بسم الله الرحمن الرحيم، والصلاة والسلام على سيدنا محمد بن عبد الله، خاتم النبيين وإمام المرسلين، وعلى آله وصحبه أجمعين، ومن تبع هداهم بإحسان إلى يوم الدين.

أما بعد،

اسمع رحمك الله ، قبل أن تطلق كلمتك في فضاء العالم الواسع، أو تشارك ما يجول في خاطرك، أوقف نفسك لحظاتٍ خمسًا، وسائلها: لماذا أريد أن أنشر هذا؟ هل هو مجرد حديث عابر بلا غاية، أم أن وراءه هدفٌ نبيل وغايةٌ سامية؟

ثم اسأل نفسك سؤالًا آخر، أعمق وأبلغ: هل هذا الذي أنشره يرفع من قدرِي، ويزيد في حسناتي، أم أنه سيجرُّ عليَّ وزرًا، ويُثقل كاهلي يوم الحساب؟

واللهِ، إني لأحدثك من قلبي، فلا تجعل يدك أداةً تأكل من حسناتك، ولا تنشر شيئًا لمجرد أنك تريد أن تكون الأول، أو لأن الحديث عن هذا الموضوع قد أصبح "تريندًا" يلهث وراءه الناس.

فالكلمة مسؤولية، والنشر أمانة، فاحذر أن تكون ممن يلهثون وراء السراب، ويُضيعون أوقاتهم في ما لا يعود عليهم إلا بالندم والخسران.

فكن حكيمًا في نشرك، واعلم أن كل كلمة تُسجل، وكل فعل يُحاسب.

ألا إنَّ في صحب النبيِّ هدايةً وفي الوحيِ نورٌ للقلوبِ ساطعُ
شهدوا جبريلَ ينزلُ التنزيلَ فثبتتْ قلوبٌ بالإيمانِ تَخْشَعُ
عاشوا معَ المختارِ في ظلِّ حكمةٍ ** فكانوا به في الحقِّ أرواحٌ تَصْدَعُ

وما اجتمعوا في بيتِ ربِّ العالمينَ يلونَ الكتابَ العزيزَ ويُدْرِعونَ
إلا نزلتْ سكينةٌ من جلالِهِ وغشيتهمْ رحمةٌ وملائكٌ تُطِيعُ
فذاك المجالُ الذي فيهِ أنسُهمْ ** وفيهِ من الذكرِ الحكيمِ ما يَشْرَعُ

فكنْ مثلهمْ في كلِّ مجلسِ ذكرٍ تذكرُ ربَّ العرشِ والقلبُ يخضعُ
فإنَّ الملائكَ الكرامَ تحفُّهمْ وذكرُ الإلهِ العليِّ به يَشْرَعُ

فطوبى لمنْ يسمو بذكرِ إلهِهِ وطوبى لمنْ في الحقِّ قلبُهُ يَخْشَعُ
وصلى الإلهُ على النبيِّ محمدٍ وآلِهِ ما ناحَ قُمْريٌ ويُسْرِعُ

٥١١٠ عرف الرقم ده ايه انا هقولك بس هات آلتك الحاسبة و تعالي معايا معروف ان السنة فيها ٣٦٥ يوم وانا دلوقتي عندي ٢٨ سنة اهو خلاص لو فرضاً جدلا اني بقيت مكلف من سن ال١٤ و هنفرض جدلاً انا لو عملت كل يوم ذنب واحد من ساعة ما بلغت لحد دلوقتي يعني ٣٦٥×١٤=…

لتحميل الكتاب اضغط هنا ?

في البدء، كانت الحروف تلتف عليّ كأحجية معقدة، وكأنني أقف أمام لوحة مبعثرة الألوان. لم أستطع في البداية أن أرى الصورة الكاملة، بل كنت أرى مجرد تفاصيل متناثرة لا تحمل في طياتها معنىً واضحًا.

ولكن مع كل صفحة أقلبها، ومع كل كلمة أقرأها، بدأت أدرك أنني أسير في نفق مظلم يزداد ضيقًا مع كل خطوة، حتى شعرت برأسي على وشك الانفجار من كثرة التفكير والتأمل.

