ما ادري مني الغلط ؟
ماعندي حظ اني ؟
عود انتَ ردتك عوض
تطلع درس ثاني ؟
شحجيلك اتفاجئت
ما اخذ يمك وقت
موضوع نسياني
انتّ البديت الحچي
واتقربت مني
وحاولت ما حاولت
عن كلشي تسألني
ومن شخص عابر صرت
للشخص اليهمني
تاليها تكسرني ؟
تتركني لمّن بده
گلبي اعلمودك صدك
تتغير اطباعه
تقترب مني بسنة !
وتعوفني بساعة ؟
على الاقل حاول جذب
هم لو شخص مو مهم
تتأذة بوداعة
ما عندي موقف الك
يوكف بعينك صدك
ويقهرك شويه ؟
ما يظل بالك عليّ
وترجعك أغنية
المطر ، هذا الشته
ميذكرك بيه
مشكلتي احبك چنت
چانت عيونك صدك
ما اكدر اعبرها
و حتى الهدايا التجي
من عندك من الفرح
كلساع اصورها
غشني الكلام الحلو
ثاري البداية شغف
يختفي بأخرها
شكم غلطة الك عبرت
وگلت انچفه شرها
مشكلتي بالمشكلة
الما چنت اكبرها
المفروض اكبرها
صدمة وعشتها قوي
لكن امل خليت
وانتَ ذكي بموقفك
جوايه تحفر جنت
وبكلشي ما حسيت
من كتلي خل نبتعد
فترة ويردنه الزمن
اني رحت للمرض
وانتّ رحت حبيت#الشاعرمحمد_صلاح

الفيديو خام بدون تصميم♥️****

الفيديو خام بدون تصميم للمصممين ♥️****

**راح انسه و البي خير الله يقدمه
فكرة الحب من طرف واحد زحمه
لشوكت اظل احجيلك الجوه الروح
وترد عليه بكلمه
هاي المشاعر لو انطيها لانسان
غيرك يقدر النعمه ؟
يفضلني حتى اعلى الهوه اليشتمه

اعذرني واني الاعتذر مو انتَ
اكثر شسوي هذا الاتعلمته
بس ممكن افهم منك الصار وياك
ذاك اهتمامي الزايد الما ردته
چي مني جان لو صدك مو وكته

جاوبني واني اقتنع بأي حجايه
متحبني ؟ المن لعد باقي ويايه
كل وقتي ماخذ رغم حجيك محدود
جان شخدت لو چنت تحجي هوايه

كتلك احبك كتلي خل نبقى اصحاب
هالفكره امنيتي اعرف السواها
همزين ربك ما كلت لامي بشي
چان الكسر كسرين اني و وياها

حاولت المح حتى تفهم حبي
والنيه چانت بيضه يشهد ربي
و نفس البرود وما بدر منك شي
لحد ما شويه شويه ملّك كلبي

وشبيه هلكد منصدم هسه اني
قابل جديده اتفاجئ بنسياني
كضيت كل العمر اخسر وانعاف
ياهو الاريده يريد واحد ثاني

شكرا على كل حال واني اترخص
ولا يظل بالك هاي اذا ظل لتخاف
هالفتره فتره وتخلص**

#الشاعرمحمد_صلاح

أبوسَك وَين لو تِدري
مِن أوّل شامَة لآخر ترِف تمتَلكه
وأطوف علىٰ العُيون السودْ
طوفَة مُشرِك بمَكّة
مو إنسان عادِي أنتَ
مَلاك يطير بِجناحه
مِن فِتْ بفُرعنا وبُقىٰ عِطرك بيه
شبابيِج المَدينَة لهَسّة مُرتاحَة .

مَا شفناكُم هوايَة نسينَا
بمَشاكل مالهِن داعي إلتهينَا
جانَت ناقصتنا هوايَة شغلاتْ
لمّة وضِحكة حِلوة بلا خُلافات
المُهم كُل شَخص غَلطانين ويّاه
خَل نِتعذّر وحقّه علينَا

وآني مسامِح الـ عَنّي حِجـة بشيّن
وآسف مِن كلِت عَ الزين مو زين

المُهم آسف أكلكُم بالنيابَة
عَنْ كُل شَخص زوّدها بغيابَه
وعَن أيّ كِلمة مو حلوَة إنحجَت طَيش
زلّة الواحِد يزِل بشبابَه

ترىٰ الإنسان يمشي وعَادي نِنساه
بَس بروحنَا تظَل ذِكرياتَه
خَل نتصالَح ويّ المِنّا زَعلان
باجِر كُل شَخص شايِف حياتَه

المُهم الضِحكة يارَبّ دايمَة تصير
إنتهَت الأربع سنين بلايَا تأخير
ومِثل ما كالهَا الكاطِع بالأبيَات
كِلمَن خلي يذكِر صاحبَه بخَير .

#الشاعرمحمد_صلاح

السنَة قُربت نَهايتها
ولو ما مِفتهم مِن عندهَا شيء أصلًا
ومَا أدري شوَكت جانَت بدايتهَا
يمكِن لأن مِنتظرَك جِنت حسّيت
واكُف كِل شيء بيهَا وتِمشي ساعتهَا
تخيّل صَيف مَر ، ومَر شِتا ومَا جِيت
ومَا شِفتَك بمُرها ولا حَلاوتهَا
المُهم مِنتظرَك بهايّ السَنة الجَاية
اللّٰه ويايَة ، بَس مِحتاجك ويايَة .