Muammo yo'q. Dars bor. Saboq bor.

Bizning hayolimiz qayerda bo'lsa u moddiylashadi.

Bu nima degani?

Sizni boshingizga ketma-ket qiyinchiliklar, muammolar, chigal vaziyatlar kelganida siz tushkunlikka tushasiz va chuqurlashib boraverasiz.

Chunki siz bu vaziyatni miyyangizga hal qilib bo'lmas muammo sifatida singdirasiz. Qurbon rolini yoqib, hamma sizga qayg'urishini xohlaysiz.

Oxir-oqibat muammo chigallashadi, ko'payadi va hech narsa qilgingiz kelmay, hayotdan umidsiz bo'lib qolishingiz tabiiy.

Yechim nima?

Yechim – har bir muammoni dars sifatida qabul qiling.

Muammoni hal qilish uchun qo'rqqan narsalaringizni qilishga majbur bo'lsangiz, qiling.

Qo'rquvni faqatgina unga yuzlanib yo'q qilish mumkin.

Alloh siz uchun qanchalik katta muammoni, qiyinchilikni bergan bo'lsa, Allohning yonida sizning martabangiz shunchalik oliy.

Siz qanchalik yuqori levelga o'tayotganingizni, qanchalik katta muammolarga tik boqib, ularni hal qilayotganingiz bilan o'lchashingiz mumkin.

Alloh sizga qanchalik katta sinov bergan bo'lsa, uning ortida shuncha katta hadyani ham tayyorlab turadi.

@mardontursunov

Qotillar jinoyat joyiga albatta yana qaytadilar

Ko’p detektiv kinolar ko’raman. Bu ibora juda ko’p qaytariladi.

Yaqinda ham yana eshitib qoldim, bu safar boshqacha ta’sir qildi.

Balki bu hayotimda bo’lgan yaqin oradagi voqealardan to’g’ri xulosa chiqarishim uchundir.

Do’stim noshukrlik va xiyonat qildi. Vaqt o’tib qaytdi, qabul qildim, lekin yana o’sha ishni qaytardi.

Hamkorlarim o’z manfaatlari yo’lida notog’ri ishlar qilishdi, vaqt o’tib qaytib kelishdi, lekin yana o’sha ishni qaytarishdi.

Ba’zilari xatosini tushunib qaytishdi, shart-talablar qo’ydim, aniq kelishuvlar bo’ldi, ular bilan hozircha yaxshi.

Munosabatlarda ham deyarli xuddi shunday.

Xulosa nima?

Qotillar jinoyat joyiga albatta qaytishadi.

Eng yaxshisi, ularni qayta yaqinlashtirmaslik kerak yoki “qo’llarini kishanlash” kerak.

@mardontursunov

*??‍? Professional saytolog mijoz bilan qanday muzokara o’tkazishi kerak?*

Ushbu mavzuda kreativ video ishladik, instagram orqali ko’rib, fikringizni bildirishingiz mumkin ??

https://www.instagram.com/reel/C7ZT6MoNzWp/?igsh=MW9yczg0ejhtcWxlYw==

Sinov o’zgarsa, turib bermaydi

Beton baquvvat material. 100 megapaskal bosimga bardosh beradi. Tangadek beton filni bemalol ko’tarib tura oladi.

Filni ko’targan beton bo’lagiga olmani ossangiz ko’tara olmay bo’linib ketadi. Tortish kuchi 3 megapaskaldan oshmaydi.

Aksarimiz ham shundaymiz.

Bir turdagi sinovlarga istagancha turib beramiz. Sinov turi o’zgarsa - ko’tara olmaymiz.

Yo’qchilikda sabr qilgan, borchilikda isrof qiladi.

Hech kim tanimaganda kamtar bo’lgan, tanilgach maqtov qumsab qoladi.

Borida shukr qilgan, yo’qligida nolib qoladi.

Beton arqon emas, hech kim uni tortish uchun ishlatmaydi. Bosimga turib bersa bo’ldi.

Inson beton emas. Sinovlari o’zgarib turadi. Bugun o’xshayotgani, ertaga o’xshashini bildirmaydi.

(c) Aziz Rahimov

Ramazon muborak birodarlar!

Network = Networth

2021 yil, kuz. Qo’limdan keladigani kod yozib o’rtacha sayt, platforma yoki bot yaratish edi.

Hard skill’im zo’r edi, har kuni yangi bilim olardim, amaliyotda qo’llardim, lekin daromad kam.

Sabab?

Soft skill yo’q. Foydali tanishlar va sotuv ko’nikmasi yo’q.

Odam o’z mahoratini, afzalligini kerakli odamga isbotlab bera olmasa, olgan bilimi va istedodi qiymatsiz.

Kerakli joyda, kerakli odamlar bilan tanishib, unga kerakli bo’lgan taklifni berishni o’rganishimiz kerakligini anglaganimdan keyin 10x ga daromadim oshdi.

Bu bilan nima demoqchiman?

Pul ikkilamchi narsa, eng muhimi odamlar, foydali tanishlar bo’lishi kerak, chunki ular sizga invesitsiya qilishlari, xizmatizi sotib olishlari yoki yordam berishlari mumkin.

Hozirgi jamiyatda networking muvaffaqiyatning eng muhim omilidan biridir.

@mardontursunov

Manipulyatsiya qiluvchi odamdan qoching

Manipulyatsiya bu, kimdir sizdan, sizni hissiyotlaringizdan, xohishlaringizdan, nozik tomonlaringizdan foydalanib o’z manfaatlari va maqsadlari yo’lida foydalanishidir.

Foydalanib bo’lgach ular g’oyib bo’lishadi yoki sizga qarshi ishlar qilishni boshlaydi, siz buni sezgan zahotingiz ularga qarshilik qiling. Ular sizsiz hech kimligini anglashmaguncha qarshi turing.

Atrofingizga yaxshiroq e’tibor bering.