@mujavvid курсимда ўқигандилар, бугун яхши хабар билан келибдилар. Битта пост учун 80 минг сўм бошланишига яхши натижа.

Копирайтинг, таҳрир ва тасҳиҳ ишлари бўйича мурожаат қилаверасизлар.

@Abduazim_uz

Ўзбек тилида гап урғуси асосан кесимнинг олдидан тушади:

Урғу ҳақидаги битикни ақлли одамлар диққат билан ўқимоқда. Бу ерда урғу жараён қандай кетаётганига қаратилган, яъни диққат билан.

Урғу ҳақидаги битикни диққат билан ақлли одамлар ўқимоқда. Бу ерда эса эътибор жараённинг бажарувчисига, яъни ақлли одамларга қаратилган.

Ақлли одамлар диққат билан урғу ҳақидаги битикни ўқимоқда. Бу ерда жараён ниманинг устида кетаётгани, яъни урғу ҳақида гап кетяпти.

✅ Бир қараганда бу нарса аҳамиятсиздай кўринади, чунки сўзлашувда бунга эътибор қилинмайди кўп, ҳаттоки юқорида айтилганлар (бир бўғин бошқаларидан кучлироқ айтилиши) йўқдай туюлади. Аммо бу нарса бор. Бирор нимани таъкидлаб чўзиб айтаётганимизда билинади.

💡 Каналнинг бошида айтганимиздек, тил қоидалари янги ўйлаб топилган нарса эмас, балки бор нарсани номлаб, шарҳлашдир. Худди бизга жинс ва бошқа қайсидир сифатларимизга қараб исм қўйилгани каби.

https://t.me/yozsak_yozaveramiz
https://t.me/+sQuFF4-YaHdjZjEy

​​#фонетика #урғу 📖 Сўздаги бирор бўғин ёки гапдаги бирор сўз бошқаларидан кўра кучлироқ айтилиши урғу дейилади. 💡 Мавзуга уқурроқ кирилса, урғу тоник, динамик, квантитатив каби турларга бўлинади. Лекин бу канални юритишимдан мақсад — асосий бошланғич билимларни…

​​#чўзилиб_кетган_лирик_чекиниш)
#шеър

— Оёғинг неччийди, "ўттиз иккими?"
Оламиз "ўттиз уч" ёки "тўртини",
Авайлаб киясан йиллаб:
иккими
Ёки уч... — айтолмас онам "тўрт"ини...
Пахтага тўлади оёқнинг учи,
Токи оёқ ўйнаб қолмай сиққунча.
Пахтадан бўшайди ботинка учи
Ва кийилар оёқларни сиққунча.
Катта олинарди кийимнинг бари,
Киярдик уларни кун, ой, йил санаб.
Қалб роҳатланарди йил ўтган сари —
Янги кийимларга кўчганда тана...
Кийим тораярди, лек йўқ эди ғам,
Ҳозир юрак ушлаш — иши қўлимнинг.
Юрак сиғмай борар дунёсига ҳам,
Роҳати бормикан ёки ўлимнинг...

*© Умархонов Ғиёсхон
📆 13.02.2021
🌍 Қоҳира*

​​🤑 Келинг, пул топамиз!

🤔 Қўлингиз — гул, ҳунар ўргана оласиз. Айниқса, майда ишларни ёқтирасиз, эринмай бажарасиз.

🤩 Сизга ноодатий — сумка тўқиш курсимизни тақдим қиламиз! Ўқиш жараёнида икки хил сумка тўқишни ўрганасиз. Бу эса сизни даромад эгасига айлантиради.

📃 Батафсил маълумот учун гуруҳга киринг ва админга ёзинг ёки қўнғироқ қилинг:

📞 +998990584522

Ўсиб бораверар ўйлаган сари,
Ўйлаганинг сари ботасан терга.
Ташвишлар бошингдан кетмайди нари,
Кўкрагингни бериб ётасан ерга.

Соатнинг миллари юрар имиллаб,
Дуога кўтаргинг келмас қўлингни,
Оғриғи қўймайди юрак симиллаб,
Ўйлайсан — давоси шу деб — ўлимни...

Истайсан бор йўғи меҳрли бир қўл,
Бошинг силагани ота-онанг йўқ.
Истагинг имконсиз — топилмайди йўл —
Йиғлаб олай десанг, ҳатто хонанг йўқ...

Дардлар юрагингни сиқар тобора
Ва кета олмайди кўзингдан чиқиб.
Иложсиз қолади охирги чора —
Ғурурингдан баланд келолмас йиғи...

© Ғиёсхон Умархонов

#Шеър

@Kitaabun

​​📝 "Ҳашар"ларга кўп қатнашганман, аммо таҳриримдан тўлиқ ўтган илк китоб шу бўлади. Ниҳоят сотувга чиқибди.
✂️ Бу китобга қилинган меҳнатни адашим ўта катта жасорат деб атадилар.😁

✅ Китоб дўконларидан сўранг.

https://t.me/yozsak_yozaveramiz

Китобда баъзи имловий хатолар чиқиб қолса, мана бундай тузатилганини ҳам эслаб қўйинг. )

#Мусаҳҳиҳ_иши

@Kitaabun

​​#шеър

— Дарёга бор, агар чанқаган эсанг.
— Узоқ-да, машаққат дарёнинг йўли,
Кўлмакдан қониққум, индама, — десам,
Ёқамга чопади уларнинг қўли...

