سجاد عقيل البوحمد
واتساب=====07711911959
فيس بوك ====سجاد عقيل البوحمد
انستگرام=====saj_aqeel
Last updated 3 months, 2 weeks ago
سيرافقك قلبي إلى اخر العمر
- لطلب تمويل تواصل ← : @ooooow
- قناة التمويلات : @xxxxzz
Last updated 5 months, 1 week ago
https://t.me/hjjhhhjjnkkjhgg1234
Last updated 4 months ago
يا علي ابن موسى الرضا
خروج ضعن الحسين عليهم السلام
بسم الله الرحيل أنّوو
وحيازيم السفر شدو
اعلى هالمسره بني هاشم
بالعده وعدد عدو
لم حسين اهل بيته ونطاهم رايه بالمنوه
والتمت بني هاشم وين الوادم التسوه
وكاللهم بني هاشم بمثلكم حكي اتكوه
رجفت غيض من ناده
تامر سيد الساده
سل السيف والمذبوح
عد هاشم صفت عاده
.........................................................
لم حسين اهل بيته
على متنه تلالي خاجيته
عمامة جده فوك الراس
وتوكل على نيته
يبخرون الضعن وحسين من عيون الملاهة الشر
وشال الرايه ابو فاضل وضلت ع الضعن تفتر
يا هيبة بني هاشم يسر الناظر المنظر
يفيض اعلى الضعن زوده
دام الرايه موجوده
مادام بيمينه السيف
ياهو اليكرب حدوده
.........................................................
مشو ولكربله ناوين
وتجدم هلمسير حسين
ونص المسره عايلته
وهواشم حاطته صوبين
تجدم هلمسيره حسين شحلاته راجب الميمون
بمشيته محير العربان حتى بمشيه هم فنون
وبصوت الگلب صاحت تحيله أخيته ام عون
هلا بهيبة علي وجدي
هلا بذخر الحسن عدي
ها يحسين هنيالي
على اخو امهم طبع ولدي
.........................................................
عمايم لايكه اعلى الراس
ويلمع جن شذر بالطاس
تحرك كل هوه يمرهم
الريشة بهامة العباس
كد ما هلكصص تعرك بزعلهة وكل محاجيهة
الكاع اليابسه التنداس جره ماي بسواجيهة
اتعطر كل ارض تنداس من اثار رجليه
كل نكله جدم بيهة
تخضر اثار رجليهة
كل ديره اليطبوهة
الخير يمر بأهاليهة
.........................................................
بخجل نور الشمس يطفه
يم نور الصعب وصفه
الامان البالضعن خله
الطير على المتن يغفه
وكف كل الزمن حاير وضعن حسين يتجدم
ضعن مهيوب مترده لونهة سيول من الدم
مادام على حك ما شين بذبح يحسين ما نهتم
اعلى حكنه ركاب ننطيهة
حجاية حكنه نحجيهة
ما دام على حك وياك
بعنه الدنيه والبيهة
.........................................................
سجاد عقيل البوحمد
باجر يرد ثار محسن والضلع
ونور قائمنا على السبعه يشع
باجر ترد عامره ديار البتول
و يالي ثارات الزجية نستمع
راعي ثار الزهره قادم
ويكشف اسرار الجرائم
يعلي رايات الفواطم
ابو صالح
بيده رايه من ابو فاضل
لثار ام حسين كافل
ان هذا الوعد حاصل
ابو صالح
............................................................
باجر بجفه يراوينه العجب
وعلى ركاب الظلم بتاره لعب
باجر يمد جفه ويزيح التراب
والظلمها باجر نشوفه انصلب
جم لعين نشوفه صالب
على الشجره من النواصب
يحي كل حگ المطالب
ابو صالح
ونارهم تاكل حطبهم
وبيد ابو صالح امرهم
الهاشمي المعروف طبهم
ابو صالح
............................................................
نفس ذيج النار الشتعلت قبل
باجر ترد وبزمرهم تشتعل
الف مره يحي ويموتها كون
كلوب ما تشفه اذا مره القتل
كون مو بس مره وحده
نكطع ركاب التعده
المصطفى بيها نسعده
ابو صالح
شما يرد يحيها ربك
بالف قتله يشفي كلبك
ما يضل شيطان كربك
ابو صالح
............................................................
عيون ملهوفه على شوفة صارمه
وعلى خفگ الرايه اليكحل السمه
ويا حلاة الصوت النسمعه يكول
لعن الله قاتليكِ فاطمة
رايته تكحل النواظر
باتره شيخ البواتر
القائم بحيل الله ظاهر
ابو صالح
يعلي رايات الظلامه
يطالب بثار الامامه
ننطر لساعة قيامة
ابو صالح
............................................................
سجاد عقيل البوحمد
عظيم اجرك. دخيل صبرك. حنانك رحل. ياعلي بوجع كلبك. شفت. حبك. موته وصل. ياعلي الله يساعدك متعوب. تتعب من تصد للبوب دم واثار للمحبوب. على الباب تصدلها بوجع مهضوم يلجمها الضلع بالنوم ملجومه وصرت ملجوم شهلمصاب مهدود حيلك…
عظيم اجرك.
