احلى شعور بالنسبة الي ممكن تمر بي هو شعور عدم الاختلاط بالناس وتعيش هادئ ومسالم وما يغركك شي ولا تدخل لحياتك اشخاص جدد ولا تصرف طاقة ع لا شي وعرفت قيمة نفسك وصرت تبني حدود لنفسك محد يجاوزها ومستقر ومشاكلك الي تمر بيها مشاكل شخصية خاصة بيك ما تعرف اخبار غيرك ولا تهتم بأخبار غيرك ، عينك على نفسك بس .

كل اختياراتك بالحياة تبين على وجهك ، اختار صح .

الشغل والعلاقات والأصدقاء كلها تأثر على اخلاق الأنسان وتبين حتى على وجهه .

الي عنده هوس بالمثالية حالة حال المريض النفسي ، حاول تسعى تعيش حياة طبيعية كريمة ، ما تمد ايدك لاحد ، وكرامتك محفوظة وما تطعن باعراض العالم وتقرب لرب العالمين ، وراضي اهلك ، وهي خلصانه الحياة وين يريد يوصل الانسان قابل .

تصالح وي نفسك وخليك شخص عادي وصديق عادي وانسان عادي ، واكو حروب هواي بينك وبين نفسك ما الها داعي بسبب هوسك بالحياة وهاي الحياة فآنية ، ولا مطلوب منك تكون الاول ولا الاهم ولا الاجمل وخلي نظرتك للابتلاء واقعية وكلشي قدر الله سبحانة وتعالى وبعد كل بلاء يجيك العوض ولطف الله .

دائماً كل ما اضووج واتعب ويصادفني شي يتعبني لو يقهرني بس اباوع لأمي احس كلشي يهون .

مشكلة من تتغير نظرتك لشخص والله العظيم صدمة ، يعني من صدك شكله يتغير من تباوع عليه .

اني صاحب موقف الصغير ، واليوم اكتشفت هالشي اكيد ، موقف بسيط غير نظرتي على مقابيلي وهالفترة من صدك ابسط موقف يغير نظرتي للشخص خاصتاً اذا موقف متعمد مو عفوي .

باجر لازم اروح اشتري ورد ، شو زمان صالي ما مشتري .

اني انسان امشي بالطرق الي توصلني لرضا الذات ، مو رضا الناس .