موسى طلع من گبرة شمضيع
بكاع الابصفة طالع يوسع

اتكول ابنة وموش كاع
رمل ويتاني السباع

جفوف اعلا امن المناير
نفضن اتراب الضريح
طلع موسى وظهرة محني
ودمة من كيدة يسيح
مرة يصرخ مرة يحفر
شكثر ماتغمج يطيح
ليني اترابج يكاعي
مسمم وخل يستريح

يترابة اريدك ريش نعامة
تدري بحفيدي مكسرة عظامة

ياجواد الحيلة ضاع
رمل ويتاني السباع

وسع اللحد المقدس
وخلة بينة وبينة باب
حتة يشبع شوف منة
سوالف وجوة التراب
وكمل الحفرة ويتاني
دفن ريعان الشباب
نوع سمك مثل سمي
اطباك جبدين العذاب

يالضامن ابنك هسة يوصلني
واحشاي تبرد من يجاورني

اشترة الدين ودنية باع
رمل ويتاني السباع
******غفلة وصلتلة الجنازة
لشاب من ال الرسول
نزل التابوت موسى
وكشفة وشاف الذبول
صاح يافجعة السادة
الكسرة بضلوع البتول
اتمدد الكاظم ابصفة
طول مسموم وية طول

الموقف خذاه لطيحة الاكبر
تمدد حسين ابصفة وتمرمر

هاي لحظات الوداع
رمل ويتاني السباع ******
هايطاوي الكاع هادي
الماتوكفك معضلة
انته هد حيلك مصابة
وانه بيدي السلسلة
نخوة ياعمنة ابوفاضل
للحده خل انزلة
شلون حال حسين جدنة
العاري محد غسلة

الكاظم يلقنة بنبرة مبحوحة
وينعة اعلة عمتة وتثكل اجروحة

وهالو اترابة الشجاع
رمل ويتاني السباع

امشابك الهادي وية موسى
بالدمع من اندفن
وغفلة صوت يصيح يمة
يدوي باطراف الصحن
متربة ومحنية تصرخ
لنهة هاي ام الحسن
شجابج البغداد يمنه
اتكول عملات الزمن

ليلية متني ايشيع اولادي
السم خذانة ويوصل الهادي

والشمل يولادي ضاع
رمل ويتاني السباع

ملثم الكرار اجاهم
مغضب بلامة حرب
وصار الاملاكة بواجي
وعلى الروس انهل ترب
وموسى اشرع بالنعاوي
على الماضاكو شرب
وصاح حيدر يااولادي
وسفة سموكم غرب

موسى يخط بحجارة عنوانة
كبر الجواد وهذا نيشانة

والخبر بالدنية شاع
رمل ويتاني السباع

تمت بعين حيدر الكرار عليه السلام

يامن بأحسانَگِ دوماً مسرعة
وقلبَكِ الخامسُ قبل الاربعة

خجلاً رغمَ بذلِ العطاءِ
موقفُكِ تحتَ الكساء

ها يالمربية ابوفاضل
نستحي انكلج مرة
انتي انموذج سماوي
لحيدر الله صورة
خلفيتي اتلث كواكب
الكمر رابع مفخرة
سمة انتي الشيلة غيمج
لو بطفة ؟ ماطرة

لوكنتِ في الطّفِ غُيوماً حاضرة
لاصبحتْ منكِ العباءةُ ماطِرة

وتُغرِقِين كربلاء
مَوْقِفكٍ تَحتَ الكساء

در حليبج شنهي سرة
بصدر اولادج عرين
النبل مايمضي بجلدهم
ملحج البدوي ثخين
عش صكر كاروك ولدج
على الغارة معلمين
حيرة اسميج ام كواكب
لو اكول ام البنين

مُذْ عَزِمَ الوالي على شدِّ الرِّحيل
وهبتي اسيافاً ثلاثاً وكفيل

ترجو من السبط اللقاء
موقفكِ تحت الكساء

انطبعت النضرة الاخير
بوجهج وصارت اثر
الهسبب عصبتي عينج
وشوكج ايحرك الصور
اتغربيتي بعقر دارج
وغربة الفارك سهر
ولو خفك منهة كلبهة
تكول هاا يمكن عثر

لن تغفو عيناً اُلفحت نارَ الفراق
وروحُگِ تحومُ طيراً في العراق

اسودّتْ الوانُ السماءِ
موقِفُكِ تحتَ الكساء

العدهة بالجبهة نشامة
تصعد ادور النجم
لجن ام عباس عدهة
حسين اهم من المهم
ابن حذلم من اجاهة
تكلة لتعدلي الزلم
حسين ابني شلونة حالة
كلبي شارف عالهدم

