{متلازمة النفق الرسغي carpal tunnel syndrome }
قبل كل شيء اسمه (نفق) عود يشبه النفق الي يمر بي قطارات وسيارات 🚇
(رسغي ) لان موجود بالرسغ
فهـسه النفق الرسغي هو نفق موجود براحه كف اليد 🤚🏻

هـل نفق تحيط بي عظام الرسغ من جهه ومن جهه ثانية الاربطه مال اليد (مثل الصورة )
داخل هذا النفق يمر عصب اسمه( median nerve ) بالعربي اسمه( العصب الاوسط)

هذا العصب مسؤول عن الاحساس براحة كف اليد وحركة اليد وحركة الابهام ويغذي الإبهام وإصبع سبابه والأوسط ونص اصبع البنصر (half of ring finger )

اذا صار التهاب ع سبيل المثال هل التهاب يصير بمنطقة مغلقه ما بين العظم والاربطه فـ العصب راح ينجعص وينضغط
من صار ضغط على العصب راح يصير خدر وتنميل براحة اليد وبعدين ممكن تتطور الى ضعف بـ قبضه اليد

التكملة باول تعليق ☃️*
*فهـمت ؟حـط ☃️☃️☃️#جيش_الابيض 『 @Dr_ar19 』

نسولف على هشاشه العظام شوية 🐣*✨***

المريض يجي يكول عندي هشاشه موتتني ، سويت تحليل d3 وطلع بي نقص يعني عندي هشاشه الخ…❌
الهشاشه متسوي اعراض ، العرض الي يجي بي المريض هو مضاعفات

يعني الاعراض مال هشاشه هي مضاعفات🪿*✨***
مثل الكسور ، يعني مثلا قبل كم اسبوع بالاستشارية شفت مريضه جتي كالت دكتور اني بالسوك تخربطت ووكعت بالكاع وصارت عندي كسور

مريضة ثانية دكتور جريت مجمده وانكسرت فقراتي

مريضة ثالثة دكتور عندي كحة قويه وصار وجع لا يحتمل بظهري الخ…

فـ بالعادة أحنه إذا نجر مجمده او نسقط بالارض متسويلنا هيج كسور

👵🏻النساء بعد سن انقطاع الدورة اكثر عرضه للإصابة بالهشاشة من الرجال ليش؟؟
التكملة اول تعليق 🐣**✨ ، فهمت حط ☃️****

#ألـجـيـش_الابـيـض『 @Dr_ar19 』

💗طفل عمره 9 سنوات اجه للطوارئ لان وكع ع ايده هو ومادها اثناء لعب الطوبة⚽️
فـ اجه للطوارئ لان عنده الم قوي +تشوه(deformity) بيده مثل ما واضح بالصوره …

💗هذا النوع من الكسور شائع جداً واسمه (كسر كوليز ) (colle's fracture ) يجي بالقصه الي ذكرتها وكع وهو ماد ايده يعني عود حتى يسند جسمه او يلزم الكاع وهـيج شي على ايده فـ يصير كسر بعظمة اسمها radius 🦴 (صورة رقم 1)

💗راح يصير تشوه بيده لان العظمة نكسرت نص بقه مرفوع ونص ثاني نزل جوه (صوره رقم 3 ،2)
هذا التشوه يشبه شوكة الطعام (چطل)🍴 يسمو “dinner_fork deformity “

التكملة اول تعليق ، فهمت حط ☃️*☃️***

#كسور
#جراحه

#ألـجـيـش_الابـيـض『 @Dr_ar19 』

*?*من ضمن طبقات الجلد ، عندنا طبقتين وحده اسمها البشرة والثانية اسمها الادمه بينهن اكو خلايا هاي الخلايا تطلق النا صبغة اسمها (الميلانين ) هاي الصبغة هـي المسؤولة عن لون البشرة

?بحال صار فرط بأفراز هاي الصبغة لاي سبب من الاسباب راح يصير عندي (تصبغات) الي هي تكون منطقة داكنه اكثر من لون البشرة الطبيعي

〽️شنو هـي الاسباب الي تخلي يصير عندنا تصبغات ؟
الاسباب كثيره منها خربطه الهرمونات منها الادوية مثل ادوية الغدة الدرقية بعض الحالات المرضيه مثل مرض اديسون ممكن بسبب السكري يصير عندي مقاومة إنسولين
ذني كُلهـن اسبابهن مرضيه وتكون داخلية ويتم معالجتها بمعالجه المسبب الرئيسي