في النهاية، ومع ختام رحلتي في هذا العالم السردي، انبهرت ببراعة المؤلف في ربط الأحداث والشخصيات، وكأنها خيوط متشابكة في نسيج واحد. لم أكن أتوقع أن أجد هذا القدر من العمق والاتساق في الكتاب ، فكل جزء منها كان يؤدي إلى الجزء الذي يليه، وكأن الكاتب قد رسم خارطة طريق واضحة منذ البداية.
علي سبيل المثال
لقد اكتشفت من خلال قراءة هذا الكتاب أن ظاهرة الكمايتة التي تبدو لنا حديثة العهد، والتي نراها اليوم أمام أعيننا، لها جذور تاريخية عميقة تمتد إلى عصور سحيقة. فالحركة التي أثارها المؤلف، والتي قد تبدو غريبة ومبتكرة، هي في الحقيقة امتداد طبيعي لحركات سابقة، وتجسيد لتاريخ طويل من الصراعات والأفكار.

أنصح كل من يقرأ هذا البوست بقراءة كتاب (رسالة في الطريق الي ثقافتنا )
، فهو ليس مجرد كتاب ممتعة، بل هو رحلة معرفية شيقة تكشف لنا الكثير عن ما يدور من حولنا.

ما أشبه اليوم بالبارحة

ذكر الشيخ محمود شاكر في كتابة "رسالة في الطريق الي ثقافتنا"
ان لما الحملة الفرنسية بدأت تخش علي مصر
كان في في مصر #مستشرقين اول ما عرفوا بقدوم الحملة الفرنسية
بدأ المستشرقين في بث افكار كانوا هما دارسينها و ارادوا ان يشيعوها بين جماهير دار الاسلام في مصر للتحكم في تصريف اموره و غاياته
و للتمكن من اشعال نيران الفتنة بين الناس عشان يفرقوا شمل الناس و يشغلوهم عن عدوهم الاساسي (الحملة الفرنسية )
.
الكلام ده بيفكرني بحاجة كده بس مش عارف ايه هي
لو حد عارف يقولي ؟

- بس مش غريبة ان الالحاد خطر كبير و منتشر جدا الايام دي بطريقة كبيرة و مش مذكور في القران

= امممم تصدق عندك حق .بس انت تقصد انهي الحاد
- يعني ايه

= يعني قصدك الملحد اللاديني ولا اللا ادري ولا اللي بيقول مفيش اله ولا انهي واحد بالظبط

- هتفرق ؟

= مش اوي بس عشان نحدد اللفظ اللي محتاجين نستخرجه من القران

- اممممم

= بص هو عموما زي ما قولتلك مش هتفرق التسمية بس الحالة دي مذكورة في القران

- طب ذكرت فين

= قبل ما اجاوبك هل في الحاد فعلا ولا لا

- اه في انت مش شايف عدد الملحدين اللي بقوا موجودين ولا ايه

= منا مش قصدي الحاد بمعني انكار وجود اله لان دول قليلين و غالبا ملحدين عن جهل . و لما بتيجي تتكلم معاهم بتخش في لوب ملهوش نهاية و غالبا هتلاقي واحد الحد بسبب ان ابوه منع عنه المصروف او التاني اللي جاب مجموع قليل ف ثانوية فقرر يلحد

- مش مقتنع بس اشطا كمل

= ياعم ماشي . طب اسالك سؤال هل الملحد مش مؤمن ب #الله ولا هو كاره #الله

- استغفر الله العظيم يعني ايه كاره الله هو في كده

= عموما يعني ينكر الإله عادي و يكره الإله غلط
بس عموما في اه
لما شخص بيدعي انه ملحد و تلاقي كلامه كله انه بيؤمن بالعقل والعلم و من كلامه تحس انه هيجيب مصليه و يصلي ركعتين لكتاب العلوم
لكن فعله هو انه شغال نهار و ليل شتيمة في الاسلام و النبي و ربنا

