اللهم علمنا ما لم نعلم، وفهمنا ما لم نفهم، واهدنا إلى الطريق الأقوم

أنا أي شخص بيضع صورته مع خطيبته أو مراته في بوست إعلان خطبة أو زواج، حتى لو بضهرها، مش بتفاعل مع البوست نهائي لا لايك ولا مباركة في كومنت، ببارك له على الخاص، وده ديني مع أي بوست في بنت مفيش ضرورة لظهورها حتى لو من ضهرها

جزء من حديث نزول آية التيمم:

قالت السيدة عائشة:
(فَجَاءَ أَبُو بَكْرٍ وَرَسُولُ اللهِ وَاضِعٌ رَأْسَهُ عَلَى فَخِذِي قَدْ نَامَ. فَقَالَ: حَبَسْتِ رَسُولَ اللهِ وَالنَّاسَ وَلَيْسُوا عَلَى مَاءٍ وَلَيْسَ مَعَهُمْ مَاءٌ.
قَالَتْ: فَعَاتَبَنِي أَبُو بَكْرٍ، وَقَالَ مَا شَاءَ اللهُ أَنْ يَقُولَ، وَجَعَلَ يَطْعُنُ بِيَدِهِ فِي خَاصِرَتِي فَلا يَمْنَعُنِي مِنَ التَّحَرُّكِ إِلا مَكَانُ رَسُولِ اللهِ عَلَى فَخِذِي)

ثم قالت: (فَنَامَ رَسُولُ اللهِ حَتَّى أَصْبَحَ عَلَى غَيْرِ مَاءٍ، فَأَنْزَلَ اللهُ عَزَّ وجَلَّ آيَةَ التَّيَمُّمِ فَتَيَمَّمُوا.
فَقَالَ أُسَيْدُ بْنُ الْحُضَيْر وَهُوَ أَحَدُ النُّقَبَاءِ: مَا هِيَ بِأَوَّلِ بَرَكَتِكُمْ يَا آلَ أَبِي بَكْرٍ)!

قال رسول الله ﷺ:
(إن روحَ القُدُس نفث في روعِي أن نفسًا لن تموت حتى تستكمِل أجلها، وتستوعب رزقها،
فاتقوا الله، وأجملوا في الطلَبِ،
ولا يحملن أحدَكم استبطاء الرزق أن يطلُبه بمعصية اللهِ،
فإن الله تعالى لا ينال ما عنده إلا بطاعته)

(فأجملوا في الطلب)
والله العظيم عُمر ما كان الهزار العام والجماعي على الرزق والتشكي وكثرة الكوميك على أقدارنا المؤلمة أنها من باب الإجِمال في الطلب!
(فأجملوا في الطلب)
دعاء الله والتعرُّض لأقدار الله لا يصح أن تكون مجالًا للتريقة والكوميك
بس أنا مش قصدي كذا؟ ما هي دي كدا المشكلة، لأنك لو قصدك التريقة هتبقى في مكان تاني خالص، المشكلة إنك بتتريق من غير ما تقصد
(فأجملوا في الطلب)
دي أرزاق
وأقدار
وامتحانات
ليرى الله كيف يتعامل عبده مع ابتلائه ورزقه وقدره!
(فأجملوا في الطلب)
متحاولش تكسب لايك وضحكة على حساب قدر الله ورزق الله وتدبير الله وتقادير الله لك ولجميع شؤون حياتك

﴿وَإِذْ قَالَتْ أُمَّةٌ مِّنْهُمْ لِمَ تَعِظُونَ قَوْمًا ۙ اللَّهُ مُهْلِكُهُمْ أَوْ مُعَذِّبُهُمْ عَذَابًا شَدِيدًا ۖ قَالُوا مَعْذِرَةً إِلَىٰ رَبِّكُمْ وَلَعَلَّهُمْ يَتَّقُونَ﴾

اللهم كما رزقتنا صلاةً في المسجد الحرام وصلاةً في المسجد النبوي، فارزقنا صلاةً في أولى القبلتين عاجلًا غير آجل، يا رب العالمين

أنا كنت ضد إن مراتي يبقى عندها انستا وتتابع أكونتات لبنات متبرجات واستمراء النظر على الاستايلات والتمايل في الشارع وأمام الأجانب من أصحابها، وكان بالنسبة ليا ممنوع تمامآ ده يحصل، وكنت شايف إنها حاجة حلوة للرجالة ليا عشان غالبا مش بيبقى فيه مخالفات في الصور وحتى المخالفات الي بتبقى موجودة بتبقى محل خلاف زي لبس السلاسل أو لبس شورت فوق الركبة، بخلاف التبرج للنساء فهو حرام قطعا سواء بمكياج أو بالملابس، أو إظهار أزيد من الوجه والكفين

لكن للأسف حاليآ بقت الرجالة بتنزل صورة الانستجرام صورة عادية مش ستوري وعليها أغنية !

طب ما على الأقل يا غالي سيب الأغنية في الاستوري وسيب الصور عادي من غير أغاني، أنت ليه بتحاول تصعبها عليا

صاحب القناة ضد نشر أي صور لأي بنت مهما كان لبسها ومهما كان سنها، إلا لضرورة

وصاحب القناة ضد التفاعل مع أي بوست فيه صور بنات مهما كان سنها ولبسها

صاحب القناة ضد التصوير مع أي بنت متبرجة مهما كانت درجة قرابتها ومهما كان التبرج قليل

وصاحب القناة ضد لبس الفساتين السوارية أمام الأجانب سواء في فرح أو غيره وسواء عليه نقاب أو خمار

وصاحب القناة ضد حضور أي أفراح ومناسبات فيها اختلاف وأغاني، وأشد بغض في حضورها في أوقات مثل الأوقات العصيبة الحالية

وصاحب القناة ضد نشر أي صور أو كوميك لأفلام وممثلين أو إفيهات من الأعمال الحرام دي

والي بيغير دينه أو مبادؤه على حسب الموقف؛ عشان دي أختي، أو ده فرح أخويا، أو ده شيخ معروف أكيد فعله حلال، فده صاحب مبادئ مخرومة، حتى لو كنت شايفه أعبد الناس

كل واحد له أخ وله صديق مقرب جدا، لو كل واحد استنثى عشان أخواته وقرايبه والمقربين منهم، يبقى كل الناس هتعمل كل حاجة تحت بند الاستثناء، مع إن الأصل في أقرب ناس ليك: وأنذر عشيرتك الأقربين

يا رب جازي باسم عليوة خيرًا، ووفِّقه لكل خير