چلبت بيك وعرفتك
چنت ميت عيشتني

يا أبا عبدالله ???

شور
**

تحشمن بعد صاحت دلحكونه
ياچتالت اهلي شويه رحمونه
بس كلولي اخوي بيا مكان الگاه
اشو ياهو اليجيني مگشر سنونه

واويلا على العطشان
واويلا على العطشان

**

تركض حافيه والشوك ماذيهه
وخيل تجيبها وخيل الترد بيهه
اليكلها منين انتي تكله وين حسين
ويضربها ولاكو حسين يحميهه

واويلا على العطشان
واويلا على العطشان

**

عثرت خوف حست روحها بغابه
وصوت يصيح يمه وصوت يا يابه
اجاها الصوت زينب ركضي ويالخيل
وتندلين أخوج بحضن الترابه

واويلا على العطشان
واويلا على العطشان

**

شيبت من وكت وبيضت العين
يم حسين وتدور على حسين
حيره منين ما تندار مذبوح
وتگلب ب الجثث ميتين ميتين

واويلا على العطشان
واويلا على العطشان

**

ركضت والعطش ماكل گلبهه
ومن الضيم ماشافت دربهه
دم امعون ناشف من ورا الصار
من شافت زنيم الخيمه طبهه

واويلا على العطشان
واويلا على العطشان

من كد الطعن ماخلو مچان
حته عيوني ذبو بيهن تراب

واويلا ياأبا عبدالله ?

ياعلي النور... والحور... ياأول عشک
بيگ باهيت... حبيت... حب المن صدک

ميثم مجنون عيونك... مصلوب ويحچي بطاريك
يادين الله وتفسيره... وتفسيره الرب يسميك
انت الكعبة ومن تفرض... حتى الكعبه تطوف عليك

مولا مولا مولا مولا علي ياعلي
مولا مولا مولا مولا علي ياعلي...

**

سيد الآن... والجان... يطوفان البشر
موسى ناداک... لولاک... ماشگ البحر

ماحرك ساكن موسى... لوما بسمك ضل يصيح
العاشك دورات عيونك... عنده اسمك اعضم تسبيح
الطايح من شجرة يچلب... وانت الشجره شلون يطيح

مولا مولا مولا مولا علي ياعلي
مولا مولا مولا مولا علي ياعلي...

**

يوگف الريح... لوصيح... أسمك يا علي
تهتز الگاع... ترتاع... وكل هم ينجلي

منكر باچر من يسأل... مفروض الحب المن دار
وانه العاشك من زغري... وغيرك عاشك لا ما صار
لو حبك نار انه اركض... مجنون وادخل للنار

مولا مولا مولا مولا علي ياعلي
مولا مولا مولا مولا علي ياعلي...

**

ذكرك العيد... توحيد... تطهير الكلب
والي عاداك... أذاك... باچر ينصلب

اليمنع ذكرك بلمجلس... والينكر فضلك ملعون
ي المو بس ادم صلالك... لا صلالك رب الكون
غشمة وما عرفو كلشي... شما رادو بيك يفسرون

مولا مولا مولا مولا علي ياعلي
مولا مولا مولا مولا علي ياعلي...

**

خالق اللوح... والروح... ياخير العمل
ب الله ممسوس... قاموس... مانلكاله حل

انت البس الله يعرفك... وانت الكايل يابو حسين
انه الما واحد مثلي... قد قاب اكثر من قوسين
يلطولك آيه من الله... طولك كد السمه مرتين

مولا مولا مولا مولا علي ياعلي
مولا مولا مولا مولا علي ياعلي...

الرمح ما كفه نحره ورهمه الذباح
ومن كد ما ترف ضل ينزل براسه

السلام على عبد الله الرضيع ?