دخيل صبرك.
حنانك رحل. ياعلي
بوجع كلبك.
شفت. حبك.
موته وصل. ياعلي
الله يساعدك متعوب.
تتعب من تصد للبوب
دم واثار للمحبوب.
على الباب
تصدلها بوجع مهضوم
يلجمها الضلع بالنوم
ملجومه وصرت ملجوم
شهلمصاب
مهدود حيلك تنظر لفاطمة
وابنك بحسرة فاكد تكلمه
هذا العجب سيدي كل العجب
ما طبكت على الارض هاي السمه
............................................................
الحزن خَيّم
علي تيتم
دموعه جرن. اويلاه
الشمس غابت
دمه شافت
يا ام الحسن. اويلاه
ماي تبدت الزهره
بجفها من الحرك جمره
حيدر يا عظم صبره
على الصار
مكسوره ونخت مكسور
ودمعها بحركه ضل يفور
بعملته الجاني ما معذور
حرك دار
ما ينعذر كلوله بيه ام حسن
وزاد الدفع وضلوع يتكسرن
وجاوب وان والنار زادت حرك
خلف الجمر جفين بيه انجون
............................................................
دمع سايل
ظهر مايل
حنان انجفه. بعتبته
الهضم زيده
علي وليده
انذبح لو غفه. بعتبته
مذبوح الولد ع الباب
الترف ما يغفه فوك تراب
محني البالشدد ينهاب
على ابنه
الموقف بيه ذبح ودموم
وحرمه كوه من تكوم
لعاشر كربله الهموم
خذنه
هاي البدايه لهضمة العايله
ودموع عين على الوجه سايله
هاي البدايه وجمره البعتبته
تورث جمر خيماته البكربله
............................................................
جرح عمرك
كسر صبرك
دموع الالم. كسرتك
جمر بابك
على اعتابك
مثلها خيم. كسرتك
اليبجي من الهضم مجروح
بدمعته تحسها تطلع روح
عطر موت وفراق يفوح
بالعيون
اليشوف بنيته تبجي شلون
يسلهم لو يغمض عيون
ما يوسع خنكته الكون
على ام عون
صبرك يحيدر محد يوصفه
مات ابنك وكاروك بيه ما غفه
والزهره من كسر الضلع تنتحب
وباب الهضم بالنار وچ وطفه
............................................................
سجاد عقيل البرحمد
باب وحايط وجمره. مصايب فاطمة الزهره
لاذت والجمر بالباب. حيدر يا عظم صبره
دفعو باب وجمره اليلسع.
يدفع هوة وفاطم تدفع
ما رادت ضل يمهم يطلع
ماهمهة الباب ولا ناره
بس حيدر لا تنطب داره
عصروهة وضلت محتاره
يا فضه دفعو باب. زمره تّسمى اصحاب
وضلعي وجنيني انصاب
وانوح
ما همني كل الصار. ضلعي ولهيب النار
بس همي بالكرار.
وانوح
..........................................
ناحت والألم بيهة. ومخنوكه بواجيهة
أذوهة العليهة انكال. ياذي الله اليأذيهة
الباب اليستأذنهة المرسل.
محروكه بأمر من الاول
الماهو انضيف كبال الاجمل
داسو بيت وطاحت عصمه
ومحسن راح لربه بدمه
ما توصف هلمشهد جلمه
الزهرة تنطي نذور نور ويلحقه النور
وتمشي بضلع مكسور
حرام
من عدهة يبدي النوح. تمشي بكلب مجروح
روح النبي هلروح
حرام
..........................................
عاشت بالهضم زهرة بضلعهة الما يصح جبره
كلما سلهمت للنوم. تذكر موقف العصره
من تغمض تذكر منظر
تلجمهة العين وتتذكر
عصر الباب وخدهة الاحمر
لو لاكاهة حسين بهمه
ما تكدر مولاتي تضمه
من تحضنه تزيد اللجمه
كلما تشيل الايد. تشبك ابنها تريد
لجمة ضلعهة تزيد.
وتنوح.
محرومه عاشت ليش. جازوهة فاطم بيش
مكسوره راح تعيش.
تنوح.
..........................................
لحجرتهة بحزن فاتت. لاسماء وصت وكالت
بصلاتي لو خفت صوتي. كولي فاطمة ماتت
ذاك الصوت البيه حنيه
ضل يخف شويه شويه
مهضومه وماتت محنيه
(انا اعطيناك الكوثر)
رجعت لله بخدهة الاحمر
الله يكون بعونك حيدر
بين اليجي والراح. بموتتهة ما ترتاح
تنطرهة كثره جراح.
حسين
باجر حزنهة يزيد من يبقى ابنها وحيد
واهلة عليه بعيد.
حسين
..........................................
