🔥Tushdim sevgi qopqoniga

Dard alamlar ketmas arib,
Yurak to'ydiku joniga.
O'zi to'g'ri yo'l axtarib,
Tushdim: sevgi qopqoniga

Ishq azobi sinar doshim,
Jafo ko'rib ko'zda yoshim,
Endi qayga uray boshim,
Tushdim: sevgi qopqoniga

Yorim boylik tomon bo'ldi.
Rangi ro'yim somon bo'ldi.
Ex o'zimga yomon bo'ldi.
Tushdim: sevgi qopqoniga

Firoq yuki netay? jilmas.
Baxt degan xis nazar qilmas.
Birov bilib, birov bilmas.
Tushdim: sevgi qopqoniga

Endi yengib, yiqolmayman.
Bag'rim ezib, siqolmayman.
Bu zindondan chiqolmayman.
Tushdim: sevgi qopqoniga

Ko'rindi tor yer-u fazo,
Har ishimga oldim jazo,
Yordam bergin! Sarvar Mirzo
Tushdim: sevgi qopqoniga

Muallif✍Sarvar Mirzo
26.06.2024
❌Muallif ruxsatisiz foydalanilmasin

Sarvar Mirzo

YOMGʻIRLI QIZ

Yomgʻir yogʻib kun boʻyi,
Yerlarni suv bostida...
Bugun sevganim toʻyi,
Boʻlar yomgʻir ostida.

Tuni bilan saharcha,
Yomgʻir toma koʻl boʻldi.
Qoʻlimdagi bir parcha,
Taklifnoma hoʻl boʻldi.

U kelinchak, biz banda,
Chidaymizda koʻyiga.
Bugun quyosh chiqqanda,
Borar edim toʻyiga.

Osmon yigʻla, yulishib
Bagʻrim tilar odamlar.
Men yigʻlasam kulishib,
Gap soʻz qilar odamlar.

Yomgʻir tinma kun boʻyi,
Chang koʻchalar koʻl boʻlsin.
Bugun sevganim toʻyi,
Oq libosi hoʻl boʻlsin.

Baxtlarga eshik yopib,
Armon tamini totdim.
Uni yomgʻirda topib,
Shu yomgʻirda yoʻqotdim.

Muhabbat boʻldi jafo,
Oʻtmishlar sirli sirli....
Baxtli boʻling bevafo,
Yomgʻirli qiz yomgʻirli.

Andijonni kun boʻyi,
Yomgʻirdan suv bostida...
Bugun sevganim toʻyi,
Boʻlar yomgʻir ostida.

✍ Odilbek Qodirov

❤️ 𝗞𝗮𝗻𝗮𝗹 | 𝙾𝚍𝚒𝚕𝚋𝚎𝚔 𝚀𝚘𝚍𝚒𝚛𝚘𝚟

#𝗣𝗥𝗘𝗠𝗬𝗘𝗥𝗔.

📜𝗚'𝗜𝗬𝗕𝗔𝗧𝗜𝗠𝗡𝗜 𝗤𝗜𝗟𝗚𝗔𝗡 𝗕𝗔𝗭𝗜 𝗘𝗥𝗞𝗔𝗞𝗟𝗔𝗥.

Nomi ulug' surpasi-chi doim quruq,
Bazida kimlarga bo'lar ermaklar,
Ojizani ko'nglini parchalar etib,
Ayolga teng bo'lar bazi erkaklar!

Dinni niqob qilib, sotadi gaplar,
Bazida g'iybatga qo'shadi loflar,
Kimning nomiga soladi dog'lar,
Ayolga teng bo'lgan bazi erkaklar!

Maqsadi bilmayman ne asli uni,
G'iybatlar ichida tug''adi kuni,
O'zichi bilmayman qanday xar tuni,
Ayolga teng bo'lgan bazi erkaklar.

Aslida so'z uvol sizlarga bugun,
Masiyat rangidan rangingiz gulgun,
Adovat urug'ing ekasiz nechun,
Ayolga teng bo'lgan bazi erkaklar.

Dono va dindorni yoqib oladi,
Bo'yniga gunohni taqib oladi,
Bu dunyo sizhu bizdan qoladi,
Ayolga teng bo'lar bazi erkaklar.

G'iybatni qilasiz so'zlarni terib,
Yurasiz erkak bo'lib ko'krakni kerib,
Ayollar poyidan mansabni terib,
Meni g'iybat qilgan yuzsiz erkaklar.

Allohim kechirsin gunohingizni,
Yomondan olis etsin xayotingizni,
Siz asrang yoningdagi ayolingizni,
Qaytar dunyo qaytadi kuting erkaklar.

Ayolni qoralab topasiz obro',
Siz bor joylarda yuray beparvo,
Ko'rinmang iltimos bir bor ro'baro,
Sevarani g'iybat qilgan erkaklar.

