? لوعه الرباب
? كربلائي محمود قيم
?الشاعر انور الهلباوي
✅مشاية موكب المحسن ابن فاطمه

اللهم عجل لوليك الفرج والنصر والعافية واجعلنا من خدامه وأنصاره وأعوانه والمستشهدين بين يديه بحق محمد وال محمد الطيبين الطاهرين

تحزمت للغربة زينب بت علي
يحدي ذباح الهواشم بيهه ..

يحدي ذباح الهواشم بالضعن
مدللات ويالغرب لمن مشن
والغريب الظامي وبلاية جفن

....عاري ظل والجثة المسلبيهه

جمرة بكلوب الفواطم ماطفت
عيون زينب بالسبي لا ماغفت
لاخيام وبالفلة زينب صفت

....بناكة هزلة وشامت اليحديهه

خيمة اختك شبت ومحد فزع
حزام ظهري الجنت اشدنه انكطع
حشمت وين الجفيل وماسمع

....وخيمة اختك ياهو اليطفيهه

يحدي بيهن شامت وشبعن قهر
وين هاشم راح أموت من النظر
مثل ظهر حسين هم ظهري انكسر

....لو هوت وين الذي يتجيهه

وينه كافل خدري ينهض لو خيال
هاك شوف آثار جفي من الحبال
وين جان الكبل لا كله تعال

....يفزع وبالراية الي يغطيهه

انتي عالناكة وشمر يطرد وراج
وماكو راية والشمس تحرك كفاج
بس يتامة تلوذ يالحرة بحماج

...الكبل جان الكافل يلم بيهه

من يجبل اليل ترجف ادي
لا خيمة لا باب ينسد علي
بالهيمة لا دار لا عدنة في

مغصوبة اروح.....

غير أنتم الكضيتو عالتراب
ونار المخيم حركت الثياب
يا لوعتي ويا لوعة الرباب

اكضيهه نوح...

النار بخيامي حركت الزغار .
بين الغرب شافونه بالنهار
آنه الاميرة وهيج بيه صار

حسين يبن امي حركوهه الخيم حسين
..................

عيني اعله العيون مامش عرف
مجتوفة مابين سبعين الف
امشي ويشمات او وين الصلف

ماعندي راي...

مجتوفة آنه وامشي بالحبال
ذبحوا اخوتي وذبحو الدلال
لا بي كمر لا راية ضعني شال

ماردنه ماي...

ردناك اخو ويباري بالضعون
وحر الشمس ذب من عبينه لون
امشي واعاين أدري ما تجون

حسين يبن امي حركوهه الخيم حسين...
.................

وية الغرب ليش ماكو الكمر
يبرالي بالسوط خوية الشمر
من جدمت النوك ضهري انكسر

ضعني يشيل ....

لو ما أخوتي والله انه أموت
وذاك الحجي يسمعوني من افوت
وسمعوني وآنه الماطلعلي صوت

دربي طويل.....

اليبرالي وآنه بت علي تصير
اليحدي عبد وآنه ابوي أمير
وجتفونه لا خلو مرة وجبير

حسين يبن امي حركوهه الخيم حسين....
.....................

ماعدهه كل راي فوك الهزل
من جف كمر ليش بيدي الحبل
شحجي اعله الخيام لو انسأل

جابولي نوك...

هزلة ودرب ماعرفة من مشيت
لاني لهلي ولا لخوتي بقيت
بدرب اليسر بين الغرب صفيت

دخلوني سوك...

يدروني زينب آنه بت نبي
بيدي الحبل ومشككة العبي
وين آنه وين وامشي للسبي

حسين يبن امي حركوهه الخيم حسين ...