اشعار ترکی و فارسی داودپیرعلیلو(یورقون)یکانی محقق .یازار ..شاعیر
( اَلـفـبای تِکنولژے وَ ترفَنـد )
آمـوزش ، تـرفـند ، ابـزار
??? : @mobsec_ads
??? : @sudosup_bot
Last updated 3 months, 1 week ago
..
داها یازمایاجام شعر مجازیده
سوز اوغرولارینین الی باغلانا
بو دا سون بیت_یم دیر یازدیم آی ائللر
سیزی لر تاپشیردیم تک به تک اونا
داودپیرعلیلو یورقون یکانی
..
(۲۰)
حذز ائدین سونرا گورموش آدامدان
هر هاردا اوتورسا واریندان دئیر
اوزوندن وارلیا قویوروق بولایار
اوزوندن یوخسولا باریندان دئیر
وای وای لی دیر اولا باغی بوستانی
یینمز هئچ یئرده بیر گولوستانی
سوروشسان قونشوسو کهنه باغبانی
اونون باغچاسینین خاریندان دئیر
اوزگه نین باغینی لجن زار گوره ر
گوللرین تاپداییب بوتون خار گوره ر
هر یئره باخاندا تمام دار گوره ر
او بونون عیبیندن آریندان دئیر
آ یورقون حاق سوزو باتیرما یاز کئچ
سنه نه، نچی_سن چوخوندان واز کئچ
دوشمان قاباغیندان همیشه ساز کئچ
سولقون گورسه سنین زاریندان دئیر
داودپیرعلیلو یورقون یکانی
(۶) جیکایه آی گوزل آللاه گورورسن دا !!
کئچنلرده ایکی یولداش وار ایمیش بیرینین آدی آلماس ایمیش بیرینین ده آدی سالمان .
آلماسین آللاها چوخ اعتقادی اولماغینا گوره اونا آللاهلی دئیرمیشلر و سالمانا دا آللاها تمررود ائتمه_گینه گوره آللاهسیز .
سالمانین آتاسی برک وارلی ایمیش قازاندیغین قیزیلا وئررمیش و او قیزیللاری اریدیب یومورتا قالیبینه سالیب آغ بویاغلا بویویارمیش او قیزیل یومورتالاری تویوغ_لارینین یینینده تورپاغین آلتیندا گیزلدرمیش !
بیرگون آللاهلی آللاهسیز گیلین قاپیسیندان کئچنده آللاهسیز آللاهلی یا دئییر "هارا گئدیرسن ؟"
آللاهلی دئییر داریخیردیم اوره گیم توتولوب گئدیرم اوجاغا اوردا آللاهیم لا بیراز راز و نیاز ائدم ،اوره گیم آچیلا .
آللاهسیز دئییر ایندیکی بئله اولدو منی ده آپار سندن بیرزاد سوروشوب و ایستیجگم .
ایه جاواب وئردین و دئدیگیمی یئرینه یئتیردین منده سنین آللاهینا ایمان گئتیریب و عبادت ائده جگم .
آللاهلی دئییر عیبی یوخ گل گئده ک گوره ک نه اولور.
بونلار یولا دوشوب اوجاغا گئدیرلر یولدا آللاهسیز ، هم آللاهی و هم آللاهلی نی لاغا قویوب دئییر گولور .
اوجاغا یئتیشجک آللاهسیز آللاهلی یا دئییر ایندی منیم سوالیما جاواب وئرسن دئدیگیم کیمی آللاها ایمان گئتیره_جگم .
آللاهلی دئیر دء گوره ک نه دئییرسن ؟
آللاهسیز دئیر آللاه هاردا اولار اونو اول دء سونرا .
آللاهلی الینی توتار گویه ساری دئیر هر یئرده اولار، یئرده، گویده ،هرنه اوره ک دن ایسته سن وئرر .
آللاهسیز دئیر بس آللاهینا ده گویدن منیم باشیما بیر ایلان سالسین سنه ده قیزیل یومورتا !