- زي ايه

= يعني لما تلاقيه كل طاقته متوجها في نقد الاسلام و الشتيمة والذي منه و تلاقي مصاريف بمبالغ طائلة بتتصرف عليهم و علي قنواتهم و برامجهم عشان يشكك في الاسلام و في ربنا
وتلاقيه عمال يقولك ارضاع الكبير وههه وهو معندهوش مانع من الشذوذ
او بول البعير و معندهوش مانع يشرب قهوة من خره الفيل او من المني بتاع الثور و متلاقيش شعيرة اسلامية الا و بيتريق عليها

-امممم

= مش بس كده يعني ممكن تلاقي واحد ملحد عمال يكلمك علي العلم و جمال العلم و حلوة العلم و بين كل علم و علم الله عليه
و تحس ان الواد واخد جائزة نوبل لاكتشافاته
و هو في الحقيقة ميعرفش الالف من كوز الدرة
لكن كل مجهودة الطعن والسب في الاسلام

- عندك حق .بس انت بتتكلم عن الملحد العربي مش الملحد الاجنبي بتاع بره
= مفرقتش . بتاع بره ميختلفش كتير عن بتاع هنا و في كتاب بيتكلم عن الفكرة دي اسمه (hating god )
بيتكلم عن فكرة كراهية الإله
يعني هناك من تكلم في النقطة دي برضو عندهم وانه مش الحاد علي قد ما هو كره للإله

- تمام هبقي اقراءه

= كويس .
اظن ان احنا اتفقنا ان الالحاد في الاصل هو كره الإله صح ؟

- اممم في الغالب اه

= كويس جدا
لان الاحداث الحاليه و الايام الجاية هتثبتلك كلامي
نيجي بقي لنقطة اين تم ذكر ده في القران
افتح معايا المصحف علي سورة المؤمنون الاية ٧٠ علي قوله تعالى ( أَمْ يَقُولُونَ بِهِ جِنَّةٌ ۚ بَلْ جَاءَهُم بِالْحَقِّ وَأَكْثَرُهُمْ #لِلْحَقِّ كَارِهُونَ )

- ايواه فين ذكر الله ف الموضوع

=منتا بص علي الاية اللي بعديها
( وَلَوِ اتَّبَعَ #الْحَقُّ أَهْوَاءَهُمْ لَفَسَدَتِ السَّمَاوَاتُ وَالْأَرْضُ وَمَن فِيهِنَّ ۚ بَلْ أَتَيْنَاهُم بِذِكْرِهِمْ فَهُمْ عَن ذِكْرِهِم مُّعْرِضُونَ)
فهما كارهين للحق و كل اللي جاي من عند الحق زي ما قولتلك قبل كده

انا بعد المرة المليون اللي قولت مش هتكلم عن التريند الفلاني

صديقي الانسان او الحيوان
الصراحه مش هتفرق كده كده انتم الاتنين واحد عند صديقك السعدني
المهم ما اثر فضولي حوالين الحلقة دي هو ان #الدحيح مشير الحلقة عنده بالبروفيل الشخصي
بس فقولت اخش اسمعها
المهم طبعا
لازم سكتش خفيف ظريف في اول الحلقة عشان يخليك تكمل
فعشان مطولش عليك ( قول طول )
اول ما اثر فضولي هو لما اتكلم عن جهبز الحفريات و المؤمن الاكبر بنظرية التطور #هشام_سلام
و كمية المدح اللي قالها في حقه
قولت بس خش عليا بالتقيل
وهنا ننتقل الي الدقيقة ٥:٣٠
هنا كان بيشرح نوعية الكومنتات عند هشام سلام
و بيقول انه طلع بنظريتين
واحده وصف فيها وقال :
"المتدينين بانهم دماغهم مقفله و مبيفهموش و جهلة ولانهم بسطاء ومقفلين دماغهم فهما ضد العلم "
ولما وصف النظرية التانية قال :
اما الطرف التاني كافر بيدس السم في العسل و واخدين الوضع سبوبة الخ ...
معجبنيش الكلام طبعاً لانه واخد صورة نمطية عن المتدينين بانهم ضد العلم وان اي حد هيتعلم علم غير العلم الشرعي فهو زنديق ساحر زي ما الكنيسة عملت زمان
مع ان التطور اللي احنا فيه ده كله
يرجع الفضل فيه في الاساس للعلماء المسلمين
و طبعاً عشان يزوق كلامه و يقنعك ام داخل في حتة ان ايمانك الشديد بمعتقدك ده مش علي طول صح
و قام لحق نفسه وقال "انا كلامي علي اي معتقد مش معتقد بعينه "
وعشان يبرر لنفسه قام قالك
شيوخ الدولة العباسية قالوا ان القهوة حرام زمان
و بعد كده قالك
ان الناس زمان كانت تعتقد أن الشمس هي اللي بتلف حوالين الارض
خلي بالك هو هنا بيرمي لحتت ان عادي ناس كتير تكون مؤمنة بحاجات و تطلع غلط بعد كده
او انك تاخد فتوة و بعد كده تطلع غلط
(احفظ النقطة دي عشان هنحتاجها بعدين )
بعد كده اتكلم عن ان هل نظرية التطور بتخالف القران وهل تفاسير القران ممكن تطلع غلط و بعد كده نلاقي تفسير صح
و طبعا هو مسبش الموضوع كده لا
هو استشهد بقوله ( والارض بعد ذلك دحاها)
و قالك ان المفسرين زي الطبري قالوا ان دحاها يعني بسطها و بقت مستوية (قصده الارض مسطحه )