قال لها قد ذُبِحَ السّبْطُ ضَمي
من خَيلهم اضلاعه لمْ تَسلمِ

وسَلبوا مِنهُ الرداءِ
موقفكِ تَحتَ الكساء

جان حي كبال عينج
ولو عثر كلبج يطيح
شلون اذا من مهرة يوكع
امصوب وتالي ذبيح
حان موتج من وكتها
مكبعةً وجنج ضريح
امفتحة عيونج بموتج
شيكبك الجفنة جريح

إستُشْهِدَتْ جرّاء سمٍ خائنِ
وحُزنَها بانَ بطرفِ الكفنِ

في تُربَكِ يَغفو الوفاء
موقفكِ تحت الكساء

كبرج شما بعد دربة
كربلة تقرب الدرب
نلكة صورة غيمة منج
مغيمة ومليانة حب
اتعلقت بحسين دمعة
اتفيض بالحضرة وتصب
فاتحة قران انتي
ومنج الصحنة نطب

ممسوسةٌ انتِ بذاتِ المكرمات
من عالمِ العلى وَرِثْتِيْهَا الصّفات

منكِ تَعلّمنَا الولاء
موقفك تحت الكساء

تمت بعين مولاي صاحب العصر والزمان
(عجل الله فرجه العظيم)

غمضي عيونج !!
هاي اخر لحضات انفاسج
ماضل احد تنتضرينة ويمسح راسج
ام وتحنين تشوفين اولادج خمسة
فوكاج يونون بخلسة
بس الطف خلاهم حسرة
بكلب احساسج
وجرحج ينزف من انفاسج
اولادج سبكو تابوتج
امن حسين الاخر عباسج ،،،،ياعباسج
شردتي اتكولين اخر جلمة
ماتنخط بورقة وتطلع هاي اللجمة
اااه اللجمة!!!!
تحرك بكليبج كل نبضة وتحرك دمة .
صعبة التطلع روحة وياخذ ويا حلمة
المامتحقق ؟؟
ياخذ خلمة!!
مثل اصبع مالاح النجمة
غمضي عيونج ؟
وانسي الباب ادكة احبابج
صار اسنين وتنتظريهم صافن بابج
نسمات ايزورون ابريتج ....
ماضل طول الهم غيابج .
غمضي ولحضات تحسيهم
عطر اتسرسح بين اترابج،،
غمضي بهيدة وسدي اعيونج
وضمي الصدمة وجرح حسين ابين جفونج
اخذي الجلمات الكالاهة وحزن اضعونج
غمضي وفتحي اعيون اآلامج
تلكين العاشر كدامج ،،،
وروحج كبل الجنة تنوح اباب اخيامج
وينعاد المشهد توقيتة ليوم السابع
راح اتشوفيهم بالواقع
اولادج كلهم كدامج
واحد ساجد واحد راكع
وعبدالله بحضنج ويناغي وتناغيلة ؛
والطفلة ارقية تشم روحج
وتنام بضل في الشيلة ؛
وحسين يبوسج من راسج ...
وتحيرين اتبوسين ايدة لوتنعيلة ؛
ومن يعطش ملاج احزانج ينهد حيلة ؛
انتي وعباس ابنج جلمة صار وتامر ،
وتروحين وبيدج جربة
وسيفج كافل بيدج صاير ،
وماي يتبعج يم حسينج سوة الحائر
وتروين حسين وعايلتة الحد الباقر
وحزنج يركض بيج يشوفج يوم العاشر
ويبقة لوحدة !!
وتقدمين بحزنج مهرة '
يودعج بس ماتطلع جلمة تخنكج عبرة
ليغاد المشهد مأساوي النبلة بصدرة
ليغاد وتركض ملهوفة وسبكت روحج امة الزهرة
لهناك وشفتي ابنج طايح والسيف مواكح وية نحرة
بعدة بحضنج والخيالة ادوس بصدرة
اتكضيلج حافر ماترهم
هنة اهواي الداسن عشرة !!
وعالتل وية زينب تاليتج ؛
مسبية وعالناكة المسكن طايح بيتج ؛
شكد صعبة احلامج مذبوحة ،
بالجنة وتنعين حسينج ثكلة ونبراتج مبحوحة ،
ونرجع حد اخر نبضات بكلبج تخفك >
كلبج مايتنازل سكتة- وينطي اجروحة
غمضي عيونج
اولادج غاد يتانونج ~
والزهرة اتمازج دمعتهة ابنبع اعيونج
وخيمة بركن الجنة اولادج هم يبنولج
ونصب اعظم ام فوك الغيمة الخضرة ....
التضوي!! تمثال اهناك ينصبولج
والخدام شمات ستشهد
واجب بالجنة يخدمونج
غمضي عيونج!!!