يغسلهة بوجع حيدر. على ضلع الزهره جف مرر
انهد حيله وكعد بالكاع. ويلا ما بعد يكدر
مَرت ايده لضلع الزهرة
وهنا حس بضلع وكسره
ع الراس ايده وشابج عشره
ضل يصيح ومنهد حيله
حيدر بس حيدر يشكيله
وسفه الحايط اليتجيله
الوكت الحرب ينهاب. مر على كلبه صواب
حيدر يلجمه الباب. عجيب
لشيلتهة راد متون. مصابه ابد ميهون
بلا زهره عيشه شلون. عجيب
..........................................
سجاد عقيل البوحمد
مفتوح
رحلة هضم ضيم وسبي
وحداي زينب اجنبي
كلشي اختلف ممشه الضعن
حداي نوك البالضعن هم اختلف
وثابت بقى موقفها زينب والعبي
هاي انا زينب بت علي
لخواني احجي مصيبتي وشلون صارت طلعتي
عن كربله بدرب اليسر
تعرفون زينب بالخيم من جان كافلها عدل والرايه الي جانت ستر
هسة احجي طاحت رايتي واحجيلكم عن زينب بدرب السبي .................
حشمتكم
خويه وي كل جمره كبرت نص خيمكم
ومن بده السلاب ينهب محملي الجان بضعنكم
هنا صحت بس صوتي ردلي موته يا خواني كلكم
خويه ليل علينه جل جل
اطفالكم وازتهة نار
والتخوفه النار خويه وخيل تركض ودنيه ليل شلون يندل
كلشي عفتوه اخضر بهذا المخيم كام يذبل
ومن ذبل كلشي بخيمنه هنا ردتكم
هنانه زينب حشمتكم
...........................................
عاتبتكم
كلشي بالطف انطفه وصارت ضلام
نوركم خويه وشمسنه وحتى نار البالخيام
هنانه زينب عاتبتكم خويه بس موش بكلام
خويه دمعي الطاح فوك الرمله عَتبه
يا مضيف اهلي الكضه والطاح بالطف شبه شبه
خويه تخنكني عبرتي شما تصد عيني على جربه
من وصلني الماي حيره هنا ابديه لو اشربه
وانا عيني اعلى جثثكم
هنانه زينب عاتبتكم
.............................................
ودعتكم
خويه مصباح المصيبه علينه صبح
ونوكنه الجابوهن النه بكلبي تجرح
خويه ذباح الذبحكم عينه بالنسوان تذبح
خويه ع الهزل ركبنه بمستحانه
وما رضه نودعكم براحه الخذانه
روسكم كدامي واجساد بكفانه
هاي بينه يمتى صارت
نمشي نسوان بطريق
والاهل ضلت ورانه
خويه اذاني الذبحكم
من ذبحكم وخله زينب من على نوك الهزيله ودعتكم
.......................................................
سجاد عقيل البوحمد
بعد المسافات تكربهة دمعات
ع الغربه والشام
خل دمعك يطيح للضلت تصيح
ودور الايتام
بدمعك تواسي
ذيج المئاسي
الشافتهن ام عون
حرمه ووحيده
وكل التريده
خيمه من العيون
للشافت خيل على حسين
والراحت ما تعرف وين
ابجي واعمي عليهة العين
.......................................................
رماح وسحك خيل ودم ع الثرى يسيل
واصبع بلا ايد
ضج للبقه هواي ما شارب الماي
وخل دمعك يزيد
كثر نحيبك
وانضر حبيبك
من عنده راح الحيل
سلبو خيامه
وضل بمنامه
ويمنعه سحك الخيل
حركوهن خيماته وراد
ينهض بس حاول ما فاد
وصارن كل خيماته رماد
.......................................................
الجم شكو جروح ولتبطل النوح
بيهم وكت دار
خل كلبك يشوف جويات الجفوف
وشخلن اثار
ارسم مصيبه
لممشه الغريبه
حرمه واهلهة بعاد
شافت جثثهم
سلبوهة كلهم
وبيهة اللجم زاد
اهل العصمه على التربان
وشيخ الساده ضل عريان
وضل راسه يباري النسوان
.......................................................
اذكر جمر نار داسته الزغار
ومحفيه الجدام
بنص صحره يا ويل وتلحكهم الخيل
ما ضلت خيام
اذكر جدمهم
والحر لجمهم
من طش جمر الخيام
موت بغربتك
نزل دمعتك
وابجي لهضيمة شام
ارسم غربه لناس اغراب
يفترشون وساده تراب
يلجمهم كل ريح الهاب
.......................................................
سجاد عقيل البوحمد
محرم الحرام ١٤٤٦
Last updated 3 months, 2 weeks ago
سيرافقك قلبي إلى اخر العمر
- لطلب تمويل تواصل ← : @ooooow
- قناة التمويلات : @xxxxzz
Last updated 5 months, 1 week ago
https://t.me/hjjhhhjjnkkjhgg1234
Last updated 4 months ago