوست من سلسلة #جامعيات ?

"بندخل المحاضرة أو السكشن ومبنفهمش حاجه ولا بنكتب أي حاجه عشان بالإنجليزي"
"المحاضرة بتاخد تلت أربع أيام عشان نترجم كل كلمة"
"اسئلة في الإمتحانات مش عارفين معناها أو مش عارفين نصيغ الإجابة بالإنجليزي"
الوضع مخيف؟ أنا أعرف اللي ساب الكلية بسبب عائق اللغة خصوصا وان جامعاتنا - معظمها - مبيبذلوش أي جهد لإعداد الطالب في اللغة.

المهم متقلقش ... الموضوع بسيط جدا والإنجليزي مش هيبقا عقبة كبيرة هتحس انك تايه فيه اول شهرين مثلا وخلاص واحدة واحدة هتتعود على الكلام اللي بيستخدم في الشرح وعلى المصطلحات الطبية والدكاترة في الغالب بيراعو دا.
حاول تخلي معاك دفتر صغير وقاموس سواء الكتروني أو كتاب عادي وابدأ اقرأ المادة بتاعتك واكتب كل الكلمات الغريبة وترجمتها وراجعها في الأوقات الفاضية، هتلاقي الكلمات الغريبة بتقل بالتدريج وبشكل واضح مع تكرار الترجمة والممارسة.
وبردو مش لازم تترجم كل حاجة يعني في بعض الكلمات مش مهم معناها بالعربي المهم تفهم هي ايه كظاهرة مثلا.
ممكن بردو تكتب ترجمة الكلمه فوقها وخلاص ولكن متتعودش على دا لأن احنا عاوزين عينك تاخد على الإنجليزي مش المعنى العربي فلذالك حاول تستعمل دفتر برا.

وأخيرا حتى ولو كانت كليتك مش محتاجة دراسة مكثفة للإنجليزي فمينفعش تتجاهل الموضوع دا لأن احنا في زمن عمرك ما هتعرف تتطور أو تتقدم فيه إلا بإتقان الإنجليزي وأي مجهود  هتحطه في الإنجليزي  هيديك فرص أكبر لما تتخرج، إضافة لأنه تقوية لغتك من دلوقتي خلال الفترة دي هيساعدك جدا وهيختصر عليك وقت وجهد في المذاكرة وهيبقا قدامك مصادر أكتر.
وبإذن الله نتكلم عن موضوع تطوير الإنجليزي

دمتم بخير ?
#التنسيق #نقطة_خريجين

‼️ أماكن متاحة في الجامعات الخاصة والأهلية - تتحدث بإستمرار ?جامعة النهضة ببني سويف في مقاعد متاحة في كل الكليات - تفاصيل التقديم https://www.facebook.com/share/p/SEXbMPWDdCVG7QXK/?mibextid=oFDknk ?جامعة السلام بطنطا متاح كل الكليات - تفاصيل التقديم:…

*?*الأوراق المطلوبة في استكمال التقديم في الجامعات الحكومية:
• ٤ - ٨ صور شخصية خلفية بيضاء ٤*٦.
• صورة إثبات شخصية لك ولوالدك ولو متوفي تقدم شهادة وفاة.
• شهادة التأجيل العسكري للذكور ٢ جند و ٦ جند أو ٢ جند و٧ جند بتطلعهم من مكتب التجنيد عندك بشهادة الميلاد.
• بطاقة الترشيح من الموقع.

ملاحظات عامة
• اللي ملفاتهم متأخره في الوصول تابع مع شؤون كليتك ولو انت عامل تقديم اغتراب فاممكن يتأخر كتير فشوف لو تقدر تروح تجيبه انت من كليتك القديمة وكل التفاصيل دي تظبطها مع الشؤون.
• الكشف الطبي امره سهل بتاخد ورقه وتروح العيادة يسألك شوية اسئله وترجع تدفع مصاريفه.
• لو انت بتدور على أماكن لسا في الجامعات الخاصة عندك البوست دا:
https://t.me/Noqta_SEQ/464
وبردو متكسلش تروح الجامعات بنفسك ساعات بتمشي بالحب لما تروح وتبين انه ورقك وفلوسك تمام.
• هنتكلم عن التفاصيل اللي تهمك في الكليات المختلفة وازاي تتعامل معاها وطريقة التعامل مع الجامعة عموما في سلسلة #جامعيات.

دمتم بخير ?
#التنسيق #نقطة_خريجين

سلسلة #جامعيات✨
(مقطع صوتي ١٢ دقيقة)

- د. أحمد العربي

‼️ أماكن متاحة في الجامعات الخاصة والأهلية
- تتحدث بإستمرار

?جامعة النهضة ببني سويف
في مقاعد متاحة في كل الكليات
- تفاصيل التقديم
https://www.facebook.com/share/p/SEXbMPWDdCVG7QXK/?mibextid=oFDknk

?جامعة السلام بطنطا
متاح كل الكليات
- تفاصيل التقديم:
https://www.facebook.com/share/p/W3SHvcX9nkP3DddY/?mibextid=oFDknk
https://www.facebook.com/share/p/1k2Ka9mSvpWZfBLX/?mibextid=oFDknk

?جامعة ماست بأكتوبر
متاح أماكن في كلية الإعلام والآثار والتربية الخاصة وبالنسبة لباقي الكليات بتتحط قائمة انتظار

?جامعة MTI بالقاهرة
متاح طب الأسنان والصيدلة والعلاج والإعلام والإدارة والهندسة.
ـ تفاصيل التقديم:
التقديم بمقر الجامعة واستمارة التقديم ب ١٥٠٠ جنيه.

دمتم بخير ?
#الجامعات_الأهلية_والخاصة #نقطة_خريجين
(المصدر: خدمة عملاء الجامعة)

عاوزين نجيب فلوس من وراكم بقا
اقترحو علينا أفكار لدا

وبالمره قولولنا محتاجين نركز على ايه الفترة الجايه أو لو في استفسارات معينه
- @Noqta_admin

دمتم بخير

كدا أموركم إن شاء الله مترتبه في تفاصيل التسجيل على الموقع وتفاصيل الورق والكلام دا اشتغل عليه شباب دفعتكم متقلقوش وكل حاجه مضمونة إن شاء الله ويعني الحمدلله معاكم وقت.

- رابط البوست المجمع:
https://t.me/Noqta_SEQ/453

دمتم بخير