^

ماكان عادي تجرح الروح وتروح
‏لو قلتلك من طيبة القلب عادي

‏وبابي على كثرة خطاياك مفتوح
‏لو شفتني عن عزة النفس غادي

‏فضفضت لك يوم إنك أقرب من الروح
‏وكني وأنا افضفض لقلبك معادي

‏أنا هذاك الي من الضيقة ينوح
‏ماني هذاك الي ليا ضاق هادي

‏علمتني إن الحب جارح ومجروح
‏وعلمتك إن الحب ود وتهادي

^

غلاك بضميري واضحٍ ماعليه غبار
‏تشيل الغلا نفسي وانا عاجز امنعها

‏يقولون ماودّعك! قلت الفراق وصار
‏الانسان روحه تنسلب … ما يودّعها

^

مع كل لحظه بدونك اشعر بغربه
‏كنك وطن ما اعيش الا على ترابك
‏'
‏تعال يامن وطت رجلي على دربه
‏رجوعك اعظم عذر القاه لـ غيابك!!

^

غصب عن هذا الجفا أبقى : حبيبك
‏ما أبي أنجو ... أنا محتاج أغرق
‏ٰ
‏علّم ( الصبح ) اللي ما وده يجيبك :
‏إني انتظرك معَ كل شمس تشرق !

^

ياللي تبون الجديد. قلوبنا عادت
‏ تنزف لكم من دماها ما يسليكم

‏محاولاتي على الكتمان ما فادت
‏ وانتم تبون الجديد الله يهديكم

^

لا تخاف القلب ما يرتد عن سلمه ودينه
‏لو تقفي عن نظر عيني بشوفك في خيالي

‏انت عندي مثل عاقاً ما يبر ب والدينه
‏لو يوريهم نجوم القايله ،، بيضل غالي

^

يافاقدين أحبابكم وش تسوون
‏لا مدت الذكرى الحزينة يديها

‏كيف نتجاوز حزننا ماتعرفون
‏بعض الطواري موجعة مانبيها

‏دايم على بال المواجع يمرون
‏مافيه ضحكة مالهم صوت فيها

‏ياليتهم عن ضيقة الفقد يدرون
‏ودروبهم وشلون دايم نجيها

‏من كثر ماصاروا على البال يطرون
‏حتى خطاياهم ولهنا عليه

^

الشيخ ساعة قرأ بالفرض طمّني
‏قرأ وراء الفاتحة "والليل إذا يغشى"

‏أمّنت سري بصدر الليل لكني!
‏نسيت أحرّص نهاري والنهار أفشى

‏من هو يشيل الحظوظ المايلة مني؟
‏كل ما تمنيت وقفة ، طول الممشى

‏ما للأماني طريق لواقعي كنّي
‏أطرم تمنى يقول ( أحبك ) لـ طرشى

^

وحيد لكن ماشعر أني فعلا وحيد
لو كان منتم معي لكن ربي معي

على فراش النعي احيان يولد قصيد
ياللي تحتاجون القصيد انا بحاجة نعي

كل مايطيب وجعي جيتو تبون الجديد !
تدرون بأن الجديد اللي تبون ، وجعي !

^

أشتقت لك حتى وحنا برمضان
الشوق مابه صوم وافطار وسحور

معقولة أجلس وانتظر وقت الأذان!
عشان اقول أشتقت لك بعد الفطور؟

ماهو حرام اقول احبك برمضان
أي والله أحبك مثل باقي الشهور

أن كان حبك ذنب يانور الزمان
أقول أنا أحبك وأقول الله غفور