?كيف نقدر نشخص مريض بالربو " bronchial asthma"

- اي مرض عايزين نعمل ليهو تشخيص لازم نركز على ثلاث حاجات اساسية :-

1- أخذ التاريخ المرضي للمريض history taking وده بشمل العلامات والاعراض signs & symptoms.
2- الفحص السريري للمريض clinical examination.
3- الفحص المعملي للمريض investigations.

- عشان نشخص عيان بالربو بالاضافة للحاجات الذكرناها دي عندنا "3" احتمالات تانية:

✅احتمال عالي high probability
في الحالة دي بندي العيان inhaled short beta agonist ذي الـ salbutamol فلو حصل ليهو استجابة response معناه العيان ده صاح عندو ربو فنبدأ ليهو طوالي البرتكول بتاع علاج الربو.

✅احتمال وسط intermediate probability
برضو بندي العيان inhaled short acting beta agonist لو ما حصل ليهو استجابة كويس بنديهو مادة تانية بتعمل تهيج في الشعب الهوائية irritation of bronchiols والمادة دي بتشغل لينا الجهاز العصبي نظير الثيمباثاوي " parasympathetic nervous system" بسموها الـ methacholine channels test وبالتالي لو العيان ده عندو ربو فببدأ يضاييق وكده بكون عرفناهو عندو ربو ونبدأ ليهو طوالي البرتكول.

✅احتمال ضعيف low probability test
في الحالة دي لو العيان كان عمرو اكتر من 65 سنة وبدخن smoker وبشتكي من كحة فيها بلغم productive cough و حاصل ليهو hemoptysis & weight loss معناه امشي شوف ليك differential diagnosis تانية.

"?صدقة جارية لروح اخي الشهيد محمود عبدالله بحر?"

Dr. Omer Abdallah Almahdawi

?الكيمياء الحيوية Biochemistry
?الأحياء الجزيئية Moleculor biology

⬆️البوستين السابقات كان شرحنا فيهم شوية مصطلحات و ان شاء الله الليلة موضوعنا يكون عن الكروموسوم Chromosome❌❤️.

?وعشان نتكلم عن الكروموسوم لازم نكون عارفين انو الجسم بتكون لينا من نوعين من الخلايا two types of cells:

✅الخلايا الجسدية Somatic cells
✅الخلايا الجنسية Gametes

?لو مسكنا الخلايا الجسدية بنلاقيها تتكون لينا من 23 زوج من الكرموسومات 23 pairs of chromosomes الـ 22 زوج منها عبارة عن خلايا جسدية والزوج الـ 23 عبارة عن خلايا جنسية وده بعني انو كل خلية جسدية بتحتوي لينا على 44 كروموسوم + XX او XY كروموسوم.
وبالتالي لما نقول ازواج من الكرموسوم pairs of chromosomes بنقصد بيهو ثنائي الصيغة الصبغية Diploid.

?اما لو مسكنا الخلايا الجنسية بنلقاها أحادية الصيغة الصبغية اي م عندها ازواج وبالتالي بتكون عبارة عن 23 كروموسوم فقط + X او Y كروموسوم.
وبالتالي لما نقول احادي الكروموسوم single chromosome معناه بنقصد بيهو أحادي الصيغة الصبغية Haploidy.

فلو افترضنا عندنا two gametes واحد "Sperm "Y والتاني "Ovum "X قاموا اتحدوا مع بعض.. ده حيخليهم حيكونوا لينا خلية جسدية واحدة فيها 23 زوج اي 46 كروموسوم الـ 44 منها عبارة عن somatic و الاتنين عبارة عن gametes اما يكونوا XX او XY.

نقيف لحدي هنا ونواصل البوست القادم بعون الله?

Dr. Omer Abdallah Almahdawi.
MBBS holder.

?الكيمياء الحيوية Biochemistry

?الأحياء الجزيئية Molecular biology

?المرة الفاتت شرحنا مصطلح الجين gene وضربنا فيهو امثلة.
?اليوم بإذن الله نشرح مصطلحات جديدة?

- لو شخص سألك قال ليك الجين ده قاعد وين بالضبط في الـ DNA؟

- الجين موجود داخل الحمض النووي DNA والحمض النووي موجود داخل الكرومسوم chromosome فقاموا سموا المكان الموجود فيهو الجين بالـ locus.

وبالتالي تعريف مصطلح الـ locus بيعني is the location of the gene in the chromosome.

?نشوف مصطلح تاني بسموهو بالاليلات alleles:

- في المجتمع بتلاقي ناس عيونها عسلية،، وفي ناس عيونها خضراء،، وفي ناس عيونها زرقاء،، وفي ناس عيونها بنية،، وفي ناس عيونها سوداء،……،، الكلام ده كلو برجع لاختلاف الجين المسؤول عن اللون ده من شخص لآخر بغض النظر انو الجين ده موجود في ياتو مكان في الكرومسوم.