Allohim kifoyasi sizlarga bo'lsin,
Qarg'amayman sizni xudoyim bilsin,
Ayollar yig'lasa nomardlar kulsin,
Ayolga teng bo'lgan bazi erkaklar,
G'iybatdan to'n kiygan bazi erkaklar.

✍𝗦𝗛𝗢𝗜𝗥𝗔𝗚𝗜𝗡𝗔𝗠.(𝗦𝗘𝗩𝗔𝗥𝗔).

𝙎𝙃𝙊𝙄𝙍𝘼𝙂𝙄𝙉𝘼𝙈 𝙎𝙃𝙀'𝙍𝙇𝘼𝙍𝙄.

Ammo tayyor she'rni ostiga muallifini òzgartirib kerilmaslik kerak bu meni fikrim..

Asl muallifi kim òzi hayratdaman ?

Bu nima bu Fayyoz G'aniyev, Odilbek Qodirov bular egizakmi ??

**Рад этилган

Бўлди сабрим тўлса тўлсин,
Айрилиққа қўл етилган.
Ишқи борлар бахтли бўлсин,
Менинг севгим рад этилган.

Севги алам озормиди?
Муҳаббат шум бозормиди?
Билмам шунча безормиди?
Менинг севгим рад этилган.

Қайдан учратдим-а дайдиб,
Энди йўламайман қайтиб,
Оғзим куйди изҳор айтиб,
Менинг севгим рад этилган.

Тақдир синар дошим билан,
Заҳар қилиб ошим билан,
Қолдим кўзда ёшим билан,
Менинг севгим рад этилган.

Алам ичра ўтмайди тун,
Биров кулар чиқармай ун,
Қолим калталиги учун,
Менинг севгим рад этилган.

Яна қанча бағрим тилай,
Тўйи қачон экан билай,
Сарвар Мирзо нима қилай,
Менинг севгим рад этилган.

Муаллиф✍Сарвар Мирзо
03.03.2024. 15:38
❌Муаллиф рухсатисиз фойдаланилмасин**
https://t.me/Sarvar_Mirzo

Мени севиб қолмасанг бўлди...

Гоҳи борман, гоҳи ғойибман,
Излаб излаб толмасанг бўлди...
Бир ғалати, бир ажойибман,
Мени севиб қолмасанг бўлди...

Ишваларинг қилиб атайин,
Очиласан гулдай кун сайин...
Ҳатто ўзинг сезиб сезмайин,
Мени севиб қолмасанг бўлди...

Пинхонгина турсада сирлар,
Яқин кўнгил деган манзиллар...
Бир куни чин бўлиб ҳазиллар,
Мени севиб қолмасанг бўлди...

Паривашлар бўлолмас санча,
Кўнглинг олмоқ азоби анча...
Севмайман деб онд ичиб қанча,
Мени севиб қолмасанг бўлди...

Эх куйдирган ёзларингдан сўнг,
Адо қилар нозларингдан сўнг...
Минг бор эътирозларингдан сўнг,
Мени севиб қолмасанг бўлди...

Жисминг забон, руҳинг жонимда,
Ҳаёлларинг юрар ёнимда ..
Энди умид узар онимда,
Мени севиб қолмасанг бўлди...

Севдим десам айландим ёвга,
Ўлжа бўлдим сен чиқдинг овга...
Аммо бергинг келмай бировга,
Мени севиб қолмасанг бўлди...

Севсанг борман, йўқса ғойибман,
Кетсам излаб толмасанг бўлди...
Бир ғалати, бир ажойибман,
Мени севиб қолмасанг бўлди...

✍ Одилбек Қодиров

❤️ ????? | ??????? ???????

**Kecha kunduz yonida bo‘lib,
Orzu ichra armonga to‘lsang.
U deb turib u deya o‘lib,
Keraginga keraksiz bo‘lsang.

Holing so‘rab eshik qoqmasa,
Zulmatingda nurin yoqmasa,
Qiyin taqdir kulib boqmasa,
Keraginga keraksiz bo‘lsang.

To‘lmay sira ishqning daftari,
Tugamaydi afsus pandlari,
Bo‘lmas ekan bundan battari,
Keraginga keraksiz bo‘lsang.

Alam hissi azob berarkan,
Ko‘zlaringa marjon terarkan,
Har nafasda o‘lging kelarkan,
Keraginga keraksiz bo‘lsang.

Bir dardinga topilmay chora,
Qonayverar qalbdagi yara,
Boy ham bo‘lar g‘arib bechora,
Keraginga keraksiz bo‘lsang.

Tor ko‘rinib dunyo ko‘zinga,
Qon yugurmas oppoq yuzinga,
Yoqmaysan hech o‘zing o‘zinga,
Keraginga keraksiz bo‘lsang.

Muallif: Komila Qiz.**

@Komila_Qiz_7848