❌Qulogʻimga oʻtirmagan va xato ishlatilgan soʻz bu — banihoyat!

❕ O’rniga benihoya yoki bagʻoyat soʻzlarini qoʻllash kerak edi.

😊 Muharrir mana nima uchun kerak?!
Banihoyat — ❌
Benihoya — 👏

@tahrirchiqiz

Xush kelibsizlar! 🙂‍↔️

“Qurshov” kitobxonlik jamiyatiga marhamat!

? Keling, avval sizga bu loyihaning maqsad va vazifalarini tanishtirib oʻtsam.

Avvalo, “Qurshov” soʻzining ma’nolariga toʻxtalamiz. Qurshov tevarak-atrof, atrofi shaxs va narsalar bilan qamrab olingan, atrofdagi muhit va odamlar kabi ma’nolarni bildiradi. Ushbu kitobxonlik jamiyati viloyatlararo kitobxonlarni qamrab olib, kitob atrofida birlashtirgani uchun ham ushbu nom tanlandi.

? Loyiha maqsadi

Loyiha 12 viloyat orasida kitobxonlikka boʻlgan raqobatni oshirish va kitob atrofida yanada jipslashtirishni oʻz oldiga maqsad qilib qoʻyadi. Bunda 12 viloyatdan yigʻilgan kitobxonlar kitobxonlikka targʻib ishlarini amalga oshirish bilan oʻzaro musobaqalashishadi. Har oy musobaqa natijasi yangilanib boradi. Musobaqada gʻolib boʻlgan viloyatning eng faol ishtirokchilari saralanib sovgʻalar taqdim etiladi.
12 viloyatdagi kitobxonlarni ana shu “Qurshov” loyihasi birlashtirib turadi. Loyiha doirasida vazifalar beriladi va a’zolardan ana shu vazifalarni bajarish talab etiladi. Vazifalar haqida batafsil ma’lumot beriladi.

? Qanday ishtirok etishingiz mumkin?

@qurshov_boshqaruvchi ga ism-familiyangiz, telefon raqamingiz hamda viloyatingizni qoldirasiz. Biz sizga har bir viloyat uchun ochilgan guruh havolasini yuboramiz. Keyingi ishlar bosqichma bosqich tushuntirib boriladi.

Ushbu kitobxonlik jamiyatiga qoʻshilish mutlaqo bepul. Shuning jamiyatimizda oʻgʻil va qiz bolalar birdek ishtirok etishlari mumkin.

Muntazam kitob mutolaa qilishni, vatandoshlaringizning ham kitob oʻqishiga sababchi boʻlishni va ularni kitobga oshno qilishni xohlasangiz, jamiyatimizda sizni kutamiz. Ushbu postni yaqinlaringizga, doʻstlaringizga va viloyatdoshlaringizga ham yuborib qoʻying.

Qurshov’da koʻrishguncha! ?****

@qurshov_loyihasi
@siddiiqa

Iymon bir yon, butun olam bir yonAksar aholisi musulmon bo'lgan millat vakillarimiz. Tug'ilishimiz bilanoq "Bismillah" bilan qo'lga olinib, qulog'imizga azon aytilgan. Azon va basmala bilan birga qalbimizga ham Islom ruhiyati sizib kirgan. Bugun Islomdagi inson hech qayerda ushbu din ichida tug'ilganidan afsuslanmaydi, "Nega ham shu din vakiliman" demaydi. Har qayoqda "Alhamdulillah, musulmonman!" deya e'tirof etadi. Ammo, sezasizmi, musulmonlik ne'mati bora-bora biz uchun oddiy holdek bo'lib qoladi ba'zan. O'z-o'zidan musulmon bo'lgandek, albatta biz musulmon bo'lishga haqlidek, Alloh taolo bizga ushbu maqomni berishga majburdek tutamiz o'zimizni. Ushbu ulug' maqomning, mavqening ahamiyatini his qilmaymiz. Chunki biz unutuvchimiz — insonmiz.

Shu bilan birga men ham. Musulmon oilada tavallud topdim. Hayotimdan, qalbimdan Alloh uchun alohida o'rin ajratdim. Yo'q, men ajratmadim, Allohning O'zi qalbimga O'zini joyladi. Dinimiz ahkomlarini qodir qilgancha kitoblardan, ustozlarimdan o'rgana boshladim. To'la-to'kis bo'lmasa ham muborak dinimga muvofiq yashashga harakat qildim. Islom, iymon kabi atamalarning qoidasini, ma'nosini o'qidim, kerak bo'lsa yodladim. Ammo bugun Allohning fazli bilan aqlim ila tanigan Islom va Iymonning hayotda qanchalik ahamiyatli narsalar ekanini qalbim orqali his qilib ko'rdim.

Universitetdan chiqib, shoshib avtobusga chiqarkanman sobiq hamkasbimdan qo'ng'iroq bo'ldi. Sababi esa, o'ris nasroniy qizining bir qizning Islomni qabul qilmoqchiligiga yordam berish masalasi. Avval boshda dovdiradim, quloqlarimga ishonmadim. Qandaydir kitob o'qiyotgandek edim. Sababi bunaqa voqealarni doim kitoblarda o'qigan edim. Xayollarimni jamlab, voqeaga diqqatimni jamladim va bir necha daqiqalik suhbatdan keyin hamkasbimga bu xabarni Odinaxon Muhammad Sodiq ustozga yetkazishimiz va keyinroq javobini aytib yuborishimni ta'kidladim.

Ustozdan kelgan ijobiy javobdan osmonda edim. Qaniydi, hozirning o'ziga kelsa-yu, hozirning o'zida shu jarayonni o'tkazsak.

Uchrashuv vaqti bugunga kelishildi.

Bugun keldi. Ustoz qabulidamiz. Islomni qabul qilayotgan qizdan kam emas hayajonim. Qahramonimiz nasroniylik dini vakili ekani va bir necha yillardan buyon mazkur dinga o'zini begona his qilib kelishi, so'ng Islomiy kitoblar mutolaa qilib, Islomda o'zini ko'rgani, ammo onasining qattiq qarshiligi sabab haligacha ushbu dinni qabul qilolmayotgani haqida gapira ketdi. Ustozga Islomga oid savollar berib, masalahat oldi.

Navbat Islomni qabul qilishga keldi. Nasroniy qiz Islomga shu darajada talpinardiki, tezroq shahodat keltirsa-yu tezroq musulmon bo'lsa. Ustoz basmalani qaytarishi bilan qizning tillaridan shahodat kalimasi yig'i aralash hiqilloq bilan to'kildi. Shahodatni keltirarkan, har bir kalima orasida hiqillab to'xtar, chuqur nafas olib yana hiqillagancha keyingi kalimaga o'tardi. Men iymon halovatini, sakiynatini, kuchini ana shu onda angladim. Men uchun dunyo bir tomon, "Shahodat" kalimasi bir tomonga ajralib qoldi.

Muborak dinim vakilasi ekanim, shikastalik bilan bo'sa ham dinim ahkomlari ichida yashayotganimdan Alloh hamd aytdim. Islomdan, Iymondan bo'lak barchasi bekor ekanligiga yana bir bor amin bo'ldim!

Allohim, oxirimizni ham dining ustida qilgin. Huzuringga pok Iymon bilan borishimizni nasib ayla...

@tahrirchiqiz

Hayotim ikkiga boʻlinadi: karvonga qoʻshilganimdan avvalgi va keyingi.

@tahrirchiqiz