--------
Ишқ бўлса покиза қўлларин тутсам ,
Ҳаққа ошиқларнинг дилларин тутсам .
Боқийлик боғига олиб борса ишқ ,
Дунёнинг муаттар гулларин тутсам .
Ҳур бўлса кўклардан
учмаган бўлса,
Жаннат гулларини қучмаган бўлса .
Асрасам юрагим остига босиб ,
Ҳеч кимнинг назари тушмаган бўлса .

Муслим Мусаллам

„Emas oson bu maydon ichra turmoq,
Nizomiy panjasigʻa panja urmoq.“

Alisher Navoiy

Бу шеър таржимаси кўп бўлсада мен ҳам уруниб кўрдим .
Камчиликларига рози бўласиз .

РАМИЗ РАВШАН

Яна бу шаҳарда юзма-юз келдик ,
Нетайлик ,бошқа  бир шаҳаримиз йўқ .
Балки биз ҳам  баҳтли бўлаолардик ,
Балки баҳтлидирмиз ,ҳабаримиз йўқ .

Орадан не узун йил ўтиб кўрдим ,
Бироқ танимадим,  мени кечиргин .
Мен сенсиз ўламан дея ўйлардим ,
Мен сенсиз ўлмадим, мени кечиргин !

“Ўлмадим” дейману , билмайман ахир ,
Балки чиндан сенсиз
ўлиб бўлганман ,
Қабрсиз- кафансиз
ўлиб бўлганман .

Балки айрилмасак эди ўшанда ,
На мену ,
на сену хозирги каби
Айрилдик шайтонни кулдирдик  охир .
Бу йилни,
бу ойни,
ҳамда бугунни ,
Мана шу кўчанинг бу бурчагида
Мен сени ,
сен мени ўлдирдик  охир .

...Ўнгимиз- сўлимиз одамга тўла ,
Қўл ушлашиб эркак, аёллар ўтар .
Ўзидан ҳабарсиз
минг йўл умрида
Ўзини ўлдирган одамлар ўтар .

Кечир ўз қонига ботган одамлар ,
Бунда қон қанидир ?
Қон ахир йўқдир .
Ҳамма гуноҳкордир дунёда  аммо
Дунёда ҳеч кимнинг гуноҳи йўқдир .

Бизларсиз ёзилмиш  бу толе ,бу баҳт ,
Сопқондан отилган тошмиз учганмиз .
Бу дунёда ўн йил, ўн беш йил эмас ,
Минг йил олдин бизлар
айро тушганмиз  .

Ҳалол йўлимизни ўзгартса надир ,
Ҳайрона ,бир ўзга йўлдан кетдик биз .
Минг йил олдин ўтган
хато қандайдир,
Минг йиллик хато деб қурбон кетдик биз .

Ўзгартирган жойин балки қиш-баҳор ,
Қоришиб дунёнинг шаҳари- кенти.
Балки ботинида ўгай оналар
Ўгай болаларин кездирар энди .

Умрим бошдан- оёқ ёлғондир балки ,
Толийим ўзгамиш чиндан тўғридир .
Ҳов йўлдан ўтётган
қиз онам балки ,
Бу ўғлон
эҳтимол менинг ўғлимдир .

Бу ёлғон умримдан кўрганим  несан ?
Балки ҳеч севгилим эмассан маним .
Онамсан .
синглимсан
момомсан
несан?”
Фақат  Аллоҳ билар кимимсан   маним .

Бизни ким қутқарар бу айрилиқдан ,
Етмас кўприк ,йўллар бу додга нетай .
Ўлгансан ,
тириксан ,
ҳар несан ,
тўхта !
Тўхта ,ҳеч бўлмаса қўлингдан ўпай .....

Айтасан “Ўламан, қўлимдан ўпма ...”
Қўлимнинг ичида
қўлинг титранар .
Айтасан “Сен  Аллоҳ ,қўлимдан ўпма ,
Қўлларимдан ахир қон хиди келар ...

Таржимон M.Mусаллам

Miriqib o'qigan hikoyalarimdan biri. ...

Саратон ҳеч қачон кетмас дедилар.
Қуёш ҳам бу бошдан жилмас дедилар.
Осмон боғларидан сендай бир пари,
Заминга қайтишин билмас эдилар.
Сунбула-ю, сунбула,
Ўраб олай гул билан

Буларким узидан беҳабар зотлар,
Қиёмат қопти деб ер уриб додлар.
Қайси субҳи содиқ бу ғафлатзорга,
Сени олиб келди оқ буроқ отлар.
Сунбула-ю ,сунбула,
Ўраб олай гул билан

Бир сеҳр ичида қолгандай дунё,
Қумрисқадан тортиб қушларгача то.
Осмон терисига шеър ёзиб чиқар,
Тун билан ухламай дарахтлар хатто.
Сунбула-ю ,сунбула,
Ўраб олай гул билан.

11.08.2023

Муслим Мусаллам

Фурӯғ Фаррухзод

Кетдим !
Ха мен кетдим !
Авф эт мени !..
Аммо ортимдан дема харгиз вафосиз
Чунки қочмоқ тушди менинг пойимга
Азал қисматимиз шундай ёзилмиш .
Нима хам қилардик хаёт бу :
Шундай бешафқат .
Ёндирган ва сўндирган
‘’Даволаб бўлмас дард билан тож кийган ‘’
Бу ишқдир
мени гунохлар ,телбаликлар бағрига отган .
Кўзимнинг ёшларин артаман бироқ
Соғинч бўсаси билан куйган
Малхамсиз қолмиш дудоғим .
Ва кетдим !
Борлиғим хотирланишин истадим
Бу ярим қолган охангда
Ном нишонсизлар ичра номусим асраб қолиш учун
Кетдим! Кетдим !
Нимага деб сўрама ортиқ.
Бедаво ишқим
Сенинг орзуларинг
Тўкилган кўз ёшларимиз .
Ошкор бўлди бор сирларимиз
Сокин ва қоронғулик бағридан ташқари
Сен буни қўчаларни ёритиб турган
Тонгнинг илк чироқлари деб ўйлардинг .
Кетдим .
Қуриб битди кўзим ёшлари .
Хаёт этагин тутиб зулмат ичинда .
Кетдим! Кетдим!
Қаерда экани номаълум бир қабрнинг
------------------------------------------- Совуқлигига .
Чунки мағлуб бўлдим мен бу курашда .
Қочдим!
Кўзларинг ёшига чидолмам ортиқ .
Қочдим !
Бу тўфон олдида туролмам ортиқ .
Ногох орамизга тушди айрилиқ
қолди эзилган бир виждон ,
эзилган бир қалб. Хароба ,вайрон !
Эй ишқнинг дардида оғриган кўнгил !
Эй ишқ оловида ўртанган кўнгил !
Энди мендан зарра учқун излама .
Менинг орзуларим учқунлар исёнида
Сачраб кетди………………… Осмон бағрига
Энди мен қушга айландим асир тушдим .
....................................................... қафасга ….
Бу оғриган юрак билан телбага айландим .
Хайқирдим оғриқларимнинг
тубсиз зулматларига
Сўнгра йиғладим қаро қисмтимга .
Пушаймонман айтганларимдан
Не ўтган бўлса ўтди.
Энди не фойда .
Хозир тушундим !
Кўрдим хозир !
англадимки :
лойиқ бўлмадим
сенга ,
сенинг
севгинга .

таржимон М,Мусаллам