Bisi kita ke ditu udah pejalaika tisih bejaku kena SPM? Baka ni gaya kita bejaku? Asai kita ulih saut enggau manah kini?🤭🤭

Penambah Kepit

- Dikena ngepit urat jaku ti dikena dalam jaku pengawa tumbuh

Chunto:
be-....-ka
di-...-ka
nge-....-ka
dipe-......-ka
me-...ka
n-....ka

SEMPAMA SEHARI TU

Baka keling

Reti : Nyemaka penyigat gamal lelaki.

Chunto ayat : Gurang amat tak baka keling lebuh udah masukka ngepan pungka lelaki iban.

Sumber : Bahagian Pembangunan Kurikulum - KPM 2008
-harold

📚Sempama Sehari Tu📖

➡️Baka kemarau munsang.

Reti
= Lebuh siang, mata deka tinduk tang lebuh malam, mata enggai tinduk.

Chunto ayat
= "Joeclyn baka kemarau munsang laban tinduk ba dalam kelas, " ku Gathly madah ngagai Cessy.

SEMPAMA SEHARI TU

Bisi niki nibung, bisi niki pinang

Reti : bechiping

Chunto ayat: Nuan enda patut bisi niki nibung, bisi niki pinang lebuh bebagi reta ke anak

SEMPAMA SEHARI TU

Baka kera diberi bungai

Reti : Meri utai ngagai orang ti enda nemu nguna iya.

Chunto ayat : Raban sida nya indah baka kera diberi bungai enti diberi bup laban siku pan nadai mih nemu macha.

Sumber : Bahagian Pembangunan Kurikulum - KPM 2008
-harold

SEMPAMA SEHARI TU

Sempama : Batang enda telanggarka tuga

Reti : Bala nembiak enda telabanka penemu orang ti lebih tuai ari sida

Chunto Ayat : Sida Angga enda berani mantah sereta nyangkal penemu pengajar Juna enda nyalah baka sempama batang enda telanggarka tuga

Lembau berensera ka penguji
Ngichaka enda rarat taja seinchi
Semina disempulang enggau leka sampi
Kering mih nuan ati

credit : facebook|Cr Chrys Calvin