“Uzbekistan GTL” MChJ kasaba uyushmasi tashkilotining hisobot-saylov konferensiyasi o‘tkazildi

2025-yilning 27-fevral kuni “Uzbekistan GTL” MChJ kasaba uyushmasi boshlang‘ich tashkilotining hisobot-saylov konferensiyasi bo‘lib o‘tdi. Konferensiyada tsex va bo‘limlardan saylangan 38 nafar delegatlarning barchasi ishtirok etdi. Shuningdek, konferensiya Ishida O‘zbekiston energetika, neft-gaz va geologiya xodimlari kasaba uyushmasi Respublika Kengashi raisi Qurbonov Shuhrat To`rayevich, “O‘zbekneftgaz” AJ birlashgan kasaba uyushma qo‘mitasi raisi muovuni Qurbonov Jumaqul Fayzullayevich, “Uzbekistan GTL” MChJ Bosh direktorining birinchi o‘rinbosari Karabayev Ravshan Raxmonjonovichlar ishtirok etdi.

Konferensiya "Uzbekistan GTL" MChJ boshlang‘ich kasaba uyushmasi qo‘mitasining 2023-yil may oyidan 2025-yil fevral oyigacha bo‘lgan faoliyati hamda Taftish komissiyasi hisoboti tinglandi. Hisobot maʼruzalari xususida xodimlarning fikr-mulohazalari eshitildi. Konferensiya ishi davomida “Uzbekistan GTL” MChJ boshlang‘ich kasaba uyushmasi qo‘mitasining faoliyati “qoniqarli” deb baholandi.

Konferensiya kun tartibiga asosan “Uzbekistan GTL” MChJ kasaba uyushmasi qo‘mitasining raisi muqobillik asosida yopiq ovoz berish orqali saylab olindi. Saylov natijalariga ko‘ra Amanov Sultonbek Baxtiyorovich kasaba uyushmasi qo‘mitasi raisi etib qayta saylandi.

Konferensiya davomida Kasaba uyushma qo‘mitasi va Taftish komissiyasi aʼzolarining yangi tarkibi saylandi, shuningdek, kasaba uyushmasi qo‘mitasi aʼzolariga dublyorlar belgilandi. Bundan tashqari, Oʻzbekiston energetika, neft-gaz va geologiya xodimlari kasaba uyushmasi Qurultoyga delegat ham saylandi.

Konferensiya kun tartibiga qo‘yilgan barcha masalalar ko‘rib chiqildi. Korxonaning yangi kasaba uyushma qo‘mitasining kelgusidagi faoliyati yo‘nalishlari belgilab olindi.

“Шўртан нефт ва газ қазиб чиқариш бошқармаси”да касаба уюшмаси ташкилотининг ҳисобот-сайлов конференцияси бўлиб ўтди.

Унда Ўзбекистон энергетика, нефт-газ ва геология ходимлари касаба уюшмаси Республика Кенгаши раиси Қурбанов Шухрат Тўраевич иштирок этиб, касаба уюшмасининг аҳамияти, сўнгги йилларда тизимда амалга оширилаётган кенг кўламли ислоҳотлар, ходимларнинг ижтимоий-иқтисодий ҳуқуқ ва манфаатларини ҳимоя қилиш борасида олиб борилаётган ишлар ҳамда жорий йилда касаба уюшмаларининг 120 йиллигини кенг нишонлаш бўйича атрофлича тўхталиб ўтди.

Конференцияда дастлаб, касаба уюшма қўмитасининг 2020 йил феврал ойидан - 2025 йил феврал ойига қадар фаолияти юзасидан қўмита ҳамда тафтиш комиссияси раисларининг ҳисоботи тингланиб, касаба уюшма қўмитасининг фаолияти "қониқарли" деб баҳоланди.

Муқобиллик, шаффофлик ва яширин овоз бериш йўли билан ўтказилган сайловда Мардонов Нодир Хонимович бошқарма касаба уюшмаси қўмитаси раиси этиб сайланди.

Шунингдек, конферецияда касаба уюшмаси қўмитаси ҳамда тафтиш комиссиясининг таркиби ҳамда "Ўзбекнефтгаз" АЖ бирлашган касаба уюшмаси ташкилотининг конференциясига 14 нафар делагатлар сайланди.

Конференция якунида касаба уюшмаси ташкилотининг кейинги 5 йилдаги фаолиятини янада кучайтириш бўйича устувор вазифалар белгилаб олинди.