و بعد كده قالك ان ابن كثير في تفسيره لما اطلع علي علم الفلك
قال ان دحاها بمعني بسطها علي مد البصر
و مش حابب ارد عشان احنا يهمنا هو بيرمي لايه
.

ركز بقي معايا كده
لانه بعد كده استشهد بتفسير دكتور عبدالصبور شاهين لما فسر بعض الايات و يوفقها مع نظرية التطور
و قالك ان حصل هجوم كبير عليه بسبب كتابة ده
و قعد يبرر لدكتور عبد الصبور
وهنا هو بيحاول يوريلك ازاي ان المسلمين متخلفين و جهلة و مقفلين علي نفسهم و معندهمش قابلية انهم يتناقشوا او يتقبلوا اي فكرة جديدة .

بننتقل بعد كده لكلامة عن احصائية بتقول ان ٩٨٪ من اكبر علماء الغرب بيدعم نظرية التطور و موافقين عليها
و تقدر تنتقل الي الدقيقة ١٠:٥٥ عشان تشوف اتكلم عن العلماء دول ازاي
وانهم صفوة العلماء اللي بيوحي اليهم

وهنا هرجع ارد عليه من كلمه
فاكر فوق لما قولتلك خليك شاهد انه بيستشهد ان شيوخ الدولة العباسية قالوا بتحريم القهوة
وان في فترة من الفترات البشر كانوا فاكرين ان الشمس اللي بتلف حوالين الارض
و رسخ جواك ان ممكن ناس كتير تكون مقتنعة بحاجه و بعد كده تطلع غلط
فاكر يا صديقي الفقرة دي فوق
الحمد لله انك فاكر
انا كمان بقولك يا عم سعدني انت ليه بتستشهد عليا ب ٩٨٪ من العلماء انهم مؤمنين بنظرية التطور
و هما ممكن يطلعوا غلط عادي زيهم زي اللي مؤمنين بان الشمس بتلف حوالين الارض
انا زهقت لحد هنا و مش هكمل رد
بس قبل ما اخلص
حابب بس اقولك ان سعدني هنا هو مش جاي يقنعك بان نظرية التطور صح و يعرضلك ادلة وكده
تؤ تؤ تؤ تؤ تؤ
هو خلاص حسم الامر و اثبت ان نظرية التطور صح ١٠٠٪
هو بس جاي يقولك ان انت ضد نظرية التطور بسبب احداث سياسية و و عسكرية
وان انت جاهل مبتفهمش و قافل علي نفسك
و مش عايز تؤمن بنظرية التطور
مع ان نظرية التطور صح يبن الجاهل يعامي ياللي متعرفش الالف من كوز الدرة
فالصراحة اللي خلاني اعلق علي الحلقة هو التطور الرهيب ده من ان احنا لسه بنثبت صحة النظرية
لحتة النظرية بقت مثبته خلاص وانت المشكلة عندك انك مش عايز تتقبلها
#هاشتاج و بتاع
#ريتش وكده
#ردود والذي منه