بو سوزو تکرار ائدیب لاغا قویوب قاققا چکیب گولر .
او حالدا آللاهلی ایچریدن جوشوب اللرینی گویه قاوزاییب دئیر آی گوزل آللاه گورورسن دا !
بیردن گوره ر گویدن بیر ایلان دوشدو دولاشدی بو آللاهسیزین بوینونا .
آغزینی آتیب آللاهسیزین بوغازیندان چالاندا ، آللاهلی تئز الین آتیب یاپیشار ایلانین بوغازیندان سیخیب، ایلانی آللاهسیزین بوغازیندان آچاندا آللاهسیز قورخودان هوشدان گئدر .
آللاهلی ایلانا بیر باخیب گوره ر ایلانین قارنی توربا کیمی شیشیب دیر .
اوز اوزونه دئیر بونو اولدوروم یا یوخ !
سونرا دئیر بودا آللاهین حیوانی دیر قوی اوتوروم گئدسین .
ایلانی آزاد ائدر ولی گوزو ایلانین دالیجا باخار گوره ر ایلان بیر داشین دالینا گئدیب بیر نئچه دقیقه دن سونرا اوچ دورد بالاسی ایله او داشین دالیندان چیخدی آمما قارینی کی توربا کیمی شیشمیشدی شیشی یاتمیش اوردان اوزاغلاشدی ،
آللاهلی دونر آللاهسیزا ساری گوره ر نفس گلیر آمما اولسه_ایدی اوندان یاخشی دیر .
قاچیب اوجاغین قیراغیندان کی بیر سرین بولاغ آخیردی اووجوندا ،بیر اووج سرین سو گتیریب آللاهسیزین اوزونه سپمگ_ امین آللاهسیز هوشا گلیب دئیر آی آللاهلی منی باغیشلا آللاهینا دا دء منی باغیشلاسین
او حالد آللاهلی اللرینی گویه قاوزایاندا گوره ر بیر قارتال اوجاغین برینده کی آغاجین اوستوندن اوچدو .
دئمه قارتال ایلانی آپاریرمیش گویدن سالیب کی یئنی دن گلیب یئسین !
آللاهلی ایلان گئدن داشین یانینا گئدیب گوره ر اون دنه قیزیل یومورتا وار اونلاری گوتوروب
آللاهسیزا بیر سوز دئمه دن آللاهسیزی دا اوردان گوتوروب ائولرینه قاییدارلار .
او گوندن آللاهسیزین آتاسی گون به گون الی دالیلاییب هرنه یی الدن وئرر .
آللاهلی دا قیزیل یومورتالاری آتاسینا وئریب آتاسی اونلاری ساتیب آل وئر ائدیب بیر بویوک تاجیر اولار وآللاهلی دا آتاسی ایله بیرلیک ده تجارت ائدر لر .
بیرگون آللاهسیزین آتاسی بونلارین قاپیسینا گلر چوره ک ایسته مگه .
آللاهلی بوندان سوروشار کی نه اولدو سنه ؟ بیردن بیره آز موتدین ایچینده سن بو وضعیته دوشدون .
او دئیر" آللاه_دان گیزلی دئییل سندن نه گیزلی من قازاندیغیمی وئردیم قیزیل یومورتایا بیر گون گلدیم گوردوم هامیسینی ایلان یومورتا عوضینه اوتوب اوردان گئدیب فقط ایلانین ایزی قالیب ."
آللاهلی گوره ر وای یومورتالار دا بونلارین ایمیش
آللاهلی اوندان اوغلو آللاهسیزی سوروشار آتاسی دئیر گئدیب اوجاغا راز و نیاز ائلمه-گه
آللاهلی دئیر گئد اوغلونا دء کی آللاه دان او قیزیل یومورتالاری ایسته سین،
ساباحیسی گئتسین اوجاغین برینده داشین آلتیندان گوتورسون .
بیر سالمانا دء کی آللاه هاردا اولار و نه ائدر ...