تمت بعين مولاتي فاطمة الزهراء عليها السلام

صداقة امهات بقت بعد الممات

اتعلقت حيل امي نرجس بيهة
ام البنين العالمة تسميهة

يَام الكمر

بين عمر امي وعمرهة
اهواي بس اتصادقن
تعلقت بيهة وتحبهة
وابد مايتفاركن
كل خميس اتكلي اخذني
بكربلة يتواعدن
بصحن ابو اليمة يكعدن
وعن طفوفة يسولفن

بدمع يتمالحن على حسين وبجن

فراك ابو اليمة كبل عاميهة
ام البنين العالمة تسميهة

اثنين اذا حضرو عزاكم
الثالث الزهرة تصير
اشلون اذا ام عباس اومي
وفاطمة التفرش حصير
بالصحن ينزل محمد
وينزل وياه الامير
وتروي من طب ابن حذلم
وكال ذبحوا بالاخير

رسول الله انهضم وعلي ون ولطم

انهارت الزهرة الهضم واليهة
ام البنين العالمة تسميهة

منهج الحب والتفاني
منهة امي ورثتة
وخارطة درب المخيم
خطوة خطوة درستة
تكلي اتمنى انه بالطف
وانته عندي بمحنتة
وحيد موش اربعة عندي
المهدي فدوة ركبتة

مليكة امي تحن وعلى اخيمكم تون

تقدم جواد الموت الي بيديهة
ام البنين العالمة تسميهة

ولو ماضكت الطفولة
وماشبعت امن الاهل
لجن بيام الولادة
علك بكماطي انفتل
بي اسم ام البنين
مزخرف واسم الكفل
مظطهد والغربة مرة
تصعب والكاهة حل

مرة جدي علي نفس صارت الي

بغيبتي عون وسند الكيهة
ام البنين العالمة تسميهة

كبل شهر امن المصيبة
تحضر امي بالشمع
من الليالي الفاطمة
اطباك محنتهة وضلع
وللبقيع اخذهة تمشي
وتوصل لكبرج دمع
تكعد وتنعة اعلة جرحج
وصوت ونتج تنسمع

على البطف صريع بجت كاع البقيع

ادعي اظهر وابني گبة اعليهة
ام البنين العالمة تسميهة

تمت بعين مولاتي فاطمة الزهراء صلوات الله عليها

صلى الله عليگِ مولاتي ياام البنين
(صلوات الله عليگِ)

خدمة اعلة حب حسين راهم عليها
و الموئلة ابفلسين مااشتريها

اعرف حسين اتعرف ربعة
وقيمة الزلمة بطرف دمعة

لاتنطي وجه لاحد
يبعدك عن ضوة اعيونة
ولتسولف غرام حسين
يم المايعرفونة
ولاتكعدلك بديوان
ماصخ مايذكرونة
الوصال الصدكي للمفجوع
يفرح من يجرحونة

دور على الشراي من تذكر اسمة
وماي الكصص ينشاف ليل وية نجمة

ولتعاشر الرادوهة سمعة
وقيمة الزلمة بطرف دمعة

عوف الوادم ابوادي
وسلك وادي ابو اليمة
ورةاهلة كونك تسافر
توصلة وتضل يمة
وهم كل دنيتك والناس
الصدك من غربتة اتعلمة
اعلى نفسك دوس حته تعيش
ولاتنسى الفضل دمة

مامش اسم كدام نورة وجبهتة
كلهة ادنة من اتراب حذوة مهرتة

لتبيع ذكر حسين سلعة
وقيمة الزلمة بطرف دمعة

اعتزل لتصوبك الفتنة
ورد الطينتك واقرة
واشوف بحالك شسويت
انتكاسة بخاطر الفطرة
شوف شكد تاخر الناس
وتبعدك عن فجر نحرة
على ابواب العزاء اسجد
بلجي اتشوفك الزهرة

امن توقع ام حسين عقد الخدامة
اشكبرة حضي يصير يوم القيامة

عيش بتربت حسين زرعة
وقيمة الزلمة بطرف دمعة

بعد شتريد من حسين
مايكفيك يالمرتاح
لوحدة وكل هلة تعاين
من يخوزرة الذباح
بشهرة انفكر وبالصيت
وراس حسين فوك ارماح
دنك راسك اعلة الطين
بخييم عايلتة صار اصياح

ماهمنة صوت حسين همنة الاسامي
عشك الله حدر الخيل والشيب دامي

وصوت العطش لامانسمعة
وقيمة الزلمة بطرف دمعة

لوكل الخلك تنداس
وتسيخ الكاع والبيها
ماتوفي اسم زينب
من انجاب طاريها
شنجازي رقية ادموع
واشيحصي بواجيها
كلة العالم امن يروح
مايسوة تراجيها

مديون الك يحسين حاير شسدد
بس الامل مرهون بالمهدي اذ يرد

نحسب لثارك جمعة جمعة
وقيمة الزلمة بطرف دمعة

،،،،،،،،،،،،،،،،،،،،،،،،،،،،،،،،،،،،،،،،،،،

تمت بعين ملاتي ام الحسن
والسيدة معصومة الكاظم ع

#حيدر_الخالدي