Мева-сабзавотни етиштирш, қайта ишлаш ва экспорт қилувчи тадбиркорларга имтиёзлар берилади

Тадбиркорлар мева-сабзавотни асосан томорқадан олаётгани учун экспортга бир турдаги маҳсулотни узлуксиз ва сифатли етказиб беришга қийналмоқда. Шунинг ҳисобига экспортдан тушум ҳам паст.

Бу борада давлатимиз раҳбари тадбиркорликни ҳар томонлама қўллаб-қувватлаш борасидаги сарҳисоб йиғилишда тўхталар экан, келгуси йилда 3,5 миллиард долларлик мева-сабзавот экспорт қилиш учун барча имкониятлар борлигини таъкидлади.

Шу боис, 1 миллион гектар мева-сабзавот ерлари 760 та уруғ берувчи ва 824 та экспортчи корхонага боғланди. Шунингдек, Тошкент вилояти ва Наманганда янги тажриба бошланмоқда. Бунда пахта-ғалладан қисқарадиган ерлар 50 гектаргача йирик лотларда аукционга қўйилиб, саноатлашган плантация қилиш учун профессионал инвесторларга сотилади.

Бу ерлардаги 20 сотихгача майдонда “шок” усулида музлаткич, калибровка ва қадоқлаш цехлари қуришга рухсат берилади. Етиштирилган мева-сабзавотни қайта ишлаш учун харид қилинган ускуналарга 1 миллиард сўмгача субсидия ажратилади.

Таъкидлаш жоизки, давлатимиз раҳбарининг мазкур ташаббуслари экспортёр тадбиркорларимизни қўллаб-қувватлаши, уларга янада енгилликлар берилиши, маҳсулотларни эмин-эркин сотишда, бозорини топишда, катта даромадли бўлишида ва энг муҳими иқтисодиётимизни юксалишида замин яратади. Албатта, биз ҳам партиямиз фаоли сифатида мазкур вазифалар ижросида ўз фаоллигимизни кўрсатамиз.

Барно Мирзамова,
ЎзЛиДеП Сиёсий Кенгаши аъзоси.

Балиқчиликлар томорқа ҳадисини олган

Андижон вилояти Балиқчи тумани “Жасорат” маҳалла фуқаролари йиғини “Х.Эргашева  кўчасида яшовчи намунали томорқачи кўкрак нишони соҳиби Расулов Мўйсинжон хожи хонадонидаги томорқасини кўздан кечирдик.

Хонадон соҳиби 5 сотих ер майдонида иссиқхона ташкил этган. Иссиқхонада лимончилик ва лимон, узум кўчатларини етиштириб келмоқда. Жумладан, иссиқхонада 50-60 туп 7 йиллик лимон, 3 туп 3 йиллик апелсин, 3 туп 3 йиллик мандарин, икки йиллик 70 туп ризаматота навли узум кўчатлари, 200 туп узум қаламчалар мавжуд.

Хонадон эгаси ўзи томорқасидан шу йил лимондан 5 тонна ҳосил олиб, 55 млн сўм даромад кўрган бўлса, асал қутидан 370 кг асал олишга эришди. Ўз маҳалладошларига лимон кўчатларини хайрия қилиб, маҳаллада лимончиликни ривожлантиришга катта ҳисса қўшиб келмоқда.

@barnomirzamova