وهم...كلمن ما بچالك عايش بوهم
ندم...معروفه الحكايه وحصته الندم
العايف درب الحسين
خسرها الدنيا والدين
_
رحله الدنيا هاي ورحله صعبه
هواي امن البشر ماعرف دربه
يقربه للحسين الحبه ربه
الحرگه اعله النحر لله تقربه

الم...كلمن بالمجالس يشعر بالم
علم...هذا الي يحبك سيدي علم
والعاده المحبين
خسرها الدنيا والدين
__الما علك سواد وحطله رايه
اسمع مني شتكول الروايه
بچی حتی الحچر هاي البدايه
على الفوگ الترب ضلو رمايه

قيم...افهم هل شعائر واعرف القيم
قمم...هيه الترفع الخادم اله القمم
الماقدم قرابين
خسرها الدنيا والدين
__المايحضر عزائك شنهو عذره
انت بمجلسك تحضر الزهره
شنو ينفعه بمماته بوسط گبره
اذا لحسين ما باچيله گطره

رسم...واليحضر عزائه بالدمع رسم
خيم...مابيها حرگ لاسالمه خيم
المو ويه المعزين
خسرها الدنيا والدين
___علا الناده بحسرته هل مناصر
طبرنه الهامه كل مصباح عاشر
مانكدر نعيش ابلا شعاير
بدون احسين ما تحيه الضماير

سهم...گلب حسين لجلك ينضرب سهم
نعم...وصابوه بالحجر ها يالمحب نعم
والما يهمل العين
خسرها الدنيا والدين
____امامك لا تحسبه بعيد غايب
يحضر بالعزه وصدگ يراقب
اذا شافك حسيني تصير صاحب
واذا شافك بعيد يضل يعاتب

عدم...حياتك لوتعوفه تنتهي عدم
خدم...ابوصالح يحب طاريهم الخدم
الما ناذرله السنين
خسرها الدنيا والدين
_
✍️**محمد صادق الدراجي

لحن ... وي كل نفس تتألم

انت المعزى سيدي يا صاحب الزمان عج

انت المعزى سيدي ياصاحب الزمان
..................................................
جرح العسكري تارك أثر بينه
نواسيك بمصابك كلنه هل جينه
كل شيعي اجه وتهمل دمع عينه
ومانحمل دمعتك وانته تدرينه
.............
انت المعزى سيدي ياصاحب الزمان
...................................................
الله اليعلم بحالك شنو الصاير
شنهو الالمك وبيا جرح حاير
جرح العسكري لو سحگت الحافر
چم مره عليك تجدد العاشر
..........…
انت المعزى سيدي ياصاحب الزمان
......................................................
المهدي امن الجرح دمعاته هماله
وجينه اليوم مجلس كلنه نقراله
تره اليفگد ابو كلش صعب حاله
والأصعب من يشوف اگباله كتاله
……………
انت المعزى سيدي ياصاحب الزمان
………………………………………………..
عشت كل العمر بالدمعه والحسره
صبر ايوب مايوصل مثل صبره
جرح العسكري بگلبك مثل جمره
والبگلبه الجرح مااضن بعد يبره
……………
انت المعزى سيدي ياصاحب الزمان
………………………………………………
تحضر بالعزاء ويه امك الزهره
واليبجي عليك ابعينك اتنظره
واليدعي اللهي عجل بأمره
تدعيله يربي طول بعمره
……………
انت المعزى سيدي ياصاحب الزمان
………………………………………………
محمد صادق الدراجي

‏مقطع صوتي لحن ياثامن غصن

يا ثامن غصن من شجرة الزهره
الامام انته الغريب وضامن العتره
يا أمامي يا أمامي
...............................................
إنكسر ثامن غصن من الزچيه
الرؤوف الليله واصلته المنيه
خلي نواسي فاطم هالمسيه
اكيد اليوم تحضر بالعزيه
..............
الليله يهل دمعها وتبچي للمظلوم
ابن موسى ابن جعفر بالغدر مسموم
يا أمامي يا أمامي
..................................................
ابو محمد منو يشبها بصفاته
بس اه والم خلصت حياته
عاش الطف إلى ساعت وفاته
على حسين وعلى لوعة بناته
.................................
انشد ها يدعبل سولف أعلى حسين
وعلى جفوف ابو فاضل والسهم بالعين
يا أمامي يا أمامي
…………………………………………….
اليوم الزهره ضل يهمل دمعها
امصابك يالرضاء الليله فجعها
اجت هالليله بس محني ضلعها
بالمجلس تون محد سمعها
…………...............
بالهم والحزن والاه والحسره
للمجلس اجتك امك الزهره
ياامامي ياامامي
………………………...... …………....
اليعيش بغربه ياهالناس شده
ومسموم الرضا ويلاه چبده
مثل جده بقه بالغربه وحده
حزين ودمعته دوم أعلى خده
...............................
رغم مسموم تجري بحرگه دمعاته
ويتألم لچن لحسين آهاته
يا أمامي يا أمامي
................................................................
الدعاء ابابه بي كلكم تعرفون
ثلث حاجات ينطي لليزورون
انگله يالرضا بدمعات العيون
ابظهور المهدي كون اتسكت الجفون
………..................
حاجتنه الظهور وكلشي ماعدنه
ليل انهار يدعي لجيته واحدنه
ياامامي يامامي
.............................................................
محمد صادق الدراجي