سون
یازان ✍️✍️ داودپیرعلیلو یورقون یکانی
(۵)حیکایه
گوزل آللاهین آدی و یادیله
بیر گون بیر اربابین بیر آتی و بیر ائششگی وارایمیش
ارباب آتین یئمگینه و چولونا و یهرینه برک یئتیشردی و اونا یوک موک چاتامازدی
آتین قاباغینا یونجانین خاصاسین توکوب آت یئردی و آتین آرتیق اورتوقون کی آت یئمزدیر ائششگه وئرردی
ائششگ بونا گوره آت دان خوشو گلمزدی .
بیرگون آتین قیچی بورخولوب یئریندن چیخیر آرباب آتین چولو کی حریردن ایدی اوچ گوندن بیر یویوب و آتین بئلینه سالیب یهری قویوب مینردی .
قیچینین چیخماغینا گوره چول ایله یهری طوله نین گوشه سینه قویوب داها ال وورموردو کی آتین قیچی دوزلسین یهر ایلن چول هله نیاز دئییل .
ائششک آتین یانیندان کئچنده برک آنقیریب اونو لاغ ائدیردی .
ارباب باخیر گورور ائششگین پالانی لاپ ایشدن دوشوب گئدیب ائششگه یئنی بیر پالان آلیر .
پالانی گئتیریب ائشگین بئلینه قویوب ائششگی مینیب بیر آغیردا بوغدا یوکو چاتیب آپاریب بازاردا ساتیب قایدان باشدا بیر یوک خاصا یونجا آتین یئمگینه گوره آلیب ائششگه چاتیب گئتیریر.
یونجانی بوشالدیب ائششگی یئرینه سالیب آتین آرتیق اورتوغونو گئتیریب ائششگین قاباغینا توکور .
ائششک آرتیق اورتوغو یئییب بیر بئلینده کی پالانا باخیب اوز اوزونه فخر ائدیر کی یئنی پالان قویموشام .
اوجادان آنقریب اوزونو آتا ساری توتوب دئییر هن آت قارداش نه اولدو باخ منیم پالانیما باخ سنین چولونا یهرینه .
منیم پالانیم ائله اوخ کیمی دی سنین ده کی بیر زامان چولو اوچ گوندن بیر یویوب یهرینی یاغلاییردیلار ایندی قالیب توز تورپاغ ایچینده صاحاب دوران دا یوخدو
آت بیر گولومسه_ییب گیشنه ییب دئییر آی ائششگ سندن بحث ائتمگین کاری یوخدور
ولی بونو دیه بیلرم کی منیم او توزلو حریر چولومدان هله ده مین ائششگه اوخ کیمی پالان دوزلتمک اولار ..
پالانین چوخ موبارک دیر هئچ پالانینی گورموردوم ...
سون
داودپیرعلیلو یورقون یکانی
ای که می پرسی نشان مرد چیست
مرد فردی جز ز کوه درد نیست
مرد یعنی غیرت اش از قله بیش
آنکه می گیرد تواضع را به پیش
مرد یعنی جان فدای جان کند
پشت خود برشهوت و شیطان کند
مرد یعنی دافع هر ظلم و زور
حامل بار شرا فت تا به گور
مرد یعنی منصف و بحر شرف
شیر مردی چون علی شاه نجف
مرد یعنی استواری همچو کوه
غیرت اش مانند بحری در شکوه
مرد یعنی تکیه گاهی بر فقیر
آنکه از دستش شود درمانده سیر
مرد یعنی همچو ترکان دلیر
جنگنو یان دلیری همچو شیر
مرد یعنی عاری از کبر و غرور
هم دلاور هم جوانمرد و جسور
مرد یعنی غیرت اش طغیان کند
خانه ی دشمن سرش ویران کند
مرد یعنی عشق یعنی یک پدر
روی تاج زندگی همچون گوهر
داودپیرعلیلو (یورقون)یکانی
( اَلـفـبای تِکنولژے وَ ترفَنـد )
آمـوزش ، تـرفـند ، ابـزار
??? : @mobsec_ads
??? : @sudosup_bot
Last updated 3 months, 1 week ago