#وصفات_سهلة

#مقروط_السنيوة_الجزائري

السلام عليكم اخواتي الكريمات أسعد الله صباحكم بكل خير

ها قد حان موعد تقديم وصفة وطريقة تحضير البقلاوة بالبدائل الطبيعية كما وعدتكم

وصفة البقلاوة بالبدائل الطبيعية على طريقتي

400غ فرينة القمح الكامل اللينة
رشة ملح
100غ سمن طبيعي مصدر حيواني دايب وبارد
1بيض عرب وزن 25غ
(ماء زهر المقطر+ ماء) لتبليل العجينة

نلمها جيدا نتحصل على عجينة طرية
نخليها ترتاح 4 ساعات ممكن أكثر حتى ل 6 ساعات

الحشو
400غ لوز و جوز مرحي ( غير محمص)
او كاوكاو
90غ سكر التمر الطبيعي الرطب
20غ سمن دايب وبارد
نرشها فقط بماء الزهر
حذاري لا نبللها( ما نشمخهاش نرش فقط)

كمية عسل التمر معصور عالبارد 300غ

طريقة التحضير

بعد ماترتاح العجينة
نقطعها لقطع ونبدا نفتح فيها الى شرائط ونطوي على 3 ونعاود نفتحها

نستعمل الألة
اولا نجوزها على رقم 5
ثانيا نجوزها على رقم 7
على حسب réglage الالة
المهم العجينة لا تفتح على الرقم الاخير مالازمش تفتحوها رقيقة

هده البقلاوة لازم تطيب في
مول زجاجي او سنيوة من النحاس
قيس السنيوة بهده المقادير
15/12 سم
14/14سم

نضع كمية من السمن البارد على السنيوة
نبدا نضع الأشرطة الطبقة الاولى ونضع عليها سمن بارد ( 2 ملاعق كبار)
كيما نحضروا البقلاوة التقليدية مافيهاش طريقة أخرى

الطبقات الاولى من الاسفل 7 طبقات
ملاحظة مهمة:
نضع السمن بين كل الطبقات إلا على الطبقة اللتي نضع عليها الحشو

نضع الحشو بالتساوي فوق العجينة
ملاحظة : لا نضغط على الحشو نوزعوه فقط

نكرر عملية وضع الطبقات من الأعلى
7 طبقات
نقطع البقلاوة مربعات او مقروطات
رشق حبات اللوز من فوق

الطهي على درجة 150'
مدة الطهي من 3 ساعات
على حسب نوعية الفرن

كل وحدة تتحكم في مدة الطهي على حسب الفرن ل متعودة تطيب عليه البقلاوة

المهم لازم تطيب من الاسفل ومن الأعلى
بعد ما تطيب نخرجها وهي ساخنة
نعسلها بعسل التمر الطبيعي معصور عالبارد
خلوها مدة 24 ساعة ثم نتناولوها
بالصحة والراحة

ان شاء الله الوصفة والطريقة راهي واضحة

هده طريقتي وهده الوصفة لنعتمدها
في تحضير البقلاوة بالبدائل الطبيعية

للعلم اخواتي
بما انه انا مدربة مدربين قدمت من قبل ورشات حضورية وكان من بين الدروس هده البقلاوة خلاصة القول
وصفة البقلاوة بالبدائل الطبيعية بكل صدق ومصداقية
كل وحدة تجرب هده الوصفة تنورنا ب صورة للتطبيقات ادا لقيت تطبيقات كثيرة
ممكن نعمل مسابقة ???
ونختار فائزات 2 او 3

تقبلوا تحياتي
ودمتم سالمين
Prestige #Yasmine

غريبية الورقة

#تيراميسو

قاطو موكا