- ومن هنا يصبح تعريف الاليلات alleles هو الاختلاف في تسلسل الحمض النووي variations in DNA Sequence عشان يعطيك شكل مختلف عن الباقيين. وبالتالي الجين الواحد يحتوي لينا على عدد من الاليلات multiple alleles وده البحدد مثلا انو يكون لون الشعر ناعم، خشن، اسود، احمر،.. في النهاية كلهم من جين واحد بتاع شعر.

نقيف لحدي المصطلح ده ونواصل البوسات القادمة ان شاء الله?️?

Dr. Omer Abdallah Almahdawi

?السلام عليكم ورحمة الله تعالى وبركاته

?Biochemistry

- إن شاء الله حبدأ معاكم سلسلة مهمة في شروحات اساسيات الطب " Basic medicine " وفيها نتحدث عن الكيمياء الحيوية " Biochemistry "

- الكيمياء الحيوية " Biochemistry " بتتكون من قسمين رئيسيين :
1️⃣الأحياء الجزيئية "Molecular biology" بندرس فيها علم الوراثة " genetics".

2️⃣التمثيل الغذائي "Metabolism" بندرس فيهو البروتينات proteins والدهون fats والكربوهيدرات carbohydrates والفايتمينات vitamins.

?حنبدأ أول شيء بالأحياء الجزيئية "molecular biology" :

- في البوست ده ان شاء الله حنتكلم اكتر شيء عن مصطلحات terminologies :

?لو واحد سألك قال ليك يعني شنو جين " Gene" ؟

- لو مسكت اي زول في بيتكم بتلقى لونو بختلف من التاني وده برجع لاختلاف الحمض النووي "DNA" من شخص لأخر والكلام ده مسؤول عنو جين معين موجود داخل الحمض النووي.

- ايضا بعض الامراض ذي الـ cystic fibrosis بتحصل لينا نتيجة لتغيير في الشفرة الوراثية لقنوات الكلور " chloride channels " الموجودة في الخلية.

- ومنا هنا نستنتج انو الجين عبارة عن سلسلة من النوكليوتيدات " sequence of nucleotide " البتديني الشفرة حقت البروتين " coding of protein".

- دي بس عبارة عن مقدمة وجرعة بسيطة جدا نقيف عندها ونواصل لاحقا ان شاء الله?

Dr. Omer Abdallah Almahdawi

?Neuroanatomy
?Topography of the brain [3 ]

?المرة الفاتت كنا اتكلمنا عن الفص الجبهي للمخ frontal lobe وفيهو شرحنا المناطق الحركية كلها motor areas.

?الليلة ان شاء الله نتكلم عن المناطق الحسية sensory areas الموجودة في الفص الطرفي للدماغ parietal lobe وهي بتشمل الأتي:

1️⃣Somatosensory area
- بسموها المنطقة الحسية الأولية primary sensory area.

- بتقع لينا خلف posterior التلم الرئيسي central sulcus البفصل لينا ما بين الفص الامامي والفص الجبهي للمخ.
- بتحتوي لينا على كل الاحاسيس sensations الموجودة في الجسم
ووظيفتها انها تنبهك لو في حاجة لمستك في جسمك تقول ليك انو في حاجة في جسمك لكن مكانها وين وقوتها كيف وهي شنو م معروف،، فبتقوم بتحول الحس ده للمنطقة الحسية الثانوية secondary sensory area.

2️⃣Somatosensory association area
- بسموها المنطقة الحسية الثانوية secondary sensory area.

- بتقع لينا امام anterior على الـ somatosensory area.
- وظيفتها انها تحدد نوع الاحساس شنو type of sensation،، والمكان بتاعو وين بالضبط location،، والقوة حقو قدر شنو intensity،، ونقدر نميز ده شنو discrimination.

3️⃣Gastotery area
- بسموها منطقة التذوق tasting area.

- بتقع امام تحت anterioinferior على الـ primary sensory area و فوق superior على الـ temporal lobe.
- مسؤولة لينا مباشرة عن احدى الحواس الخاصة special sense وهي حاسة التذوق gastation وليها علاقة مباشرة مع الـ limbic system في الـ temporal pole.

ان شاء الله البوست القادم نتكلم عن باقي الفصوص والحواس lobes & sensations.

Dr. Omer Abdallah Almahdawi

⭕بشرى سارة طلاب كليات الطب البشري والمجالات الطبية

⭕نقدم لكم كورس الجزء الأول من اساسيات وظائف الأعضاء basic physiology مع دكتور عمر عبدالله ابوالقاسم "المهداوي"

⭕يشمل الكورس:

- Introduction to physiology & homeostasis
- Cell physiology
- Body fluids

برسوم 5000 الف جنبه تخفيض 20% لاكتر من 5 اشخاص مع بعض.

