وبرالثنين اللي خـذو عنـك الاوجـاع وسهروا على شانك من الليـل ثلثيـن
شجاعـة ماهـي شجاعـة تفـيـراع لاولـع الشيطـان نــار الشياطـيـن
راس القريـب مالهـا فيـه مشـلاع على العدا ماهي على الربـع الادنيـن
وصينيـة يلقابهـا الضيـف مـربـاع ولاهزعـوا جيلانهـا بـام عصبـيـن
وبرية تشـرى مـن السـوق وتبـاع وسوالف زينة مـن الخاطـر الزيـن
والصبر والحكمة وزينـات الاطبـاع وامقابـل الديـان فـي حـزة الديـن
وحاذرور من كثر الغضب والتجـزاع عنـد المصايـب واختـلاف القوانيـن
وليـا بدالـك صاحبـن فيـك طمـاع خله يسار الـدرب وانتـه رح يميـن
واجزع طريقـت للرياجيـل مجـزاع وخـل الدنـاوه للـرجـال الدنيـيـن
لاصار شـورك مـا يسبعـك سبـاع مالـوا عليـك مرجحيـن الموازيـن
ليا صار مانتـه لازرق الجـم شـراع خلـه لسبـاح يجنـب عـن الطـيـن
والحذفـه اللـي مالهـا فيـك ميقـاع تعدها ولا تسبـر الحـذف مـن ويـن
واليا اعترض لك حذفة توجع وجـاع رد السلف لمـدور الصـاع صاعيـن
رد ن على بعض الرياجيل فـي سـاع اخيـر مـن بكـرة وبعدينـه وبعديـن

لو خسرت الأمس كمّل من جديد
‏العوض قدّام ، والماضي .. فدا

لو تقطع حبال العلاقه بمن زل
تفرقوا حتى عيال الحموله

من يقبل سمان المعاذير ما ذل
ومن صد عن عذرٍ تمنى قبوله

اشتاق شوق اللي لا هون ولا مل
يتبع هواء نفسه ويرضي ميوله

يعني ماعاد اشتاق والا وش الحل
وباقي الامور الباقيات محلوله

لا تقول قلي شي؛ حتى الحكي قل
ماعاد عندي شي من شان اقوله