تالي طبگو بابهم
وابنار فشلتنه إنچوينه
اتندمينه وأيسينه
.وابتعدنه ابعيد
لاچن طيفهم ضل يعتنينه

الناس بلفنجان تقرأ وتمسح الجام بجريده

أُمي قبلك سولفتلي
"شعندي غيرك"
وخلفت فوگاي خمسة
وصرنه ستة
وآنه عند أُمي عزيز
وللأسف حبيتك أنتَ.

الحيره و ظنوني وفشل چفي الوحيد بلايه چفك
شوگي الراسم امل باقي على ظرفك
لا يزل گلبي و ارد چن ما فگدتك
ما مدورك
چني مو ذاك النطرتك.

https://t.me/fb13_1/s/162

نيتك صافية وتعرف شلون تروح
وتندل يا حلم من ليلك تشگه
صَحرة بعين بدوي اتمنى روحي تصير
على حرورة رملها يطگ عشب خلگه
من اشوفك حسّبت حضنك يصير گماط
وتدگ روحك صليب بحضني بالشبگة
وأشد من غيبتك ماصخ طلع ملگاك
اجيت وثگل جدمي ودمعتي تسبگه
انة مالح وأغزّر من ادوس الگاع
شني ما غزرت وياك بالملگة!
رايدلي خلگ يعبر صهيل الليل
علي گامت طيوفك من تجي مدنگة

يماي العافية شمالك
شجاك وليش ؟
ولا كَطرة ندى منك
تجيس المشتعل بيه
وآكَول آفيش !

الشته عن حچيك شيفرق
اذا حجم البرد نفسه

ياشوگ ياهو اليجي لاتوكف
بصفنتي محد يدگ الباب
مو تدري چفي ثلج
وخدودهم من شمس
لو اجيسهن بالحلم
تلگاني صم تراب