?لننسه اشعة الشمس ?شرحتلكم بموضوع واقي الشمس شنو ممكن تسوي +اكو شي اسمه oxidative stress البشرة راح تتعرض لعملية تأكسد كُلش قوية فراح تسبب الي تصبغ

*?*التكملة بالتعليقات ، فهمت؟ تفاعل *☃️***

#ألـجـيـش_الابـيـض『 @Dr_ar19 』

?منشور اليوم مو طبي نخلي للطلاب المقبله ع التخصصات الطبية بالجامعة تستفاد من تجاربنا
1⃣الطريقة الي أشوفها صحيحة والي أني امشي عليها (ومو شرط أنت تمشي عليها مجرد اقدمها الكم إذا فادتكم خير مفادتكم سويلها سكب )

2⃣الطريقة الصحيحة للدراسة كـ اول 3 مراحل هي (فهم ، تخيل ، حفظ )

3⃣نفرض عندك التشريح والي هو معضلة طلاب المراحل الأولية تطلع مقاطع ع اليوتوب لدكاترة مصريين ، عراقيين ، أجانب

5⃣دفتر أو ورقة وقلم وياك وتسجل وتلخص كُل شي يكولوا بطريقتك الخاصة مو شرط كله إنكليزي تكتب ، اكتب عربي وإنكليزي وبالعامية وارسم ومثل

5⃣تطلع صور ع كوكل حتى تسهل الكم الحفظ لان التشريح مثل الجغرافية تذكرون من چانوا يكولون فلان نهر يتفرع بكذا محافظة إلى هلكد افرع و… فهو هنا التشريح نفس الشي

*?*اول تعليق*⬇️ *+حول المنشور للطلاب المقبلة على التخصصات الطبية *?*?****

#ألـجـيـش_الابـيـض『 @Dr_ar19 』

*?*رجل عمره 72 سنة غير مدخن عنده ضغط وسكر إجه يشكو من تعب ونحول قوي وضيق بالنفس

➡️الأعراض تتضمن صخونة ، گحة بيها بلغم اخضر ، ألم بصدره خصوصاً من يكح

➡️هاي الأعراض تتماشه ويه pneumonia (نيمونيا) (الالتهاب الرئوي ) بقه شلون اتأكد منها ؟؟

‼️بتعريف منظمة الصحة العالمية يكلك من خلال السماعة وفقط ،وتكدر تستعمل أشعه بس ممتوقف التشخيص عليها

?فـ أنت نفرض بمركز صحي وماعندكم أشعة واجاك مريض بهل أعراض تحط سماعتك ع صدره وتكله أخذ شهيق راح تسمع صوت يشبه صوت الخشخشة أو صوت الاركيله نسمي (crackles) هاهيه ثبت التشخيص عنده التهاب بعد إنت كبل تنطي antibiotics (مضاد حيوي ) لحد ما يروح للمستشفى يسوي أشعه

?فهسه النيمونيا هو التهاب ناتج عن اصابه بكتيريا اسمها (pneumococcus)
ممكن اكو أنواع مختلفه من البكتيريا مثل Mycoplasma /Chlamydia/ Legionella
ممكن كذلك فايروس (بس هو اكثر شي بكتيريا )

*?*التكملة اول تعليق+ اذا فهمت حط ☃️*☃️***

#ألـجـيـش_الابـيـض『 @Dr_ar19 』

اني وافرفر بالردهات ادورلي كيسات ممتعه لفت انتباهي ولد صغير عمره 16 ، فـ رحتله وبلشت ويا وويه اهله بطرح بعض الاسئلة واستكشاف حالته

عمره 16 سنة ، عنده سكر
فجأه وبلش يصير عنده خمول وحرارته ترتفع ، لعبان نفس وتقيء وفقدان للشهية
بعدين شويه شويه هذا بده يصير لونه اصفررر وعيونه صفر

الاطباء شخصوا hepatitis A (التهاب الكبد الفايروسي نوع A)
كُل الاعراض الصارت ويا سهله ، بس نجي ليش صار عنده هل اصفرار ؟

التكملة بأول تعليق ??✨

#ألـجـيـش_الابـيـض『 @Dr_ar19 』