Қўлингда борини қўярлар олиб,
Мантиқ йўқ, аламлар қолар қўлингда.
Ҳақиқат бир куни бўлажак ғолиб,
Мантиқнинг бошини кўрдим ўлимда...

© Умархонов Ғиёсхон
2019

https://t.me/yozsak_yozaveramiz

​​#мулоҳаза

Ҳар нарсага фикр билдиравермайман. Бутун дунё ташвишига айланган охирги воқеалар ҳақида ҳам ҳеч нарса демадим. Фақат баъзи изоҳларга "тарихини ўрганинг "ўшалар" (бироз қўпол сўзлар ишлатдим баъзида)нинг, сиз айтаётганингиз янглиш тушунчалар..." мазмунида жавоб ёздим. Нариги тарафга нисбатан юмшоқроқ сўзлар ишлатдим. Яна уруш тезроқ йўқолиб кетишини, ҳийла қилиб бу ишни чўзаётганлар хор бўлишини тилаб изоҳ ёздим. Изоҳу тилакларни ҳаммаси бўлиб беш мартаям ёзмадимов...
Тармоқлардан анча узилганман. Кириб, саҳифа танламасамам ўзи ҳамма жойда шу мавзу, аммо саноқли одамни кузатаман бу мавзуда, уларнинг таҳлилларини ўқиб, бор-йўғи кўктугма (Like) орқали туйғуларимни ифодалаган бўламан. Ўша мавзуда ёзилаётган битиклар кўпи ўчиб кетаётганидан хабарим бор. Аммо... уч кунки, шу "фисқбоғ" (facebook) сифатланмиш тармоққа кираман десам, саҳифам чекланганини айтяпти. Сабабини эса кўрсатмаяпти. Сабабларни титкилаб, ножўя хатти-ҳаракатлар бўлгани учун саҳифага чеклаш ўрнатилиши мумкинлигини билиб олдим...
Ҳиссиётларини жиловлай олмай қуюшқондан чиқиб кетиб фикр билдираётганларни тушунаман ва бу хато эканини эслатиб қўяман: чунки энди ҳиссиётларни жиловлаб, ақл билан иш тутиш керак. Ҳақиқий илм аҳлларига, соҳаларнинг мутахассисларига қулоқ тутиш керак энди. Кимдир бошлаган ишини эълон қилса, "улар қирилиб кетаётган пайтда тижорат кўнглига қандай сиққани"ни айтиб маломат қилманг. Ҳамма ишини йиғиштириб қўйиб оҳ-воҳ қилиб тирикчилик қилиш маҳол. Ёзаётганларидан қайғураётганга ўхшаган билан аслида хўжакўрсинга ёзаётган бўлиши мумкин. Ишида давом этиб, қалбида сиздан кўп қайғураётган, ибодатларини сиздан кўп қилаётган, тунлари бедор йиғлаб дуо қилаётган бўлиши мумкин.
Бу воқеалар, бу юз очилишлар миллати, дини, ирқидан қатъи назар, озгина бўлсаям виждони бор ҳар қандай одамни эсанкиратиб қўйди. Ўзим ҳам уйқумни йўқотиб қўйдим. Ҳаловатимни йўқотиб қўйдим. Ҳиссиётларим, ўйларим бир неча юз, балки минг варақ бўлар баён қилсам...
Яшаётган жойимиз тинч, яшашга ҳамма нарса бор. Товуқ-хўрозлар аввалгидай дон чўқилаб, тухум қўйиб, қичқирибу қақақлаб юрибди, итлар ҳуриб, эшаклар ўшандай ҳанграяпти, машиналар сигнал чаляпти ташқаридан қараганда. Фақат кўнгиллар нотинч... Кўнгилларни эса тармоқларда қилаётган оҳ-воҳларимиз бироооз тинчитмоқда... Яна асл адолат куни борлиги ҳам...
Воз кечишга чақирилганлардан кечдим. Муқобил топиларкан, одам ўлмаскан бошқа нарса биланам. Ўша муқобилни ўзимиз ишлаб чиқаришимиз керак. Бу учун эса албатта илм керак. Ҳозир оммавий қилинаётган қўлдан келган "воз кечиш" (бойкот) амалиётидан ташқари илм ҳам олишимиз керак, келажак авлодни илмли қилиш керак. Юқорида айтганимдай илм аҳллари, ҳар соҳанинг мутахассисларига қулоқ тутиш керак, холос.
Дунёда тинчлик бўлсин!..

https://t.me/yozsak_yozaveramiz
https://t.me/+sQuFF4-YaHdjZjEy