حضور الجزء الثاني من الكورس بنصف القيمة للحاضرين من الجزء الاول

الكورس حيكون اونلاين online بالورقة والقلم على قناة التلجرام ومعاهو اختبارت دورية

مقدم الكورس:

Dr. Omer Abdallah abolgasim " Almahdawi "

خريج الحياة الجامعية - كلية الطب - الدفعة الثالثة

صاحب قناة physiology guidance التي تضم 9 الف مشارك

بداية الكورس مع اكتمال العدد المطلوب

للاستفسار واتس
0907111816
0999944634

رقم الحساب بنكك :
3350063 باسم عمرعبدالله ابوالقاسم مسبل

?Neuroanatomy

?Topography of the brain [2]

[ان شاء الله اليوم موضوعنا حيكون عن الفص الجبهي " frontal lobe"]

- الفص الجبهي للدماغ مسؤول لينا عموما عن كافة انواع الحركة " motor activities " في الجسم.

- الفص الجبهي للدماغ مقسم لعدة مناطق "areas" كل منطقة لها وظائف محدد كما يلي:

1️⃣- Precentral gyrus
- ذي ما عارفين انو الـ central sulcus بفصل لينا ما بين الفص الجبهي والطرفي للدماغ " frontal & parietal lobes " وبالتالي اول gyri بظهر لينا anterior على الـ central sulcus بسموهو الـ? precentral gyrus والاسم الشائع ليها بسموها الـ primary motor area بتحتوي لينا على كل الـ motor activities للجسم بصورة عامة.

2️⃣- Premotor gyrus
- بتقع لينا anterior على الـ precentral gyrus والاسم الشائع ليها هو الـ secondary motor area مسؤولة لينا انو تحدد الـ specific motor activities.. مثلا لو عايزين نعمل flexion على يدنا اليمنى بتقوم الـ secondary motor area تقول على الـ primary motor area اعملي لينا flexion فقط على اليد اليمنى،، وبالتالي لو ما الـ secondary motor area كانت موجودة الحركة حتكون غير محددة في الجسم " non specific".

3️⃣- Supplementary motor area
- بتقع لينا في الجزء الامامي العلوي "superioanterior" بالنسبة للـ frontal gyrus بسموها الـ? tertiary motor area مسؤولة لينا عن الـ primitive motor activities ودي بتشمل العضلات الموجودة في الـ trunks.

4️⃣- Frontal eye ?️ field area
- موجودة في الـ anterior & middle part of the secondary motor area وظيفتها انها تتحكم لينا على العضلات المسؤولة عن حركة العين وهي الـ extraoccular muscles.

5️⃣- Frontal pole
- موجودة في مقدمة الفص الجبهي " anterior part of the frontal lobe" بسموها الناصية وهي المكان البتم فيهو تمثيل الـ limbic system وحجمو بكون اكبر واكثر نشاطا عند الـ females والمنطقة دي مسؤولة لينا عن المزاج " mood" والذكاء " intellectual skills" والذاكرة " memory" والمهارات اليدوية " fine skills" وبالتالي الـ frontal pole بيعتبروها واحدة من سفارات الـ limbic system.

6️⃣- Broca's area
- موجودة في الـ inferior frontal gyrus بسموها الـ motor area of speech ودي اكتر مكان عرضة انو يحصل فيها damage وظيفتها انها ترسل اشارات "signals" الى الـ primary motor area في الـ area of representation of the tongue وكل العضلات البتساعد في الكلام.
لو حصل لينا damage في المنطقة دي العيان حيشتكي من حاجة اسمها broca's aphasia وبالتالي العيان حيسمع ويفهم الكلام البتقال ليهو لكن م حيقدر يتكلم او يرد.

#كده بكون انتهينا من الـ frontal lobe والـ motor areas بصورة عامة وان شاء الله المنشور القادم نتكلم عن باقي الـ parietal lobes?️?.

Dr. Omer Abdallah Almahdawi

?Neuroanatomy

?Topography of the brain

قبل ما نتكلم عن الـ topography of the brain في مصطلحات لازم نكون عارفنها :
لما يقولو ليك sulcus ده عبارة عن fissure او depression بفصل لينا بين two gyri.

لما يقولو ليك gyrus معناه بقصدو بيهو elevation ودي الحتة البنلقى فيها الـ cerebral cortex.. كل two gyrus بفصل بينهم two sulcus.

المخ "brain" مقسم الى right & left cerebral hemisphere وكل hemisphere بيتكون لينا من four lobes بسموهم الـ?

- Frontal lobe
- Parietal lobe
- Temporal lobe
- Occiptal lobe

ان شاء الله البوست القادم نتحدث عن كل فص من الدماغ بالتفصيل.

Dr. Omer Abdallah Almahdawi