Beyazıt Bestami Keçelining
''İzdiham'' 
she'ri ichra rosti kuy bo'lib oqdim.Holatdan chiqardi.

Beyazıt Bestami Keçeli
İzdiham 

Исмим сўзла менга ,
унда қалбим бўлсин .
Овозинг, овозинг
бир гўзал қўшиқ бўлсин .
Сен бир ўрмондирсан
бир оғочнинг ичинда ,
Мен қақроқ даламан
бир бошоқнинг ичинда.

Ул кема ортидан
сен маҳзун тортмагин деб
Йўқолган осмонни
ҳовучинга келтирсам.
Сен бир булутдурсан
бир ёмғирнинг ичинда ,
Мен қуруқ чўлдирман
бу қумларнинг ичинда ,

Менга бир  мактуб ёз ,
ватан бўлсин бу мактуб ,
Эшигидан чиқайда , 
эшигига таянай .
Сен битта уйдирсан
бир одамнинг ичинда ,
Мен улкан йўқликман
ва  ҳечкимман ичингда .

Ғамзангни қизғониб чексиз узоқликлардан ,
Ой келиб ул гўзал
яноғингда ўтирсин .
Сен бир рўёдирсан
бир ҳақиқат ичинда ,
Мен бир ярадирман
бир пичоғнинг ичинда .

Инкор этдим барин синдирдим қаламимни ,
Сасингдан бир гўзал
сурат чиздим ўзимга .
Сен бир ҳаётдирсан
бир ўлимнинг ичинда ,
Мен бир ўликдирман
бир вужуднинг ичинда .

Ўзгача бўларди 
агар қайта туғилсам ,
Шунча йиллар яшадим ,
шунча йиллар ўлдим .
Сен бир жаннатдирсан
бир онанинг  ичинда ,
Мен бир отадирман
бир етимнинг  ичинда .

Мен кимдан сўрайин бунда
не қилмоқликни ,
Ҳамма бу дунёга
бегона бўлиб чиқар .
Сен бир қуёшдирсан парвонанинг ичинда ,
Мен бир парвонаман Иброҳимнинг ичинда .

Башоратлар унут
синдирдим шишаларни ,
Пичоқларни кесдим
ҳовучим ўртасинда .
Сен бир Зулайҳосан
бир Юсуфнинг ичинда ,
Мен қоронғу сарой 
бир зиндоннинг ичинда .

Таржимон М.Мусаллам

Аҳмет Кая шеъри
Аҳмет Кая ижроси

Ўтмади ёрга сўзимиз ,
Йўлларда қолди кўзимиз .
Ерга сурулди юзимиз ,
Бўйламиш қора ёзимиз .
Гуллар ҳам очилмас бўлди ,
Булоқ суви ичилмас бўлди .
Ёр ҳам бизга кулмас бўлди ,
Бўйламиш қора ёзимиз .
Ёлғиз уни ёр дегандик ,
Надир унда бор дегандик .
У ҳам англар зор дегандик ,
Бўйламиш қора ёзимиз .
ҳей кўнгил яна қайтар тун ,
Бу дард оғир тундан устун.
Тўхтайлик барчаси учун ,
Бўйламиш қора ёзимиз .
Бахтнинг иши балки бу ҳам ,
Бошланиши балки бу ҳам .
Ўзга билан бахти бекам ,
Бўйламиш қора ёзимиз .

Таржимон М.Мусаллам

--------
Ишқ бўлса покиза қўлларин тутсам ,
Ҳаққа ошиқларнинг дилларин тутсам .
Боқийлик боғига олиб борса ишқ ,
Дунёнинг муаттар гулларин тутсам .
Ҳур бўлса кўклардан
учмаган бўлса,
Жаннат гулларини қучмаган бўлса .
Асрасам юрагим остига босиб ,
Ҳеч кимнинг назари тушмаган бўлса .

Муслим Мусаллам

„Emas oson bu maydon ichra turmoq,
Nizomiy panjasigʻa panja urmoq.“

Alisher Navoiy

Бу шеър таржимаси кўп бўлсада мен ҳам уруниб кўрдим .
Камчиликларига рози бўласиз .

РАМИЗ РАВШАН

Яна бу шаҳарда юзма-юз келдик ,
Нетайлик ,бошқа  бир шаҳаримиз йўқ .
Балки биз ҳам  баҳтли бўлаолардик ,
Балки баҳтлидирмиз ,ҳабаримиз йўқ .

Орадан не узун йил ўтиб кўрдим ,
Бироқ танимадим,  мени кечиргин .
Мен сенсиз ўламан дея ўйлардим ,
Мен сенсиз ўлмадим, мени кечиргин !

“Ўлмадим” дейману , билмайман ахир ,
Балки чиндан сенсиз
ўлиб бўлганман ,
Қабрсиз- кафансиз
ўлиб бўлганман .

Балки айрилмасак эди ўшанда ,
На мену ,
на сену хозирги каби
Айрилдик шайтонни кулдирдик  охир .
Бу йилни,
бу ойни,
ҳамда бугунни ,
Мана шу кўчанинг бу бурчагида
Мен сени ,
сен мени ўлдирдик  охир .

...Ўнгимиз- сўлимиз одамга тўла ,
Қўл ушлашиб эркак, аёллар ўтар .
Ўзидан ҳабарсиз
минг йўл умрида
Ўзини ўлдирган одамлар ўтар .

Кечир ўз қонига ботган одамлар ,
Бунда қон қанидир ?
Қон ахир йўқдир .
Ҳамма гуноҳкордир дунёда  аммо
Дунёда ҳеч кимнинг гуноҳи йўқдир .

Бизларсиз ёзилмиш  бу толе ,бу баҳт ,
Сопқондан отилган тошмиз учганмиз .
Бу дунёда ўн йил, ўн беш йил эмас ,
Минг йил олдин бизлар
айро тушганмиз  .

Ҳалол йўлимизни ўзгартса надир ,
Ҳайрона ,бир ўзга йўлдан кетдик биз .
Минг йил олдин ўтган
хато қандайдир,
Минг йиллик хато деб қурбон кетдик биз .

Ўзгартирган жойин балки қиш-баҳор ,
Қоришиб дунёнинг шаҳари- кенти.
Балки ботинида ўгай оналар
Ўгай болаларин кездирар энди .

Умрим бошдан- оёқ ёлғондир балки ,
Толийим ўзгамиш чиндан тўғридир .
Ҳов йўлдан ўтётган
қиз онам балки ,
Бу ўғлон
эҳтимол менинг ўғлимдир .

Бу ёлғон умримдан кўрганим  несан ?
Балки ҳеч севгилим эмассан маним .
Онамсан .
синглимсан
момомсан
несан?”
Фақат  Аллоҳ билар кимимсан   маним .

Бизни ким қутқарар бу айрилиқдан ,
Етмас кўприк ,йўллар бу додга нетай .
Ўлгансан ,
тириксан ,
ҳар несан ,
тўхта !
Тўхта ,ҳеч бўлмаса қўлингдан ўпай .....

Айтасан “Ўламан, қўлимдан ўпма ...”
Қўлимнинг ичида
қўлинг титранар .
Айтасан “Сен  Аллоҳ ,қўлимдан ўпма ,
Қўлларимдан ахир қон хиди келар ...

Таржимон M.Mусаллам

Miriqib o'qigan hikoyalarimdan biri. ...