#4
بالك النوم يجيني
وننسي سريبه كيف ما ناسيني
نمشي لسريري خير

قديم وباعد
وقلت يربح اللي عدى الله يساعد
في غيبتك ماعاد تسمر عيني
وجاني النوم تميت فيه نواعد
ومعاي وعده ماخلف لا انسيني
النوم هو دوا لجروح من لي باعد
ويستاهل معاه نقضي جميع سنيني

#بقلمي

#3
عليك ماهو خايل
الحزن يا ام العيون ذبايل
بالله اضحكي

يا خايله في عيونك
وصوتك ونقشك وحتي لونك
ياللي لمثيلك ماهناك مثايل
لوكان نلقي ماتخيب ضنونك
ومن الزعل نرضيك وبكل الوسايل.

#بقلمي

#2
فضت يا كتابي
بيني وبين من كانو احبابي
في غيابي قلت يشغلهم غيابي
ونالي غبت وهم البايعين
قبل الموت دفنوني في ترابي
وبعد الموت فاتونا مجيفين
#بقلمي

#1
بانن في الملاقا معاه مواير
قلبه جفل والعقل ماهو معاه
هوا يساير فيّ،وانا فعقله نساير
اووفاطن وواتي للقعاد بلاه
#بقلمي

ادعولي امتحاني بكرا. اخر امتحان جزئي
وبعدها عندي لكم قصائد يمكن 7 يمكن 14 قصيده مهم اسبوع وانتم اتباكو منهن??

دكتوره وفيك عيون
يشفن مريض واتي للكفن?

#بقلمي.

سوء الفهم خلانا بعاد
وسوء الضن منك يابعيد
سبحان فيك مازرع لعناد
زرع حبي فيك بالتحديد

#بقلمي.

يا لابسه زرقيني
شيلي عيونك والغلا وخطيني
الله يربحك

شيلي غادي
انتي صغيره بنت في الاعدادي
ونا شايب في الطب كاملات سنيني

#بقلمي

تي ميا ميا كل سنه وانتي معايا صار????

مزال 23 يوم و7 ساعات 23 دقيقه⏳